【大富翁自助晚餐歎各「地皮」美食 抽「機會」卡贏獎品返屋企】花月庭

全球首次官方授權嘅「大富翁自助晚餐」喺旺角花月庭有得食喇,棋盤遊戲上嘅「地皮」、「機會卡」、「棋子」等重點都化身成各款美食同甜品。而且有一連串遊戲,有「機會」贏取美食、唔同版本嘅大富翁遊戲或即將喺山頂開幕嘅全球首間大富翁夢想世界™主題館入場門票,即刻睇吓點樣又食又拎啦!

「機會」卡可換取梅酒冰鎮鮑魚(左)、和牛荷葉包(右)、鮑汁鮮菇花膠扒籠仔蒜蓉蒸蝦等矜貴美食。

想玩遊戲贏獎品嘅朋友就要留意活動1同活動2喇:

活動1 凡惠顧自助晚餐,即可獲「機會」卡乙張,換取指定矜貴美食。
推廣期:8月至11
活動2 讚好及追蹤Royal Plaza Hotel Facebook專頁或Instagram 帳戶參加遊戲,即有機會贏取唔同版本嘅大富翁遊戲、即將喺山頂開幕嘅全球首間大富翁夢想世界™主題館入場門票、自助餐券等豐富獎品。
推廣期:8月至10
活動3 「大富翁先生」喺餐廳門口嘅拍照區準備就緒同大家合照。
推廣期:8月至11

今次嘅美食都以香港各區「地皮」為主題,即刻睇吓有咩正嘢啦!代表蘇豪區嘅蠔吧除咗有生蠔之外,仲有松葉蟹腳太平洋熟海蝦龍蝦鉗等鮮甜嘅凍海鮮。

而比鄰嘅中環可以話係歐美美食集中地,所以挑選燒羊鞍(左)燒美國肉眼(中)德國鹹豬手(右) 為食客帶嚟異國風味。肉嫩多汁嘅肉眼同羊鞍外層帶焦香,而德國鹹豬手外皮香脆鬆化,鹹香味道令人想一食再食。

而代表香港「地王」太平山嘅就有青胡椒牛油忌廉火炙龍蝦(上),將青胡椒切碎加入忌廉煮成醬汁,味道香而不辣,火炙後嘅焦香令龍蝦肉更加惹味。而尖沙咀代表係香煎鴨肝伴多士香檳葡萄果醋汁(下),味道香濃但有果醋汁解膩,入口更加甘香。

以香港做主題,當然要有啲港式風味菜式。好似代表香港仔嘅避風塘豉椒花甲(右上)豉椒蟶子仔(下)豉油皇魷桶仔(左上) 等小炒會輪流供應,口感爽滑彈牙又惹味。另外,仲有九龍城區嘅泰式海南雞飯、銅鑼灣嘅日式刺身壽司同深水埗嘅即煮粉麵等都係唔可以錯過㗎!

最後梗係食代表旺角東站同旺角嘅甜品區啦!香橙松露朱古力蛋糕將大富翁先生匿藏喺棋盤裝飾嘅藍色寶盒內夠晒心思;仲有奶黃包(下)楓葉夏威夷果仁花生醬慕絲蛋糕(中)菠蘿紙杯蛋糕(上) 通通以大富翁頭像、棋盤、房子、旅館作造型裝飾,不過以上幾款只限星期五至日輪流供應。不過唔使失望,仲有下面咁多款甜品俾你慢慢歎!

黃梅檸檬白朱古力蛋糕

朱古力劇院蛋糕

熱情果芒果芝士慕絲蛋糕

黑莓紅桑子61%朱古力蛋糕(左)、紅桑子朱古力軟心撻(右)

 

花月庭×大富翁自助晚餐

供應時間及收費:星期五、六及公眾假期前夕供應日期:即日起至11月30日
供應時間及收費:星期日至四及公眾假期
– 全時段(18:00-22:00):HKD628/成人,HKD418/小童,HKD488/長者
– 第一優惠時段(17:45-19:45):HKD528/成人,HKD348/小童
– 第二優惠時段(20:00-22:00):HKD528/成人,HKD348/小童

– 全時段(18:00-22:00):HKD668/成人,HKD448/小童,HKD508/長者
– 第一優惠時段(17:45-19:45):HKD548/成人,HKD358/小童
– 第二優惠時段(20:00-22:00):HKD548/成人,HKD358/小童

*小童為5-11歲,長者為65歲或以上
*另加一服務費
*以上自助晚餐菜式將輪流供應
*以上價目不適用於9月13日及14日

 

花月庭
地址:旺角太子道西一九三號帝京酒店二樓
電話:2622 6154
營業時間:星期一至日:06:00-23:00

您也許也會喜歡…

發佈留言

發佈留言必須填寫的電子郵件地址不會公開。 必填欄位標示為 *