【2019端午糭新味吹養生風 6大靚糭優惠Last Call!】翠亨邨、奇華餅家、尚鮑、帝京酒店、鴻福堂、東海飲食集團

下星期就係端午節喇,點都要食返隻糭應吓節嘅,包唔切就睇吓小編精選幾款新口味嘅糭啱唔啱你啦!啲糭要經濟有經濟,要矜貴就好矜貴,今年仲特別多走健康趨勢嘅素糭添,有變又唔怕食濟添。

 

翠亨邨:兩款全素糭 養生姬松茸×黃金柑桔

翠亨邨今年新推出呢款養生姬松茸百味糭(優惠價HKD98)以健康養生為主,用咗三色藜麥、栗子、鷹嘴豆呢啲健康食材嚟整,再加入姬松茸、蟲草花、昆布同海帶,用料好豐富㗎。

想食鹼水糭嘅話,不如試吓黃金柑桔糭(優惠價HKD53)。呢款獨創口味係以糖柑桔同埋自家製柑桔蓉整成鹼水糭,食落有淡淡柑桔果香添,蘸埋佢哋嘅蜜味柑桔醬一齊食就更開胃喇!

 

銷售點:翠亨邨全線分店
銷售日期:即日起現貨發售

 

奇華餅家:全推梅菜紅燒肉糭 創意口味突破傳統

奇華餅家新推兩款糭有鹹有甜,左邊嘅梅菜紅燒肉糭(HKD62)就將平時食開嘅家常菜同糭crossover,糭入面嘅肉以紅燒汁燉煮,加埋梅菜夠晒入味,呢款糭創新之餘又有一種熟悉嘅感覺喎。而右邊嘅蜜棗栗子麥米素糭(HKD58)放咗蜜棗同原粒栗子,味道清甜又有咬口,健康又飽肚。

 

銷售點:奇華餅家全線分店(北角港鐵站、海洋公園及香港國際機場分店除外)
銷售日期:即日起至6月7日

 

尚鮑:孝敬之選 60克南非鮑魚入「糭 」

鮑魚專門店尚鮑推出嘅糭當然以鮑魚做主角啦!佢哋嘅尚鮑南非鮑魚瑤柱上海糉(HKD498)選用60克南非鮑魚,慢煮後香軟易咬。呢款糭有傳統糯米同新出嘅紫米俾你揀,想吸收多啲纖維健康啲就試吓紫米啦。限量500隻咋,想食就快啲去預訂喇!

 

銷售點:尚鮑
地址:中環威靈頓街60號地舖
電話:
營業時間:

 

帝京酒店:三色素糭新組合

帝京酒店三色養生糭(原價HKD148;5月31日或之前預訂HKD118)系列除咗有纖維豐富嘅黑松露雪蓮五穀糭同香甜嘅桂花藜麥甜豆糭之外,今年仲有新登場嘅松茸桂圓薏仁糭,用咗雲南松茸配搭桂圓、薏仁呢啲咁養生嘅食材,食多啲都唔驚膩啦。

 

銷售點:帝京餅店
地址:香港九龍太子道西193號帝京酒店一樓
電話:2622 6256
營業時間:星期一至日:10:00-22:00
訂購日期:即日起至2019年6月3日
換領日期 : 即日起至2019年6月6日

 

鴻福堂:經濟之選 多重優惠等緊你

鴻福堂今年新出嘅原粒瑤柱金腿香菇上海糭(HKD82),有瑤柱同金華火腿做餡,味道香濃又足料㗎。依家買任何端午糭禮券6張,就送1張原隻鮑魚瑤柱豚肉裹蒸糭禮券(價值HKD178),自家CLUB會員仲有額外優惠添,詳情留意官網啦。

紫薯控就必試呢款紫薯桂花粒粒紅豆鹼水糭(HKD63),幼滑嘅紫薯夾清香嘅桂花,有淡淡天然嘅甜味㗎。

 

銷售點:鴻福堂全線分店
訂購日期:即日起至2019年6月5日

 

東海飲食集團:新品金桂十勝紅豆糭 兩隻以上75折

紅豆糭唔算特別,但東海集團嘅新品金桂十勝紅豆糭(HKD88)選用來自日本嘅十勝紅豆,配埋上等陳皮、桂花同煮到起沙嘅紅豆蓉,食落軟腍香甜。紅豆又養顏補血,滋味又健康喎。依家至6月6日,買兩隻以上仲有75折添,折咗先66蚊一隻咋!

 

銷售點:東海飲食集團全線門市
銷售日期:即日起至售完即止
換領日期 : 即日起至2019年6月6日

您也許也會喜歡…

發佈留言

發佈留言必須填寫的電子郵件地址不會公開。 必填欄位標示為 *