【霆鋒賣68蚊人仔拌麵餐 大陸網民唔buy惹負評】食焦

Chef Le Mon真係動作多多,同麥記合作出漢堡包之外,佢自己「鋒味」嘅本業都好多瓣數㗎!最初就有鋒味曲奇,依家連拌麵都玩埋,有包裝靚靚嘅即食麵賣之外,喺北京佢自家嘅餐廳鋒味實驗室,仲有廚師即叫即煮,吸引咗唔少人去捧場㗎!

即食包裝嘅鋒拌麵有麻辣、三杯同櫻花蝦紅油3種味,你想食邊款?(鋒味fb專頁圖片)

大陸嘅堂食鋒味拌麵,賣68蚊人仔!(鋒味fb專頁圖片)

堂食嘅鋒味拌麵有套餐選擇,盛惠68蚊人仔,計返即係76蚊港銀,除咗有碗乾拌麵上面有幾片臘腸,仲有半隻滷蛋同幾條油菜,再加埋杯香草西柚梳打,呢個價錢對香港人嚟講都唔算好平啦,何況係喺強國市場,大陸網民直頭話唔抵添啦!

實物係咁嘅,同海報個樣差不多啦!(網上圖片)

喺北京嘅鋒味實驗室現場,有廚師即叫即煮拌麵。(鋒味fb專頁圖片)

有網民留言甚至俾得2粒星咋(滿分都係5粒啫!),留言話「兩星給環境服務,68吃了個方便麵雞蛋,雞蛋還就給一半,味道也那麼回事兒,油大得離譜,關鍵是沒有可能遇見霆鋒」即係個拌麵連半粒星仔都無!有網民亦話呢個價錢唔值得再去第二次囉!

大陸網民俾2粒星!睇返最尾嗰句,咁係咪如果遇見霆鋒,會滿分爆星星呢?(網上圖片)

鋒味專頁就po咗食客讚到number one咁嘅相喇!(鋒味fb專頁圖片)

你有你踩,Chef Le Mon未驚過,佢仲喺鋒味個專頁度po咗現場食客相,有人相機食先掛住影碗拌麵、有人就對住鏡頭豎起隻手指公讚好喎,似乎對於其他負評唔係咁上心囉!情況就等於喺香港,有人都彈佢同老麥出個肉醬包唔多掂一樣!Chef Le Mon照樣我行我素,阻止唔到佢對飲食嘅熱誠喎!

鋒味同麥記crossover出包,霆鋒落足力宣傳! (鋒味fb專頁圖片)

明星拌麵市場戰況激烈,台灣有名主持人曾國城嘅曾拌麵。(曾拌麵fb專頁圖片)

又有舒淇做生招牌嘅KiKi拌麵。(KiKi拌麵fb專頁圖片)

You may also like...

Leave a Reply

Your email address will not be published. Required fields are marked *