【父親節DIY氣炸海鮮餐 佐酒小食CP值爆燈】氣炸師

就到父親節喇,想整啲佐酒小食氹吓老豆開心唔難嘅,用氣炸鍋就夠做喇。氣炸師今日賣大包,用青口、墨魚滑同魷魚圈一次過整三款海鮮小食,平均每款十幾分鐘就食得,而且加埋唔使100大元添!

 

氣炸蒜蓉牛油白酒青口

材料與分量:
牛油 – 適量
急凍青口 – 一包
白酒 – 兩湯匙
蒜蓉 – 兩湯匙

做法:
1. 將青口融雪清洗乾淨,用熱水灼一灼青口再用牙刷刷殼邊。
2. 將白酒同蒜蓉撈勻備用。
3. 氣炸鍋用錫紙鋪底,放入青口、白酒蒜蓉同牛油,以180度氣炸10分鐘。

 

氣炸鬼馬芝士墨魚滑

材料與分量:
墨魚滑 – 180g
油炸鬼 – 一條
芝士碎- 適量

做法:

1. 將墨魚滑加入芝士碎撈勻備用。
2. 將油炸鬼切段,將底部剪開備用。
3. 用刀仔將適量墨魚滑釀入油炸鬼,喺墨魚滑表面再掃少少油。
4. 氣炸鍋用錫紙鋪底,預熱160度3分鐘,放入油炸鬼以160度氣炸約8-10分鐘,可以配泰式辣醬食用。

 

氣炸魷魚圈

材料與分量:

魷魚圈 – 300g
雞蛋 – 一隻
麵包糠 – 適量
粟粉 – 適量
茄汁 – 適量

調味料:

孜然粉 – 適量
鹽 – 適量
胡淑粉 – 適量

做法:
1. 魷魚圈解凍後用紙巾印乾。
2. 加入適量鹽、胡椒粉、孜然粉撈勻醃15分鐘。
4. 將魷魚圈沾上粟粉、蛋漿同麵包糠。
5. 氣炸鍋預熱200度5分鐘,放入魷魚圈以200度氣炸10分鐘,可以配茄汁食用。

您也許也會喜歡…

發佈留言

發佈留言必須填寫的電子郵件地址不會公開。 必填欄位標示為 *