【Tiffany Cafe情人節五道菜晚餐 配迷你版禮物盒蛋糕】The Tiffany Blue Box Cafe

情人節點樣俾女朋友或太太一個浪漫之夜?不如去尖沙咀嘅The Tiffany Blue Box Cafe,歎個情人節五道菜晚餐(HKD1,688/兩位),仲可以升級配巴黎之花特級乾型香檳(HKD150/杯),過個醉人嘅晚上添。

呢度嘅夢幻氣氛首先注入餐前小食,好似蛋糕咁嘅伊比利亞火腿配蘆筍奶凍以鹹香嘅火腿配上清新嘅蘆筍奶凍,旁邊以烘過嘅麵包夾住,味道層次豐富。

前菜就二選一,如果鍾意海鮮亦可以揀北海道帶子薄片刺身,配咗頂級魚子醬、芒果粒同芒果薑汁,夠晒醒胃。

另外一款係香煎鵝肝,配上日本柚子高湯中和鵝肝嘅油膩感,入中即融又惹味喎。

然後飲啖椰菜花濃湯順吓喉啦!加咗啲咖喱飯油同、辣椒粉同紫椰菜花片,令口感同味道更突出。

主菜都可以二揀一,有鮮味嘅北海道海膽意粉,以巴馬臣芝士忌廉汁撈勻好creamy㗎。而慢煮黑松露雞就有釀咗黑松露嘅慢煮雞髀肉同雞肉慕斯,入口鹹香軟腍。

最後嘅甜品特別配上迷你版前者Blue Box蛋糕,由佛手柑玫瑰慕斯、紅桑子士多啤梨同杏仁蛋糕整成伴雪糕。加上檸檬味及朱古力味嘅瑪德蓮,仲唔係甜蜜浪漫嘅一晚?!

 

The Tiffany Blue Box Cafe
地址尖沙咀北京道1號大堂208號
電話:2116 0729
營業時間:星期一至日:08:00-22:00(最後點餐時間:21:00)

您也許也會喜歡…

發佈留言

發佈留言必須填寫的電子郵件地址不會公開。 必填欄位標示為 *