【疑過期菊花沖出30幾條蟲 網友驚呼:好恐怖好嘔心!】食焦

想沖返杯菊花茶飲吓,點知沖出來發現有好多條蟲,你會有咩反應呢?有網友諗住買包有機菊花以為夠晒健康啦,仲要標榜係無任何農藥喎,用保溫杯焗咗5個鐘,預備飲嘅時候就發現好多條狀物體咁浮吓浮吓,驚現30幾條蟲生勾勾咁郁郁吓,畫面好嚇人呀!

睇嚟事主要挑起晒咁多條蟲蟲出嚟影相,都花咗唔少心機同時間!(PLAY HARD玩硬fb群組圖片)

原先係諗住沖返杯菊花枸子蜜嘅,點知變咗蟲蟲蜜!(PLAY HARD玩硬fb群組影片截圖)

如果眼力差啲就咁飲咗唔知會點呢?(PLAY HARD玩硬fb群組截圖)

呢包嘢原來係網友購自有機商店點點綠嘅「特級杭白菊(無農藥)」,網友開po咁講:「好驚⋯ 差啲飲到成肚蟲⋯話就(說)今日焗左杯菊花枸子蜜飲下⋯ 用保溫杯焗左5個鐘,倒落杯到想飲果陣,發現有好多雪白色嘅條狀物體係到浮浮下!再倒落隻碟到就睇得好清楚⋯ 有紋里,頭有黑點⋯ 原來係蟲,最小有30條⋯ ⋯ 好嘔心! 好彩睇到⋯ 」

郁郁吓個頭仲有黑點。(PLAY HARD玩硬fb群組影片截圖)

菊花瓣浸到幼了了咁,同啲蟲仔真係好鬼似!隨時走漏眼㗎!(PLAY HARD玩硬fb群組影片截圖)

的確係無農藥喎!(PLAY HARD玩硬fb群組圖片)

網友仲話喺好多棵菊花芯入面都發現有蟲,「眼力差啲都中伏!」最後就開名曲線讚「點點綠~ 比個讚你! 真係無農藥!」有片又有圖,的確見到有好多條毛毛蟲喺度,其他網友就回覆話同樣覺得嘔心,但亦有唔少網友話證明起碼真係無落到農藥喎,有啲仲覺得事主大驚小怪添,話佢食蟲好過食農藥喎!

網友呢個反問真心正,係咪真係敢飲先?(PLAY HARD玩硬fb群組截圖)

就咁「打個結」梗係唔安全啦,滋生晒咁多蟲蟲啦!(PLAY HARD玩硬fb群組截圖)

有人問事主係咪買咗好耐,但係事主就答覆話係剛剛買返來就沖,即係唔係擺咗好耐先搞到咁啦!不過事件曝光之後,點點綠回應傳媒嗰陣就話從相片睇就係舊包裝,而呢款包裝嘅生產日期係2016年7月,食用期為一年,即係話已經過咗成年半有多喎,仲話即時檢查過現貨都冇發現任何蟲類物體,亦冇收到任何相關投訴。都係嗰句啦,以後記得要睇清楚包裝上嘅每粒字呀,無謂口同鼻拗喇!

去酒樓飲菊普又要小心喎咁!(PLAY HARD玩硬fb群組截圖)

又唔使咁誇張嘅!(PLAY HARD玩硬fb群組截圖)

您也許也會喜歡…

發佈留言

發佈留言必須填寫的電子郵件地址不會公開。 必填欄位標示為 *