【放電懶人包玩轉將軍澳 馬術中心暑期半日營】Local自駕遊

放暑假即係要放電啦,今次等小編幫大家排個將軍澳暑假一日遊啦!由騎馬、試玩唔同嘅運動到室內親子遊樂餐廳都啱男仔女仔㗎,當然都有介紹輕食小店同啱食肉獸嘅餐廳俾你醫肚啦!

1. 馬術中心暑假半日營

暑假梗係想報啲暑假活動玩吓啦!人哋嘅馬上英姿見唔少,但小朋友夠5歲都可以騎吓馬仔。清水灣騎術中心暑假就推出單次半日營(HKD800/會員,HKD950/非會員),俾5歲起嘅小朋友玩足三個半鐘,時間表可以留意下圖。如果6歲起就可以參加暑假短期訓練班(HKD6,000/非會員),一共10堂,每堂有30分鐘係私人指導時間添。

 

清水灣騎術中心
地址:西貢清水灣龍蝦灣盡頭
電話:6398 6241
營業時間:星期一至五:08:00-:19:00,星期六、日:08:00-18:00
*CEEC停車場嘅車位有限,請先電郵查詢(info@ceec.hk​)有冇足夠車位,因為停放喺郊野公園內可能會產生停車罰款。

 

2. 上海真美豆漿大王

View this post on Instagram

[古早味] 豆漿餈飯看似簡單普通,但要好食確係唔易🤔 加上傳統店已買少見少… . #上海真美豆漿大王 既 #餈飯 ✨ 絕非浪得虛名🎖 糯米夠煙韌,炸菜肉鬆味道份量適中,只可惜油條唔夠脆,扣左少少分💁🏻‍♀️ 雖然加$2可要求即包,但現場所見,由於去貨快,店員都不停包,呢$2可以慳返😎 . 另一個主角係 #鹹豆漿 ✨ 配料有蝦米油條炸菜蔥粒,仲有少少蔴油提升香味,輕鬆KO一碗 . ———————————————————————— . 🍽 環境:5/10 🤵🏻 服務:7/10 🌟 CP值:7.5/10 💰人均:HK$33 . 📍將軍澳新都城中心3期地下G22號舖 ⏰ 07:00-22:00 . #ChineseBreakfast #ShanghaiStyle #stickyrice #saltysoymilk #TseungKwanO #hkfoodie #hkfood #hkdaily #吃貨人生 #instahk #HongKong #cameraeatfirst #foodphotography #foodpics

A post shared by Follow My Step👣 (@eat.eat.sin) on

喺馬術中心揸車出返寶琳大約20分鐘,可以去上海真美豆漿大王歎個輕食午餐。呢度嘅餈飯(HKD17)同落滿油炸鬼加蝦米嘅鹹豆漿(HKD16)可以話係完美絕配,而且餡料好足㗎。

View this post on Instagram

📍ᴘᴏ ʟᴀᴍ, ʜᴏɴɢ ᴋᴏɴɢ 🇭🇰 <寶琳家庭式街坊價上海食店 上海真美豆漿大王> 估唔到冇去幫襯一排,原來店舖做咗翻新😯環境好咗亦都感覺上冇咁污糟😝亦都食得舒服左。不過同時當然亦都有係咁以加下價啦,但加價嘅幅度亦都唔算太大,至少小編覺得價錢依然係合理嘅😳 上海真美豆漿大王係一間街坊上海菜食店😜有提供唔少地道嘅上海菜,就連買少見少嘅鹹豆漿亦都有🤪不過店舖最出名嘅仍然都係粢飯😏 – 🍴上海雲吞麵 評分:7.5/10 一碗雲吞麵裏面除咗有基本嘅上海麵面底之外,亦都加入左雪菜肉絲🐖煮製,最後再放上五粒自家製嘅雲吞🤗 上海麵入口嘅味道一啲都唔單調,因為旁邊有啲雪菜肉絲吊下味☺️所以成碗面嘅味道都唔會好Dry😌另外,店舖用嘅上海麵入口仍然帶有少少嚼勁,而且唔會一咬落去就散晒😆食得出麵條應該唔係擺咗好耐個啲😝配埋個皮薄餡靚嘅自家製雲吞真係非常滿足,不過雲吞應該已經放咗好耐👉👈因為夾上手嘅時候有少少甩皮甩骨,所以就扣左少少分,但入口依然好味😋 價格:HKD $30 – 🍴上海餃子麵 評分:8/10 呢一碗餃子麵同樣以雪菜肉絲上海麵做基底😚再配上三粒自家包製嘅菜肉餃🥟,製成呢一款非常足料嘅上海麵。 餃子咬落入面非常足料,裏面全部都係滿滿嘅菜肉餃餡料😉而且入口亦都較重豬肉嘅香味。另外,餃子皮入口口感相對較為煙韌😎外貌亦相對比較靚😚其實呢一碗上海麵嘅味道都同雲吞麵嗰款冇乜分別,因為其實個製作方法同用料都一樣,只不過係將雲吞變咗做餃子😂 價格:HKD $30 – 🍴上海排骨 評分:7/10 上海排骨嘅質感入口有少少油膩,而且中間嘅肉質亦相對比較乾身🤔個人覺得有幾分似豬扒嘅質感😳另外,上海排骨嗰層炸皮入口有少少淋左🤫並唔係酥脆嘅口感,而且排骨入口有浸怪怪地嘅味道😑好似有少少酸酸地咁,個人就唔係太食得慣🤷‍♀️ 價格:HKD $18 – 🍴炸銀絲卷 評分:7.5/10 銀絲卷本身都炸得非常香脆😆而且夾起身碟底都唔會有成灘油。入口味道方面,銀絲卷食落外脆內軟😜而且入面真係一絲絲咁,不過個人就覺得麵包入口略為疊口左少少🤭雖然銀絲卷食落唔算特別好食,但亦都叫做不過不失☺️ 價格:HKD $18 – 🍴凍豆漿 評分:7.5/10 豆漿入口非常香滑,而且豆味亦都比較濃😉而且仲要係香濃嘅純正黃豆味,真係好正🤤另外,豆漿入口嘅甜度適中,亦唔會太甜🤗 價格:HKD $8 —————————— 店舖名稱:上海真美豆漿大王 環境:4.5/5 服務:3/5 地址:寶琳貿業路8號新都城中心3期地下G22號舖 交通:港鐵寶琳站C出口,步行約3分鐘 —————————— #hkfoodie_life_寶琳 附近鐵路沿線仲有咩食👇 #hkfoodie_life_將軍澳綫 同類型食物嘅介紹👇 #hkfoodie_life_上海菜 . . . . . #豆漿 #大豆 #上海麵 #雲吞 #水餃麵 #雲吞麵 #水餃 #銀絲卷 #上海真美豆漿大王

