【秋冬必備驅寒湯水加茶飲 暖笠笠拜拜寒冷掌】懶健康貼士

好多人未到深冬已經手腳冰冷。唔想煉成寒冰掌請人食凍柑?試吓煲啲行氣暖胃嘅湯水同茶飲補吓身啦!

人參雞湯

人參係平和帶微溫嘅藥材,可以大補元氣、補脾益肺;而雞可以益氣養血,冬天飲返碗人參雞湯都醒神啲。

材料:
母雞或烏雞 1隻
人參 5克
黃芪 1克
甘草 1克
枸杞子 2克
糯米 50克
紅棗 5克
鮮栗子 15克
白果 10克
洋蔥 25克
大蒜 8克
生薑 10克
鹽 4克
胡椒粉 2克

做法:
1. 將糯米洗凈浸泡一晚備用;栗子開半;紅棗去核;白果用滾水煮熟後去外皮;洗淨所有藥材備用。
2. 洗淨雞的隻掏空內臟,然後釀入浸好嘅糯米、栗子、紅棗同白果,綁好雞肚以免糯米流出嚟。
3. 將雞放入砂鍋,加水煮滾後放入人參、黃芪、甘草、枸杞、生薑同洋蔥,轉中火燉1個鐘。
4. 材料熟透後放入鹽、同胡椒粉調味就食得,但如果感冒就唔好食住喇。

 

胡椒豬肚鹹菜湯

胡椒可以舒緩感冒同消化系統不適嘅症狀,豬肚就補虛損同健脾胃,加埋一齊可以驅寒祛濕,仲幾啱胃寒嘅人飲添。

材料:
新鮮豬肚 1個
豬骨 600克
鹹菜 300克
白胡椒粒 20克
白醋 10克
鹽 5克
鮮檸檬片 少量

做法:
1. 用白醋同鮮檸檬片洗豬肚,然後落鹽醃30分鐘;洗淨豬骨同鹹菜浸1個鐘。
2. 加水將全部材料一齊煲兩個鐘就得喇。

乾薑肉桂羊肉湯

羊肉適合貧血、氣血差同虛寒嘅人食用虛。而生薑烘乾後的製成嘅乾薑更溫暖脾陽,要是你陽虛怕冷、脘腹冷痛、四肢不溫最好用乾薑。加上肉桂補元陽、暖脾胃,有助驅散寒氣㗎。

材料:
羊肉 150克
乾薑 30克
肉桂 15克
鹽 少量
蔥花 少量

做法:
1. 將羊肉整成肉餅,再撻成球狀。
2. 拍碎乾薑後,連同肉球同肉桂一齊放入滾起嘅水煮至熟透,再加入鹽同蔥花就食得。

 

懶人薑茶

嫌煲湯太耐就每朝飲杯薑茶啦!薑屬溫性,可以驅寒保暖,不過身體偏熱就唔好飲喇。

材料:

生薑 3-5片

做法:

1. 薑片洗淨後,放入杯用熱水焗15分鐘。如果想美顏可以加檸檬 ;想滷滋潤解毒可以加蜂蜜同菊花。

您也許也會喜歡…

發佈留言

發佈留言必須填寫的電子郵件地址不會公開。 必填欄位標示為 *