【2019新口味月餅鹹甜素樣樣齊 破格Fusion中法日食材】月餅

一年容易又中秋,2019年嘅月餅新口味層出不窮,將慕絲、拉米蘇、燒鵝、香辣雞絲、焙茶粉、貓山王、川椒、蓮藕整成各式月餅,仲有圓碌碌嘅月亮造型添。想知有幾特別同有咩優惠就睇埋落去啦!

 

1. crostini 法式伴月

鍾意食cake又想應吓節,不如試吓crostini法式伴月(HKD288),呢個禮盒將香港傳統月餅文化融入英式High Tea元素㗎。為咗營造七星伴月嘅感覺,以七款唔同口味嘅人氣慕絲蛋糕,芒果熱情果栗子慕絲車厘子雲喱拿芒果乳酪慕絲荔枝玫瑰慕絲紅桑子番石榴慕絲咖啡奶油慕絲綠茶柚子配上中心月餅外形嘅白桃慕絲組合成法式月餅,甜度恰到好處唔會太膩。

優惠:即日起可以喺全線門市同網上預訂,8月31日前訂購會有8折優先訂購優惠(折後HKD230)。

 

crostini
地址:尖沙咀河內道18號K11第三層Kiosk No.51
電話:2816 9888
營業時間:星期一至日:11:30-20:30

 

2. 太興茶餐廳 滿燻燒鵝果仁叉燒月餅

 

繼果仁叉燒月餅之後,太興茶餐廳今年大嚟創意爆棚嘅滿燻燒鵝果仁叉燒月餅(HKD218/4個裝),將王牌蜜汁叉燒配上用五種香燻料秘製嘅「滿燻燒鵝」,一打開就聞到好香嘅煙燻味,入口鹹甜比例調配得好爽;加埋香脆嘅榛子、合桃、腰果等果仁,一啲都唔覺得油膩,口感層次仲好豐富添。

優惠:9月8日或之前購買更可享優先價(HKD198);另外,購買任何太興月餅更即送總值HKD160嘅晚市及滿燻燒鵝優惠券。若購買20張月餅券或以上,可致電查詢大量訂購優惠。

 

太興茶餐廳
地址:全線餐廳
大量訂購:2558 6808
營業時間:星期一至五:09:00-18:00

 

3. KFC 香辣雞絲果仁月餅

今個中秋KFC推出KFC「全桶」月餅(HKD275),即日起以月餅劵形式喺全線香港肯德基餐廳發售(香港大球場、馬場及亞洲國際博覽館分店除外)。除咗有兩種配搭俾大家揀之外,「全桶」仲可以著燈變燈籠㗎!

1.  「全桶」流心奶皇月一桶有六個黃金流心奶皇月餅,味道偏甜。

2. 「全桶」雙月・雞絲×奶皇有質感有啲似雞仔餅嘅香辣雞絲果仁月餅同黃金流心奶皇月餅各三個,鹹甜兩食齊晒。

優惠:

  • 8月5 日或之前購買月餅券就攞到首輪早鳥優惠價(HKD189)或CITI 信用咭優惠價(HKD179);8月6日至9月10日購買月餅券就有第二輪早鳥優惠價(HKD199)或CITI 信用咭優惠價(HKD189)。
  • 憑月餅劵可於 2019 年8月13日至2019年9月10日於指定香港肯德基餐廳換領。
  • 購買兩盒或以上,每盒仲送你「KFC $10禮劵」一張。

 

KFC概念店
地址:銅鑼灣軒尼詩道479-481號及波斯富街29號東南大廈地下至二樓A1號舖
電話:從缺
營業時間:星期一至日:08:00-00:00

 

4. BombShell 3D立體月亮造型

食月餅都可以當藝術咁欣賞之餘,仲可以懷緬一下兒時味道。IG火紅嘅藝術甜點店BombShell推出限量版中秋佳節•喜月魔力Bombshell(HKD838)白朱古力外殼上有月兔有裝飾,入面就蘊藏25款節日驚喜!打破外殼後,會有一口奶皇月餅一口金沙月餅(各三個),仲有大白兔糖、花生酥、珍寶珠、山渣餅、瑞士糖、椰子糖果、牛奶糖、牛軋糖、果汁糖、爆炸糖芝味卷等等,令大人細路過個甜蜜中秋佳節!

