【獨角獸夢幻下午茶 Post相呃like玩埋抽獎】Supergiant Tapas & Cocktail Bar

High tea影相呃like就梗㗎啦,不過今次可以玩埋抽獎添!今次Mira Moon Hotel嘅冬日奇炫獨角秀下午茶,以粉色系嘅甜點配襯Q版獨角獸,靚到好似入咗童話世界咁。為咗配合聖誕拆禮物嘅氣氛,只要將你歎呢個靚靚下午茶嘅相post喺Instagram,標籤#unicornteaparty #borntoshine #zoulevents 同@miramoonhotel,寫埋聖誕佳節嘅祝福句,3位最具「炫美」創意嘅參加者就有機會獲得由MiraSpa美容專家送出嘅美容體驗喇!12月31日上返酒店官方Instagram就睇到得獎名單。不過有冇抽獎都好,食嘢點都要坐得舒舒服服,睇吓環境先。


呢度有唔同風格嘅座位,花園feel又有、古典feel都有啫。坐得咁舒服,可以睇睇有咩食喇!

成個餐感覺勁仙氣,Q版獨角獸夠晒童話色彩,大人細路都一定鍾意囉。唔好以為淨係得甜點,鹹點都有㗎,好似迷你紅菜頭香脆豬腩仔刈包煙三文魚鱒魚魚子小點迷你紅菜頭鮮茄蝦仁脆籃等等。

咁獨角獸甜點係咩嚟?BB樣嘅係用白朱古力整成嘅幻彩甜甜圈,可愛程度甜入心呀!玻璃杯就係以荔枝啫喱、荔枝蓉、荔枝味爆爆珠同彩色綿花糖層層疊成嘅紅粉荔人,清新果味幫你refresh一吓。

仲有右邊嘅迷您獨角秀朱古力棒棒糖,同左邊用藍莓忌廉做裝飾嘅獨角秀杯子蛋糕,吸睛到唔捨得食囉。

呢款期間限定特飲凡塵仙子以伏特加、薰衣草同檸檬調製而成,一路飲一路影相仲唔即刻仙女上身?

 

冬日奇炫獨角秀下午茶:
供應日期:即日至2018年12月31日逢星期四至日 
供應時間:15:00-18:00
收費:HKD598兩位 – Supergiant
HKD3,980十位連兩枝G.H. Mumm香檳 – 尚匯頂層(額外每位HKD398,呢個優惠要一星期前預訂)

(7日前預訂有8折優惠,所有價目另收加一服務費。)

Mira Moon Hotel – Supergiant Tapas & Cocktail Bar
地址:香港銅鑼灣謝斐道388號問月酒店3樓
電話:2643 8875
營業時間:星期一至日:07:00-01:00

您也許也會喜歡…

發表迴響

你的電子郵件位址並不會被公開。 必要欄位標記為 *