【三款有味水大比併 新品鹽味蘇打水似洗潔精】伏務台

依家夏日炎炎,出街最緊要補充水份。不過唔少有味水睇落幾fresh,但飲落就中晒伏!小編講緊係更期新出嘅鹽味蘇打水(右)水蜜桃味蘇打水(中),仲搵埋曾經俾網民評為伏味濃嘅櫻花蜂蜜味蒸餾水(左)比較吓。獨獨伏不如眾伏伏,今次叫埋同事齊齊品嚐有幾伏!

俾同事試當然唔俾知本身係咩味啦,只係用A代表櫻花蜂蜜味蒸餾水(HKD12/2),B代表鹽味蘇打水(HKD15/2),C代表水蜜桃味蘇打水(HKD15/2)

中伏指數:5(5分滿分)

喺出櫻花蜂蜜味蒸餾水之前,其實仲有枝瑰花蜂蜜味蒸餾水都俾大眾點評為伏,點知呢枝櫻花飲咗一啖就KO小編喇!聞落似帶花香味嘅香精,入口就覺得好化學,味道甜得嚟奇奇怪怪,連櫻花汽水都冇佢咁甜到入肉,就連同事們都一致認為三枝之中呢款係最難飲!主要都認為佢隻櫻花味太假同死甜。

中伏指數:3.5(5分滿分)

而兩款蘇打水都僅次櫻花蜂蜜味蒸餾水不相伯仲地伏……既然標榜係鹽味,理應要夠鹹,但點知飲完都唔覺有鹹味,而且慢慢滲咗啲洗潔精嘅青檸味出嚟,仲有少少苦味添。

中伏指數:3.5(5分滿分)

雖然水蜜桃味同鹽味都令大家有中伏嘅感覺,但喺呢三款之中相對好少少咁多啦。佢似一般市面嘅果汁汽水咁,味道偏甜,冇一般蘇打水飲完嘅清爽感覺,分分鍾想另外飲水清清喉嚨添。

 

小編伏氣:小編飲完呢三款「水」都覺得味道調得唔太爽同唔夠真,但想俾多次機會呢啲有味水都係令人失望囉……一嚟味道奇怪,二嚟冇「水」令人解渴或者清新嘅感覺。

入伏點:百佳超級市場,品味1+1
入伏價:櫻花蜂蜜味蒸餾水(百佳超級市場:HKD12/2),鹽味蘇打水同水蜜桃味蘇打水(品味1+1HKD15/2)

中伏by #MOMO
美術by #MOMO
攝影by #

《伏務台》歡迎各界報料。

您也許也會喜歡…

發佈留言

發佈留言必須填寫的電子郵件地址不會公開。 必填欄位標示為 *