【中環新場10大話題餐飲 歎嫩滑燒雞+本地手工啤】BaseHall

中環怡和大廈六月開咗個新場,BaseHall匯集咗十間唔同特色嘅話題食店,可以食勻多國料理,仲有兩間風格各異嘅酒吧俾你歎本地手工啤同特調雞尾酒添。喺繁忙時段想食又怕等得耐?又可以電話網上點餐,方便又快捷。以後喺中環,無論係食Lunch定同朋友Happy Hour都多個選擇喇!

新場嘅室內設計行現代化嘅風格,夜晚仲會有現場DJ嘅音樂演出,夠晒有氣氛。有別於一般嘅美食廣場,BaseHall內嘅8間餐廳同2間酒吧都擁有個性、話題十足。依家一於逐間介紹俾大家啦!

Pub 1842

Pub 1842由本地手工啤酒品牌少爺啤主理,當然要試吓佢哋嘅主打手工啤酒,另有雞尾酒同每期推介嘅小產量威士忌。開放式酒吧內設有10個生啤酒龍頭,供應啤酒廠內嘅鮮釀啤酒,啱晒同朋友嚟坐低飲杯嘢Relax吓啦!

除咗酒水,店內亦供應各款英式焗批同每日唔同口味嘅咖喱,特別啲嘅有煙肉梅菜批,入面加入中式風味嘅梅菜做fusion,又幾獨特喎。

 

BaseHall Bar

BaseHall Bar就供應充滿亞洲風味嘅特調雞尾酒,另有即磨咖啡、沙冰等選擇。

再配埋份The Classic Sandwich(HKD128)就滿足喇,仲有Daily Special嘅款式俾你揀。

 

Roti Tori 

呢間日式烤雞餐廳Roti Tori 由人氣燒鳥店Yardbird班底主理,必食呢度招牌嘅日式燒雞(HKD68/1/4隻、HKD118/半隻),肉質嫩滑Juicy,仲配埋三種醬汁俾你蘸。

如果唔想食咁飽就可以試吓呢度嘅紫蘇飯糰(HKD25)

 

Honbo

呢度同樣食到本地自家製美式漢堡店Honbo嘅出品,佢哋嚴選時令天然食材製作漢堡,經典漢堡(HKD78)大小適中,啖啖都食到濃郁嘅牛肉香。

Return of Lemak

馬來西亞特色嘢食你會諗起咩呢?Return of Lemak娘惹叻沙(HKD128)望落惹味,湯底濃郁,又點可以抗拒呢?

另外,呢間食店主打現代變奏版嘅馬來西亞椰漿飯,呢款炸雞椰漿飯(HKD138)坊間少見,將本地食材同現代煮法完美結合。

 

Moyo Sik

至於韓食,就可以試吓呢間Moyo Sik。呢度推出一系列韓式食品,有韓式醃肉丸(HKD120)、甜辣口味嘅韓式炸雞(HKD88/小、HKD168/大)等。

 

Co Thanh

越菜愛好者就要試吓Co Thanh喇!呢款必食嘅煎蛋越式法包(HKD98),夾埋扎肉,啖啖越式風情。

 

Westside Taqueria

主打墨西哥菜嘅Westside Taqueria就可以俾你體驗到墨西哥街頭美食嘅滋味喇,巴哈魚捲餅(HKD48)菠蘿燒豬肉捲餅(HKD48)都係佢哋嘅Signature嚟㗎!

 

Treehouse

素食者不妨試吓注重健康餐飲嘅Treehouse。呢個柳扁麵包Willow Flatbread(HKD68/短、HKD98/長)餅皮軟熟、醬汁味濃,小編就幾鍾意食喇!

 

Cookie DPT

記得唔好忽略呢間喺BaseHall一角嘅Cookie DPT呀,呢度供應新鮮出爐嘅各款曲奇(HKD40/塊),食完飯買返塊返去做零食都好喎。

 

BaseHall
地址:中環康樂廣場1號怡和大廈地庫1號
電話:從缺
營業時間:星期一至六:11:00-22:00 (酒吧營業至0200-0300左右)

You may also like...

Leave a Reply

Your email address will not be published. Required fields are marked *