【簡易去水腫大法 6款茶飲食療你要知】懶健康貼士

冬天有人會用熱水浸腳行氣去水腫,順便保暖,不過步入夏天又好難長期咁浸嘅。水腫某程度反映身體狀態麻麻,或者飲食習慣出現問題。既然係咁,不如由飲食著手調理啦!小編搜羅6款簡易茶飲食療俾大家,睇吓邊款方便你啦。

紅菜頭紅棗桂圓茶

材料(2人分量):
紅菜頭 – 100g
紅棗(去核) – 12克
桂圓 – 8克
冰糖 – 18g
清水 – 2碗

做法:
1. 將紅菜頭去皮切片。
2. 將清水、紅棗同桂圓一齊加入鍋,開大火煮滾後加入紅菜頭;轉細火煲10至15分鐘就得喇。

功效:紅菜頭紅棗桂圓茶鉀質豐富,可以幫助去水腫。飲完食埋紅菜頭、紅棗同桂圓就更加有益添。

 

陳皮粟米鬚水

材料(2人分量):
陳皮 – 10g
粟米鬚 – 10g
水 – 2L

做法:
1. 陳皮用凍水浸軟後刮走入面白色嘅瓤,沖洗粟米鬚。
2. 冷水落料,大火滾起後轉細火煲30分鐘就得喇。

功效:飲陳皮玉米鬚水可以快速去水腫,健脾利利尿,但唔好日日飲呀。

 

薏米粟米鬚茶

材料(2人分量):
粟米鬚 – 25g
生薏米 – 37g
水 – 1L

做法:
1. 將粟米鬚同生薏仁洗乾淨後,放落煲用1L水浸30分鐘
2. 大火滾起5分鐘就轉中細火煲30分鐘就得喇。

功效:加埋粟米鬚一齊煲,係薏米水嘅加強版,仲可以祛濕添。

 

黑豆茶

材料(2人分量):
黑豆 – 20g

做法:
1. 將黑豆炒熟加熱水浸15分鐘就飲得。

功效:補腎祛濕,啱晒成日坐喺office,容易手腳冰冷嘅OL。

 

色煮懶人方法:

(1)檸檬水

都市人體質多數偏酸性,每日飲杯檸檬水可以平衡體內酸鹼值,又可以改善像宿便同水腫。

 

(2)麥茶

日本農林水産省研究,飲麥茶幫助促進血液循環,佢嘅香味仲有安定神經同活化大腦嘅效果。

您也許也會喜歡…

發佈留言

發佈留言必須填寫的電子郵件地址不會公開。 必填欄位標示為 *