【2019聖誕節食好西吃貨必睇 酒店經濟下午茶+奢華大餐】Madam S’ate、The French Window、8度海逸酒店、Assaggio Trattoria Italiana、Beerliner German Bar & Restaurant、Häagen-Dazs™

好快就踏入12月喇,準備好今年聖誕去邊度食好西未呢?未有頭緒嘅就不妨睇吓小編精選嘅聖誕主題美食推介啦!

 

抵食浪漫法式午餐 – Madam S’ate午巿聖誕套餐

聖誕節想浪漫啲又點少得法式餐呢?不過食法國菜都唔一定貴,好似尖沙咀Madam S’ate午巿聖誕套餐(HKD168起)最抵食嘅配搭都係二百蚊有找;可以自選吞拿魚大蝦沙律配醃漬茴香辣椒火雞胸火雞腸配栗子香煎三文魚配香草醬及甘筍草飼安格斯西冷牛扒伴蘆筍石板街布朗尼蛋糕配紅莓雪葩傳統合桃批等特色菜,仲唔趁今個聖誕節歎返個法國餐?!

 

午巿菜單
供應日期:12月2日至24日逢星期一至星期五
兩道菜午巿聖誕套餐:HKD168/每位成人
三道菜午巿聖誕套餐:HKD198/每位成人

全日套餐
供應日期:12月24日至12月26日
聖誕四道菜全日套餐:HKD338起/每位成人

 

Madam S’ate
地址:尖沙咀柯士甸道西1號圓方3樓平台R009號舖
電話:2537 7555
營業時間:星期一至日:08:00-00:00

 

節日限定下午茶 – BAILEYS醉人週末下午茶

中環IFC海景餐廳The French Window今次就聯乘超人氣嘅BAILEYS推出節日限定嘅BAILEYS醉人週末下午茶(HKD598/兩位),有鹹甜茶點有各5款俾你歎。不過焦點梗係喺5款以BAILEYS為主題嘅甜點身上啦,包括有甜酒海鹽焦糖芝士蛋糕甜酒棒棒糖蛋糕酒香吉士脆泡芙酒醉焦糖蘋果薑餅撻咖啡酒奶凍,再配埋加入BAILEY厚忌廉嘅英式鬆餅同餐茶,淨係睇都覺得常豐富呀!不過呢個Tea Set就得週末同公眾假期先有,想食就要早啲預訂喇。

BAILEYS迷更加唔可以錯過呢度一系列4款「聖誕倒數12日」BAILEYS雞尾酒(HKD80/杯),賣相夠靚之外,飲落仲有濃郁嘅百利甜酒香味;如果食佢哋嘅節日限定下午茶仲可以用優惠價(HKD50)升級其中一款BAILEYS雞尾酒添。

 

BAILEYS醉人週末下午茶
供應期:2019年12月7日至2020年1月27日(逢星期六、日及公眾假期:15:00-17:30)

「聖誕倒數12日」BAILEYS雞尾酒
供應期:2019年12月13日至2020年1月31日(星期一至五:17:00-20:00,星期六、日及公眾假期:12:00-20:00)

The French Window
地址:中環國際金融中心商場三樓3101店
電話:2393 3812
營業時間:星期一至五:12:00-15:00、17:00-23:00,星期六、日:12:30-23:00

 

下午茶至抵之選 – 8度海逸聖誕Tea Set

聖誕節又唔係食咩都貴嘅,8度海逸酒店新推出嘅聖誕下午茶套餐(原價HKD168/位)就夠晒抵食喇。Tea Set共有10款精緻茶點,入面除咗有迷你維多利亞蛋糕香芒雪梅娘聖誕鬆餅配忌廉等甜點之外,都有煙火雞酥盒風乾火腿配香瓜芝士鮮茄肉醬焗薯蓉呢啲好味又飽肚嘅鹹點㗎,配埋杯聖誕特飲就更加有feel喇。難得嘅係呢個Tea Set喺聖誕同元旦期間都冇加價,喺酒店eShop預購仲有高達65折優惠添,最平HKD126就食到!一於約定朋友仔喺二樓池畔廊或花園茶座歎呢個Tea Set,chill住過聖誕啦!

 

8度海逸酒店
地址:土瓜灣九龍城道199號酒店大堂8度餐廳或2樓池畔廊及花園茶座
電話:2126 1960
營業時間:星期一至日:06:30-23:00
供應期:2019年12月9日至2020年1月1日:15:00-17:00

 

意式經典聖誕大餐 – Assaggio威靈頓牛柳主題

想睇住維港靚景食聖誕大餐又唔想正日同人迫,可以去灣仔嘅意大利餐廳Assaggio Trattoria Italiana,呢度12月1日開始推出威靈頓牛柳節日大餐(HKD2,380/四位;HKD4,160/八位)。主菜有經典嘅酥皮威靈頓牛柳,套餐仲包埋招牌海鮮拼盤杏仁芝士球南瓜濃湯松露烤鴨肝卡邦尼闊麵,最後仲有充滿聖誕氣氛嘅樹頭蛋糕做甜品添。睇得又食得嘅聖誕大餐,絕對係一家大細,或者同親朋戚友聚會之選。

 

Assaggio Trattoria Italiana
地址:香港藝術中心6樓
電話:2877 3999
營業時間:星期一至日:11:30-22:00
供應期:12月1日至另行通知

 

開心share – Beerliner 抵食聖誕分享拼盤

聖誕聚會都可以食得經濟啲嘅,Beerliner German Bar & Restaurant呢個分量十足嘅聖誕分享拼盤(HKD438/3-4位用)啱晒你同家人、朋友開心share喇。拼盤裡面有德式燴牛肉配小粉糰油封鴨腿火雞肉腸配紅莓醬栗子卷紅椰菜球芽甘藍同埋迷你甘筍配杏仁牛油,款式夠晒多呀。

 

Beerliner German Bar & Restaurant
地址:旺角朗豪坊13樓05店
電話:2972 0078
營業時間:星期一至四、日:12:00-01:00,星期五、六:12:00-02:00
供應期:12月16-31日 (星期一至五:18:00開始供應,星期六、日及公眾假期:全日供應)

 

宅在家歎二人甜品 – Häagen-Dazs™外賣雪糕火鍋套裝

想留喺屋企舒舒服服食甜品,可以買Häagen-Dazs™外賣雪糕火鍋套裝(HKD529/迪士尼系列)返屋企,成個套裝包一個火鍋爐32球迷你雪糕球同埋兩支雪糕叉。「Toy Story 4」系列火鍋爐就有三款造型俾你揀,而雪糕叉仲係勁得意嘅Toy Story 4卡通角色「小叉」添。兩個人喺屋企食住雪糕火鍋撐枱腳,過返個甜蜜又溫馨嘅聖誕啦。

另外全新推出「FROZEN 2」系列嘅外賣雪糕火鍋套裝(HKD529/迪士尼系列)仲係玻璃火鍋爐添!表面刻有人氣主角嘅卡通圖案,雪糕叉就係「小白」造型,FROZEN迷必買呀!

 

Häagen-Dazs™外賣雪糕火鍋套裝
銷售點:全線Häagen-Dazs™ 雪糕專門店及網上商店
推出日期:即日起開始接受預訂,12月3日起開始換領

You may also like...

Leave a Reply

Your email address will not be published. Required fields are marked *