A post shared by 🅗🅚 🅕🅞🅞🅓🅘🅔 🅛🅘🅕🅔 (@hkfoodie_life) on

或者整碗上海雲吞麵(HKD30)上海排骨(HKD18)都唔錯。

 

上海真美豆漿大王
地址:將軍澳貿業路8號新都城中心3期地下G22號舖
電話:3194 3909
營業時間:星期一至日:07:00-22:00

 

3. Decathlon 36,000平方呎運動用品店

Decathon Tseung Kwan O Outdoor Playground

完美嘅晏晝要輕鬆歎住過,下個週未就要嚟DECATHLON將軍澳店,同我哋一齊玩超過20種運動活動That's what a chill afternoon looks like at Decathlon Tseung Kwan O – join us next weekend to play over 20 sports activities ⛹️‍♀️🚣‍♀️🚴‍♀️

Posted by Decathlon Hong Kong on Sunday, 16 June 2019

食完嘢可以去全港最大嘅運動用品店Decathlon將軍澳分店,呢度有成70款運動項目用品,仲有戶外運動體驗區俾你買之前試玩單車、跑鞋、滑板車等用品。

呢間分店耐唔耐就有唔同嘅體驗班或運動講座,詳情留意佢哋Facebook專頁啦。

 

Decathlon
地址:將軍澳唐明街2號尚德廣場3棲
電話:9165 9233
營業時間:星期一至日:10:30-22:30

 

4. Chocolate Rain Forest

Tea Time可以去隔離將軍澳中心嘅親子餐廳Chocolate Rain Forest,呢度有遊樂區遊樂區俾小朋友繼續玩,不過嚟之前要先訂位

亦有文靜啲嘅手作藝術工作坊,會有填色、製作布偶同陶瓷等等活動。

呢度入場會配埋當季餐飲,

 

Chocolate Rain Forest
地址:將軍澳唐德街9號將軍澳中心地下G32舖
電話:2628 7039
營業時間:星期二至日:12:00-14:00,15:00-17:00,18:00-20:00
Eat & Play Set:星期二至五:HKD180,星期六、日及公眾假期:HKD298[一位大人+一位10歲以下嘅小朋友]
Grant Set:星期二至日:HKD368[一位大人+一位10歲以下嘅小朋友]

 

5. COW BEAN 食肉嚴樂園

相信大家都有個疑問🤔,到底Just Steak嘅鐵板牛扒🍴、炒飯🍚同炒烏冬🍜應該點搞先好食呢🤭!?要大力鋸🔪?唔郁等佢煎熟🍳?定係要出動到降龍十八炒🥘?!非也非也,想知道當中嘅奧祕,就等我地去片啦🎥#CowBean #Just #Steak #牛扒 #鐵板 #三文魚炒飯 #牛肉炒烏冬 #CP值 #Gathering #200g #300g #鐵板 #荃灣廣場 #DPARK #將軍澳TKOGateway #黃埔花園第5期AEONSTYLE #太古康怡廣場南座AEONSTYLE

Posted by COW BEAN on Friday, 29 March 2019

COW BEAN有唔少分店,佢嘅鐵板牛扒同飯都幾吸引㗎,仲拍埋片教大家食扒要先確認熟度先好淋汁添。依家最多人試嘅係澳浙M7和牛(原價HKD368,優惠價HKD198),差不多半價就食到喎,啱晒食肉獸啦。

咪以為佢抵食就用差啲嘅肉,睇樣其實唔錯㗎。

 

COW BEAN
地址:將軍澳TKO Gateway東翼1樓140-141號舖
電話:2701 3632
營業時間:星期一至日:11:30-22:30

 

將軍澳的中心 – 1小時免費泊車優惠

由即日起至8月31日,只要讚好或追蹤「將軍澳中心」Facebook或Instagram專頁,就可以喺商場享有免費1小時泊車優惠。

其他泊車優惠

將軍澳中心
優惠期 電子貨幣
消費金額
免費泊車優惠時數 The Point積分
星期一至五 HK$100或以上 1小時 500
HK$200或以上 2小時 1,000
星期六、日及公眾假期 HK$200或以上 1小時 1,000
HK$400或以上 2小時 2,000

換領時間:10:00-22:00(以入車時間計算) | 換領地點:L1顧客服務中心

您也許也會喜歡…

發佈留言

發佈留言必須填寫的電子郵件地址不會公開。 必填欄位標示為 *