優惠:即日起至8月23日到門市或網上預訂即享早鳥優惠價(HKD788),憑禮券喺9月1日至9月12日期間到COCO@The Mira Hong Kong 換領。

 

BombShell
地址:The Mira Hong Kong尖沙咀彌敦道118-130號
電話:6388 9758
營業時間:星期一至日:24 小時營業

 

5. A-1 Bakery 丸十雙式奶黃月餅、史諾比四式月餅

A-1 Bakery今年有三款新口味月餅,首先係同中村藤吉聯合推出香港限定第二彈嘅丸十雙式奶黃月餅(HKD220/4個裝,HKD30單個)。以中村藤吉嘅抹茶同焙茶粉製作茶味香濃嘅月餅。

另外,同PEANUT’S合作推出嘅中秋月餅禮盒史諾比秋月•團圓(HKD210/4個裝,HKD28單個),一盒有齊黑芝麻月菓紫薯月菓伯爵紅茶月菓提拉米蘇月菓四款新口味;而且紙雕外盒仲可以變成幻彩燈籠添。

講多個好消息俾你知,如果買咗史諾比秋月•團圓禮券,去換領嘅時候仲會隨盒附送Snoopy手挽袋同可以即刻享用會員優惠嘅「Snoopy 別注版會員卡」,真係送禮自用都啱喎。

A-1 Bakery月餅換領地點:

A-1 Bakery (港鐵太子站店)
地址:港鐵太子站16-17號舖
電話:2363 8081
營業時間:星期一至日:07:00-22:00

 

6. 澳門英記餅家 黑松露奶黃月餅

今年香港都買到澳門百年老字號英記餅家嘅月餅喇!其中史諾比登月什錦迷你奶黃月餅(HKD188)有三款共六個奶黃月餅,除咗經典奶黃同芝士奶黃味之外,最特別係有新款嘅黑松露奶黃月餅,香濃嘅奶黃配上黑松露嘅芳香令人一試難忘。

 

澳門英記餅家 – 香港堂前食坊
地址:西九龍高鐵站抵港大堂堂前食坊
電話:2668 2843
營業時間:星期一至四:06:00-21:30,星期五至日及公眾假期:06:00-22:30

 

7. 奇華餅家 果味乳酪奶皇月

而本地老字號奇華餅家今年推出質感幼滑嘅果味乳酪奶皇月系列 (HKD178/6個裝)草莓乳酪奶皇月嘅乳酪餡料中有粒粒草莓乾;朱古力味香橙乳酪奶皇月就以朱古力製成鬆化嘅餅皮,乳酪奶皇餡拌入橙皮粒。兩款口味都可以各自單買,或者「果味乳酪奶皇月」混合禮盒套裝(HKD225/兩隻味各4)。想食得滋味啲,建議先放入微波爐加熱20秒;或放入焗爐用150°C慢烤大約10分鐘,然後放涼1-2分鐘,外脆內軟嘅口感會更突出㗎。

優惠:各門市同網上都有得買喇,而灣仔特色旗艦店8月中開始期間限定推廣,每200套現烤奶皇月買一送一:

推廣日期 買一 送一
8月16日 現烤伯爵茶奶皇月 (HKD156/6個裝) 現烤蛋黃奶皇月(6個裝)
8月23日 現烤朱古力奶皇月 (HKD156/6個裝)
8月30日 果味乳酪奶皇月

((HKD156/草莓乳酪奶皇及香橙乳酪奶皇各2個)

 

奇華餅家 (灣仔旗艦店)
地址:灣仔皇后大道東186-190號
電話:2898 3662
營業時間:星期一至六:09:00-21:30,星期日:10:00-21:30

 

8. 皇玥餅藝 流心貓山王榴槤、流心薑汁白蓮蓉月餅

不過講到本地出色嘅月餅,點可以唔提皇玥餅藝?!星級點心大師葉永華大師傅主理十三款月餅,而皇玥餅藝繼流心奶黃月餅同流心芝麻月餅喺2019世界食品品質評鑒大獎Monde Selection中勇奪最高金獎之後,今年新推兩款流心月餅添!流心貓山王榴槤月餅(HKD378/8個裝)精選頂級貓山王榴槤,將榴槤果肉融入月餅之中。

