【精選6大特色月餅推介 2020早鳥優惠慳家合集】月餅

八月十五愈來愈近,中秋節實要食月餅應節啦!小編搜集咗6大特色月餅推介俾大家。除咗有傳統月餅之外,流心月餅、純素月餅款式有伯爵茶、黑芝麻等多款創新口味添;有啲仲配埋曲奇烘焙套裝、飛行棋俾大家玩,真係創意無限呀!中秋就算要Stay home都唔怕冇節目。快啲襯依家有早鳥優惠訂定啱心水嘅月餅啦!

 

巨型十二黃月餅 膳心小館

原本係開餐廳嘅膳心小館老闆一向好有心,專門聘請年青人同服務清貧長者,今年推出小食系列之餘仲出咗月餅禮盒。中秋買月餅都做到善事幫人,一舉兩得呀!

有成8寸嘅巨型十二黃白蓮蓉月餅(HKD288/個),以「我哋真係好鬼鍾意香港」字句做餅模中間嘅設計圖,啱晒愛香港嘅朋友。而傳統size嘅月餅有3種味道可以選擇,包括雙黃白蓮蓉月雙黃黃蓮蓉月五仁月餅(HKD238/4個),買得多嘅話仲有優惠價(HKD1,000/5盒)添!呢3款月餅有2款禮盒嘅圖案可以揀,8月8日就截單㗎喇,快啲追上尾班車啦。

 

膳心小館
訂購網址:https://bit.ly/2C6wWUL

 

中西玩味月餅 當文歷餅店

當文歷餅店今年首推中秋產品大廚小兔月餅禮盒(HKD458/4件),立體免仔造型嘅禮盒設計超特別呀!月餅禮劵由即日起至8月23日以預購價開售,8月24日起就可以用禮劵換月餅。

禮盒底部櫃筒放有香港製造嘅伯爵茶奶黃月餅,茶味香濃嘅奶黃餡料加埋金黃鬆化嘅餅皮,味道創新之餘仲好夾。背部就有小兔造型烘焙套裝,包咗曲奇預拌粉、小兔造形曲奇模具同食譜,只要加入牛油同雞蛋就可以輕鬆整到充滿柚子清香嘅牛油曲奇。有得食仲有得玩,中秋唔怕冇節目啦。

 

當文歷餅店 by Dominique Ansel
地址:尖沙咀海港城海運大廈地下 OT G63A 號舖
電話:2613 8618
營業時間:星期一至四:11:00-19:00,星期五至日及公眾假期:11:00-20:00

訂購網址:https://dangwenli.com/shop

 

純素健康月餅 香積廚素食工房

應節固然會食月餅啦,如果怕傳統月餅嘅熱量高,就可以一試香積廚素食工房嘅純素月餅喇。走蛋奶兼以植物油代替傳統豬油製作月餅,超健康呀!

純素月餅嘅口味選擇都好多㗎,包括抺茶柑桔月餅香芒豆蓉月餅黑芝麻月餅陳皮紅豆月餅白蓮蓉(各HKD180/8件)同埋焦糖五仁月餅(HKD200/8件),想一次試幾款亦有雜綿純素月餅(HKD220/8件)俾你揀。有咁多款口味,總有一款啱食。早鳥優惠到8月25日,之後再訂就會貴少少喇。

 

香積廚素食工房
地址:香積廚素食館 旺角花園街110號地下
電話:2319 1808
營業時間:星期一至日:11:00-21:30

 

好評如潮流心月餅 Valérie Pastry

Valérie Pastry嘅皇牌流心奶黃月餅(HKD178)流心宇治抹茶月餅(HKD188)自推出以嚟都大受好評,每年中秋都火速售罄㗎!今個中秋推出3款新口味,包括充滿茶香嘅法式伯爵茶月餅(HKD168)、香濃嘅蛋黃黑芝麻月餅(HKD168)同好有層次嘅陳皮紅豆蛋黃月餅(HKD168)。以上價錢係4件裝,想分量多啲都有8件裝嘅。

佢哋湖畔小兔珍藏版九件裝禮盒(HKD348/9件)有兩款組合,分別係流心宇治抹茶拼法式伯爵茶同埋蛋黃黑芝麻拼流心奶黃,仲附送英國皇家品牌 Taylors of Harrogate茶包添!禮盒嘅設計超精緻可愛,成個首飾寶盒一樣。為咗方便客人買月餅,佢哋喺銅鑼灣新增期間限定Pop-Up Store同「點對點」送貨方式,超貼心呀!早鳥優惠由即日起至9月6日可以預訂,手快有手慢冇呀。

 

Valérie Pastry
地址:銅鑼灣東角道24-26號銅鑼灣東角二樓
電話:3565 6765
營業期間:星期一至日:12:00-21:30
訂購網址:www.ValerieMooncake.com

 

經典飛行棋mix月餅 荔園

荔園一如以往設計有香港特色嘅中秋禮盒,今年就以Q版嫦娥同太空人為主題,每盒流心奶黃月餅(HKD260/6件)都附送一套「太空飛行棋」同12 款荔園貼紙,好有收藏價值喎。

流心奶黃月餅嘅餅皮蛋味濃郁,配上幼滑流心奶黃餡,咁樣邊食月餅邊嘗月,再喺飛行棋盤上對戰真係雙重享受。即日至9月20日,你可以用優惠價買到㗎喇。

 

荔園
地址:荔枝角長順街15號D2 Place TWO 2樓211-216號舖
電話:3585 8800
營業時間:星期一至日:11:30-16:00

 

得獎流心月餅 皇玥月餅

食月餅點少得拎咗世界食品「最高金獎」嘅皇玥月餅呢?!佢哋嘅名物流心月餅出咗幾款口味,有時尚系列嘅經典流心雙輝月餅真味流心雙輝月餅(各HKD298/6件)流心奶黃月餅流心貓山王榴槤月餅(各HKD288/6件)等等。仲有其他傳統同低糖系列,選擇超多。提提你,將流心月餅翻熱食仲邪惡呀!

月餅禮盒嘅設計同樣好特別,以繁複紙藝整成嘅全手工紙皮盒好有質感,禮盒封套上有荷花同鶴鳥雕刻設計,令成個盒充滿特色。禮盒仲可以當首飾盒再用,送禮自用都啱㗎。除咗早鳥優惠之外,依家買滿5盒月餅仲送1盒時尚系列流心奶黃月餅呀!優惠係先到先得,售完即止,詳情留意返佢哋Facebook更新啦!

 

皇玥(尖沙咀店)
地址:香港尖沙咀加連威老道43號地舖
電話:2217 3638
營業時間:星期一至日:11:30-20:30

You may also like...

Leave a Reply

Your email address will not be published. Required fields are marked *