【Tea WG農曆新年限定早午餐 三道意頭菜帶清新茶香】Tea WG

新年幾日假期,梗係要搵日歎吓茶食好啲,俾自己好好放鬆啦。Tea WG西式茶又有,中式茶又有,而今個新年仲推出期間限定嘅農曆新年限定早午餐盛璽秘製普洱同禮盒,特你可以食嘢同時入貨!

三道菜農曆新年限定早午餐(HKD314/位)頭盤先食呢道大蒜薯仔湯伴金蠔,以蕃薯、帝王普洱泡沫同摩洛哥薄荷綠茶油點綴,清香開胃又帶有「好事」嘅喻意。

主菜可以三選一,想邪惡啲有香脆魚餅,以三文魚、鱈魚同蝦肉製成,炸到外脆內嫩亦有啲彈牙。配以紅蘿蔔、紅菜頭沙律
佐幻香果茶特調香醋汁解炸魚餅嘅油膩感。

另一道主菜手工意粉就俾大家有少少「撈起」嘅感覺,拌勻加入蟹肉同蟹籽再鋪面嘅薄荷松露巧克力紅茶茶香辣椒醬,令意粉入口爽辣鮮味。

仲有新年切食嘅蘿蔔糕都有得揀!平時唔係點心就係XO醬炒蘿蔔糕呢啲款式,但Tea WG就將佢融入西菜,炮製出煙燻鴨胸伴香脆蘿蔔糕。烤過嘅蘿蔔糕香脆惹味,配上軟腍有肉汁嘅鴨胸同醒胃嘅美式伯爵茶龍珠果醬汁,又估唔到幾夾喎。

甜品就有呢道奶韻烏龍茶香慕斯內藏桂花凍、配紅桑子醬、芝麻脆片同可可茶雪糕,甜中帶茶香;加上唔同嘅口感,層次非常豐富!

想特別啲可以另外單點節慶限定嘅法式糕點白朱古力帝王普洱慕斯(HKD48),紅卜卜嘅炮仗造型啱晒打卡。特別注入頂級帝王普洱 (Emperor Pu-Erh)中和白朱古力慕斯嘅甜,而朱古力脆杏仁餅底就增加口感。不過一場嚟到,梗係睇埋有冇心水茶葉可以送禮或者自己飲啦!

新春期間限定嘅盛璽秘製普洱[Hidden Pu-Erh Tea]以傳統普洱為基礎,將香醇濃郁嘅紅茶揉合野莓果香同花香。由即日起至2月尾喺香港各Tea WG沙龍及精品店以優惠價HKD438/90克(原價HKD538)限定發售。

頂級訂製系列之中嘅帝王普洱[Emperor Pu-Erh] (HKD268)帶熟茶嘅濃香,啱餐後飲用。

孝敬長輩之選就有雲南普洱陳年茶餅[Yunnan Pu-Erh Tea Brick](HKD808),手工壓製嘅普洱陳年茶餅由位於雲南著名嘅勐海茶廠以傳統方式栽種,普洱味道濃郁耐泡;以奢華燙金啞紅色禮品盒包裝夠晒派頭。

如果要去到極致奢華嘅普洱品茗體驗,盛壐玉選系列®嘅盛壐普洱 [Grand Pu-Erh] (HKD1,138)就啱晒你。特別選用春摘茶葉,含有高比例嘅嫩芽,味道清淡而純正,又具有異國情調嘅松露風味同輕微嘅灌木叢香。

亮麗奪目的Imperial禮籃(HKD2,689)充滿新年色彩氣氛,包括金色土星造型茶罐、金色現代藝術蘭花系列茶壺、神秘國境黑茶、帝王普洱、便利純棉濾茶袋、糖茶棒、Tea WG酒紅色螢亮手工茶杯組一對同Tea WG經典計量銀匙。

 

農曆新年限定早午餐
供應日期:2020年1月26日至2月2日
供應時間:2020年1月26至28日、2月1至2日|10:00-15:00,2020年1月29至31日|11:45-15:00
供應分店:Tea WG又一城沙龍及精品店及Tea WG國際金融中心沙龍及精品店

 

Tea WG Salon & Boutique (又一城店)
地址:九龍塘達之路80號又一城LG2層40號舖
電話:2725 6930
營業時間:星期一至日:10:00-22:00

Tea WG Salon & Boutique (國際金融中心店)
地址:中環港景街1號國際金融中心1樓1022-3號舖
電話:2796 2828
營業時間:星期一至日:10:00-22:00

You may also like...

Leave a Reply

Your email address will not be published. Required fields are marked *