【入秋轉涼遊濕地公園觀候鳥 巡遊天水圍搵食撐小店】Local自駕遊
天氣涼涼哋，終於有入秋嘅感覺喇，親親大自然都唔會太熱啦。香港嘅行山徑你可能去得多，天水圍嘅香港濕地公園開咗咁耐你又去過未呢？咪以為呢度只係睇候鳥，其實分咗好區㗎，即刻跟實小編睇真啲！
呢度除咗坐車入嚟，揸車都得㗎，官方網頁有建議駕駛路線添。
呢度有成61公頃，濕地保護區有人造濕地同為水鳥重建嘅生境環境，連帶昆蟲同植物多樣性都一齊增長，仲有室內展館介紹㗎。如果諗唔到行邊度先，可以參考官員推薦嘅路線，有埋時間俾你預計行程添。
濕地互動世界半天遊(約2小時)：中庭濕地短片 > 濕地知多少？ > 濕地世界 > 觀景廊 > 人類文化 > 濕地挑戰 > 午餐/下午茶小休 > 禮品店購物
濕地全體驗(約4.5小時)：中庭濕地短片 > 濕地知多少？ > 濕地世界 > 觀景廊 > 人類文化 > 濕地挑戰 > 午餐/下午茶小休 > 貝貝之家 > 溪畔漫遊徑 > 濕地探索中心 > 演替之路 > 河畔觀鳥屋 > 紅樹林浮橋 > 泥灘觀鳥屋 > 漁塘觀鳥屋 > 原野漫遊徑 > 蝴蝶園 > 返回訪客中心 > 禮品店購物
*泥灘9月28日重開，河畔觀鳥屋同魚塘觀鳥屋就照常開放。
野生動物探索遊(約3.5小時)：中庭濕地短片 > 濕地知多少？ > 濕地世界 > 觀景廊 > 溪畔漫遊徑 > 演替之路 > 河畔觀鳥屋 > 紅樹林浮橋 > 泥灘觀鳥屋 > 魚塘觀鳥屋 > 原野漫遊徑 > 蝴蝶園 > 返回訪客中心 > 禮品店購物
*泥灘9月28日重開，河畔觀鳥屋同魚塘觀鳥屋就照常開放。
呢度仲時不時有各式workshop同導賞團俾大家參加：
「點蟲蟲」教育工作坊 – 可以了解、甚至接觸小昆蟲！
日期：2019年9月8日及22日
時間：14:30，15:00(共2節，每節約20分鐘)
「知多一點點－蜻蜓」導賞團 – 公園嘅義工導賞員會帶領公眾認識同觀賞蜻蜓，了解佢哋同濕地嘅關係。
日期：逢星期六(公眾假期除外)
時間：14:30(約1.5小時)
日期：逢星期日及公眾假期
時間：10:30，14:30(共2節，每節約1.5小時)
集合地點： 訪客中心中庭 3號導覽點(訪客可以喺導賞團開始前十分鐘到集合地點即場排隊報名。名額有限，先到先得，額滿即止。)
香港濕地公園
地址：天水圍濕地公園路香港濕地公園
電話：3152 2666(一般查詢) / 2617 5218(票務)
開放時間：星期日至一：10:00-17:00(售票時間：09:30-16:00) [星期二休息，但公眾假期除外]
T Market 速食醫肚
玩完一輪梗係醫肚喇，今次就介紹啲小店俾大家試吓啦！近近哋可以去頌富市場嘅T Market搵啲小食先。好似燒賣王子嘅招牌墨魚汁燒賣同麻辣燒賣；冒菜麻辣燙又有自選配料嘅酸辣粉同麻辣烫；包點先生嘅流沙奶黃包同一盅兩件等輕食。
87 Coffee 歎啡回氣
難得入到天水圍，想搵啲高質小店可以試吓87 Coffee。呢度只有幾個座位，但唔少街坊讚佢嘅咖啡好味抵飲，仲有各式All Day Breakfast都好足料同新鮮。
87 Coffee
地址：天水圍新北江商場嘉湖新城二樓53號舖
電話：5570 7017
營業時間：星期一至日：09:00-20:00
Motors cafe 跑車主題餐廳
遠少少去到屏山嗰邊有間跑車主題餐廳Motors cafe，唔止餐椅設計成跑車座椅樣式，仲吸引唔少靚車車主揸埋佢哋「老婆」入嚟食嘢㗎。如果你都想見吓啲靚車就入嚟碰吓運氣啦！
餐廳主打西式菜式，價位唔算貴，如果晚市二人套餐(HKD378加一)都係二百蚊左右一位。
Motors cafe
地址：元朗屏山坑尾村105號地舖
電話：2662 2162
營業時間：星期五至二：11:30-21:30(星期三、四休)
