【公審牛涮鍋禁素葷同枱 無理素食者被網友圍攻】食焦

素食者有時都好有堅持,網上仲不時出現素食者同肉食者嘅矛盾大對決添,掀起過好多爭論㗎!最新一單係點呢?就係素食者要去牛肉火鍋放題店食素,究竟係咩玩法呢?最近有素食者喺自家素食專頁開帖,「不會再來這餐廳~牛涮鍋 因為他 “禁止”素食和肉食朋友同枱食 我被迫要”一個人坐開”食團年飯」。

事情發展到呢個地步,呢個post一早刪咗,連成個page都估唔到要del埋啫!(Lawrence食到邊”素”到邊fb專頁截圖)

原先諗住會有人和應吓㗎嘛…… (Lawrence食到邊”素”到邊fb專頁截圖)

話說事主同屋企人去咗黃埔間牛涮鍋食團年飯,而事主係素食者,佢話店家唔俾佢同屋企人坐埋一枱喎,「是他們質素差,反而我們食素的, 會有種豁達」,仲話以後唔會再幫襯添!此po一出,引來唔少網友分享去其他飲食群組,結果,好多人都覺得事主口口聲聲話自己豁達,但又公然將事件放上網想公審店家,根本係假豁達!

黃埔嘅牛涮鍋就係當日素食者去嘅地方喇!(牛涮鍋fb專頁圖片)

其他網友嘅留言。(網上截圖)

而網友異口同聲都話店主將佢哋分枱坐嘅做法係正常不過,你食素係冇問題嘅,只要你肯俾返食肉者選餐嘅同樣價錢就得,唔肯嘅話,店家要求你分枱坐亦好合理,「如果全枱1個俾肉錢,其餘6個俾素錢然後狂食肉咁點?真係豁達嘅茹素者應該深明此理,無人歧視你!」

網友認為係會有機會出現用素食價狂食肉嘅情況喎!(網上截圖)

回教徒去豬肉店,金句啦!(網上截圖)

網友仲話事主食素要去牛涮鍋都已經夠搞笑,仲好意思想公審店家!咁點先可以同枱呢?原來只要加返10蚊相等於肉食者嘅同價就得,即係事主唔肯自己加嗰十蚊雞,先要分開枱坐啫!自己開po得唔到共鳴,反而仲要俾其他網友圍攻,做人更豁達都受唔住啦!所以呢,眼見群情洶湧,事主拿拿臨刪po,仲連自己個素食專頁都del埋!算唔算攞嚟衰?

各位網友嘅圍攻點都係呢個!(網上截圖)

仲要俾人做埋圖剝花生!(The Beggar in the Restaurant乞客fb專頁圖片)

您也許也會喜歡…

發佈留言

發佈留言必須填寫的電子郵件地址不會公開。 必填欄位標示為 *