【鼎·會館一周年新菜限時優惠 順德盛宴+粵式早午餐】鼎·會館

話咁快喺中環嘅鼎·會館一周年喇,鼎爺同粵菜名廚李翔再度聯手炮製唔少新菜式俾大家。晚市有揉合番禺、新會、鶴山、中山等特色嘅「鼎·會館 順德盛宴」;星期六、日同公眾假期仲有「庭園茶聚假日二人餐」添,即刻睇吓有咩正嘢啦!

「鼎·會館 順德盛宴」及「庭園茶聚假日二人餐」菜單。

六位起嘅「鼎·會館 順德盛宴」九月限時優惠(HKD4,888/已包加一小費[原價HKD888/位])要兩日前訂座,究竟有咩特別菜式?即刻睇吓呢道豉酒鵝燴陳村粉特別配上「順德馳名碌鵝」,碌鵝要3個鐘內不停將鵝翻動同淋上秘製醬汁;切件後放喺陳村粉上面蒸,令陳村粉充分吸收鵝汁精華,唔係就咁撈汁咁簡單!

仲有罕見又傳統嘅順德名菜之一均安蒸豬,豬腩肉以秘製調味粉醃製同掃上順德出產嘅二曲酒,醃成3個鐘以上再蒸大約40分鐘。再貼心咁喺豬皮上拮小孔,等油脂滲出嚟之後用冰水沖洗再蒸大約10-15分鐘。咁多功夫令肉香多汁唔肥膩,入口仲會feel到好有骨膠原嘅質感添。呢兩款已經咁出色,其他餸菜都實各有千秋啦。

鮮香焗龍蝦

脆煎魚餅

鼎級拆魚羹燴魚翅

北滘鹽燒鮮鮑魚(左)及龍江生煎雞(右)

花金鼓兩食

松茸菌白玉杯

芋蓉燉鮮奶(左)及懷舊白糖糕(右)

中式嘅Brunch選擇唔多,依家鼎·會館喺周末同公眾假期推出「庭園茶聚假日二人餐」(HKD768/兩位),入面10款食物之中仲有阿爺芝麻卷秘製叉燒香漕滷水鵝肝梨香釀帶子等鼎·會館人氣菜色添之外,每位仲有一盅花膠燉湯,而貴妃蚌稻庭烏冬可以免費追加一份鮮魚湯魚腐。

阿爺芝麻卷(前)及芋蓉燉鮮奶(後)

貴妃蚌稻庭麵(左)、香漕滷水鵝肝(右前)及迷你豆莎煎堆(右後)

秘製叉燒(左)、懷舊蝦多士(後)、梨香釀帶子(前)、紫晶千島汁脆蝦球(後)

話梅聖女果

 

鼎·會館
地址:中環皇后大道中80號H Queen’s 23樓
電話:2327 1398
營業時間:星期一至日:12:00-15:00,18:00-22:30

您也許也會喜歡…

發佈留言

發佈留言必須填寫的電子郵件地址不會公開。 必填欄位標示為 *