【DIY髮膜做染前護理 解決乾枯開叉迎新年】懶健康貼士

新年前整頭是常識,不過約髮型師染今年興嘅焦糖奶茶色、酒啡色或仙氣精靈藍色之前,當然要做好頭髮護理先啦。簡簡單單用4款食材就可以DIY天然髮膜,即刻睇吓呢4款邊樣啱用啦!

韓星嘅髮色一向俾到大家配搭靈感,不過太突出嘅顏色好容易傷頭髮。如果你想試吓天然護髮就參考下面幾條配方啦!

1. 牛油果髮膜

牛油果可以滋潤頭皮,軟化頭髮嘅韌性,加上蘋果醋消除染髮劑積累嘅傷害可以保護頭髮同頭樣健康。
次數:每月至少一次。
材料:半個牛油果、兩湯匙堅果油、10滴Rosemary香精油、1湯匙蘋果醋。
做法:將以上材料攪勻成糊狀,搽上濕髮敷15分鐘再用洗頭水沖乾淨就得喇。

2. 椰子油髮膜

椰子油可以滋潤皮膚,亦可以滋潤秀髮,睇落更加光亮滑順,不過頭皮本身偏油嘅人就未必適合,或者天氣乾燥先做一次。
次數:冬天可以每星期一次,夏天可以兩星期一次。
材料:冷壓椰子油,以搽勻頭皮及頭髮準備所需分量。
做法:洗頭前將椰子油搽上頭皮及頭髮,用熱毛巾包住,可以同時按摩頭皮,約15分鐘後拆除洗乾淨。

3. 蘆薈髮膜

水潤嘅蘆薈同樣有滋潤作用,幫助令頭皮水油平衡、頭髮回復光澤。
次數:冬天可以每星期一次,夏天可以兩星期一次。
材料:一大條蘆薈、半湯匙蜂蜜。
做法:將嘅蘆薈榨汁隔渣,撈入蜂蜜備用。將髮洗乾淨後吹至八成乾,再搽上蘆薈蜂蜜汁,用保鮮膜包住15分鐘然後清水洗乾淨。

 

4. 香蕉髮膜

香蕉豐富嘅可以加強頭髮嘅彈性,又可以抗氧化。
次數:冬天可以每星期一次,夏天可以兩星期一次。
材料:半條香蕉、1茶匙乳酪、3茶匙蜂蜜、1 茶匙檸檬汁。
做法:將香蕉壓成蓉加入其他材料撈勻,搽上頭髮後用保鮮膜包住,30分鐘後過水洗淨。

您也許也會喜歡…

發佈留言

發佈留言必須填寫的電子郵件地址不會公開。 必填欄位標示為 *