流心薑汁白蓮蓉月餅(HKD378/8個裝)就以新鮮生薑研磨成薑汁,加入幼滑嘅白蓮蓉之中,甜而不膩。

優惠:各門市同網上預訂都可以買到。而購買同價值嘅月餅產品即享買三送一優惠,先到先得,售完即止。

 

皇玥餅藝 (尖沙咀旗艦店)
地址:尖沙咀加連威老道43號地舖
電話:2217 3638
營業時間:星期一至日:11:00-21:30

 

9. The Cakery × John Anthony 無麩質素月餅

講咗咁耐,到素食月餅喇!The Cakery 今次聯同莊館推出手工純素月餅禮盒(HKD398/4個裝,HKD88/單個),不含防腐劑、任何麩質、乳製品、蛋、精製糖、防腐劑同人工色素,淨係聽都覺得健康呀!不過要放入冰箱冷藏,7-10日内要食晒。

每款口味都含有大量「全天然食品」(whole foods)同「超級食品」(superfood),黑白芝麻月餅以黑芝麻、白芝麻、葡萄乾同糙米脆片做餡料;玫瑰雜莓月餅就有玫瑰漿、火龍果粉、風乾覆盆子、紅莓乾、藍莓乾同杏仁,果香味特別濃郁;香芒薑黃月餅以薑、青檸檬皮、芒果乾、腰果、椰絲同薑黃粉入饌;最後川椒朱古力月餅係莊館×The Cakery獨家口味,用四川二荊條辣椒粉中和濃郁嘅黑朱古力,配埋杏仁麵粉、楓糖漿、紅莓、杏仁、四川青紅花椒同花椒油,香甜中帶辣幾特別。

如果8月1日至9月14日去莊館食飯,凡點川椒朱古力月甜品,餐廳都會送HKD20折扣券一張俾食客,可以喺The Cakery買手工純素月餅禮盒時兌換。如果顧客先喺The Cakery買月餅禮盒,都會獲贈一張喺莊館用餐時免費享用限量版中秋甜品嘅禮券。

優惠:8月5日前購買有9折優惠。而月餅禮券可以喺莊館、The Cakery門市同網站KIRR網站買到,8月12日起可以換領。

 

The Cakery (利園二期店)
地址:銅鑼灣利園二期124號舖
電話:2816 1838|訂購查詢:6683 3833
營業時間:星期一至五:10:30-19:30,星期六:10:00-19:30,星期日及公眾假期:10:00-19:00

莊館
地址:銅鑼灣新寧道1號利園三期B1樓B01-B10號舖
電話:2327 1398
營業時間:星期一至日:12:00-15:00,18:00-22:30

 

10. 香積廚素食工房 素材月餅

如果想想買月餅順便支持免費敬贈福飯俾長者嘅餐廳,可以試吓每日派飯半個鐘嘅香積廚素食館。佢哋嘅流心月餅系列(HKD250/8個裝單款口味或每款2個)有四款口味,稀少糖奶黃流心月餅用上稀少糖以減少砂糖用量,以亞麻籽、椰漿做主料;紅豆綠茶流心月餅就用上天津紅豆同日本宇治綠茶粉;奶黃芝麻流心月餅以竹炭粉做成型格黑色餅皮,黑芝麻就炒香炒香後製成幼滑流心餡;玫瑰蓮藕流心月餅用奶黃、蓮藕粉同玫瑰花瓣醬做成流心餡,加埋用紅菜頭整成粉紅色嘅餅皮,靚得嚟夠晒健康添。

優惠:餐廳或網上預訂都可以,8月9日前預訂可享每盒HKD188優惠,8月30日前預訂就每盒HK$220優惠。8月5日至9月13日可以換領月餅,

 

香積廚素食館
地址:旺角花園街110號地舖
電話:2309 1833 / 9490 7858 / 9503 0770
營業時間:星期一至日:11:00-22:00

您也許也會喜歡…

發佈留言

發佈留言必須填寫的電子郵件地址不會公開。 必填欄位標示為 *