【秋冬打卡High Tea合集 純素健康×天然養生下午茶】下午茶2020

踏入11月,各酒店或餐廳都開始陸續推出新嘅主題Tea Set,小編為大家精選咗5間純素同天然養生嘅下午茶,打個靚卡嘅同時都食得健康。Bookmark定,約埋friend或屋企人去歎吓啦!

 

純素黑鑽珍珠下午茶

Garden Lounge聯乘以環保同健康為主題嘅珍珠奶茶專門店圓貝,推出健康輕盈黑鑽珍珠下午茶(HKD678/2位),甜點有士多啤梨清酒蛋糕香蕉花生醬脆撻黑芝麻抹茶杯三重朱古力曲奇,而鹹點有煙燻茄子三文治卷龍蝦沙律杯。餐廳更特製原味純素奶酪烤餅煙燻甜椒純素奶酪鬆餅2款適合純素食者嘅點心,以及3款圓貝好受歡迎嘅純素珍珠奶茶飲品:圓貝之戀金果果奶圓貝抹茶,飲品以天然糖、植物奶同手工珍珠等食材製成,天然又健康。

 

黑鑽珍珠下午茶
供應日期:即日起至2020年11月30日
供應時間:星期一至日:時段一:14:45-16:30 | 時段二:16:45-18:30

Garden Lounge
地址:中環紅棉路22號The Murray酒店花園樓層
電話:3141 8888
營業時間:星期一至日:12:00-22:30

 

純素健康英式下午茶

Vivienne Westwood Café推出嘅素·英式下午茶(HKD688/2位)係以傳統英式下午茶三層架奉上,食材更以食用鮮花做裝飾,令整個Tea Set更精美。底層有蘆筍酥皮撻磨菇酥皮撻配以香濃忌廉汁;而中層有青瓜粒素菜脆餅、以Beyond Beef純植物漢堡扒製嘅迷你未來牛肉漢堡夢幻紫薯撻;頂層有新鮮出爐嘅英國傳統點心提子鬆餅配奶油忌廉及果醬柚子藜麥沙律、濃郁忌廉芝士配上新鮮當季水果嘅水果撻。所有糕餅都冇使用精製糖分,係個健康低卡嘅下午茶 !

 

素·英式下午茶
供應日期:即日起至另行通知
供應時間:星期一至日:14:00-18:00(需24小時前預定)

Vivienne Westwood Café
地址:銅鑼灣百德新街27-47號Fashion Walk 1樓F-8號舖
電話:2799 5011
營業時間:星期一至日:11:00-20:00

 

純素聖誕主題下午茶

為咗滿足唔同嘅飲食需要,The Cakery特意推出純素聖誕下午茶(HKD598),以聖誕為主題製作多款甜點,包括以純素朱古力同蘋果蛋糕碎製成嘅朱古力雪人朱古力聖誕老人;以椰子忌廉、開心果同招牌「Day Dreamer」蛋糕製嘅Chocolate Dreamers; 以純素牛油、杏仁粉、不含乳製品忌廉同荳奶製作而成嘅熱情果撻迷你純素杯子蛋糕鬆餅等甜食。而鹹點有自家製蛋黃醬鷹嘴豆純素三文治Impossible植物肉肉丸配甜椒蓉等,每款點心都非常精緻,好有聖誔氣氛! 堂食下午茶以聖誕倒數日曆造型設計,充滿童話氣息;而外帶下午茶就以野餐籃作包裝,精美又方便携帶。

 

純素聖誕主題下午茶
供應日期:2020年11月13日起
供應地點:The Cakery全線分店

The Cakery(利園二期)
地址:銅鑼灣恩平道 28 號利園二期一樓 124 號舖
電話:2816 1838
營業時間:星期一至六:10:00-19:30、星期日:10:00-19:00

 

夢幻香薰天然下午茶

酒店意大利餐廳Gradini同法國香氛品牌GOUTAL合作,推出夢幻佳節香調下午茶(HKD298/一位、HKD528/兩位)。以清新柑橘果香同迷人玫瑰花香配合柚子、佛手柑、玫瑰等天然食材入饌,創作一系列精緻點心,並以白色雲石紋雙層架盛載,打卡一流。下午茶嘅鹹點包括蟹肉、柚子及飛魚籽脆餅青瓜配刁草忌廉芝士三文治煙三文魚配青檸蛋黃醬脆筒鴨肉醬配香橙果凍。甜品方面,有玫瑰白朱古力慕絲法式芝士蛋糕原味及提子英式鬆餅配佛手柑果醬及奶油忌廉。而飲品可選擇即磨咖啡Tea WG原片茶葉沖泡頂級茗茶,或加HKD48享用無酒精飲品夢幻香調一杯或HKD78享用小甜心雞尾酒一杯。隨下午茶更贈送GOUTAL限量精美禮品乙份。

 

夢幻佳節香調下午茶
供應日期:即日起至2021年1月10日
供應時間:星期一至日:15:00-17:30

Gradini
地址:中環皇后大道中74號中環∙石板街酒店大堂
電話:2308 3088
營業時間:星期一至日:07:00-22:30

 

養顏燕窩下午茶

帝都酒店one+one café & bar聯乘GLYCE推出冬日限定「嚐燕.絮語」下午茶(HKD408/2位),以矜貴養顏聖品燕窩入饌,製作多款精緻鹹甜點。精選燕窩甜點有燕窩馬卡龍燕窩紅桑子白朱古力慕絲蛋糕草莓燕窩拿破侖燕窩芝士撻同燕窩蛋白杏仁茶。鹹點鵪鶉蛋蟹肉柚子燕巢煎帶子伴風乾茄炸蝦餅伴西瓜沙沙汁吞拿魚牛油果番茄醋沙律火炙三文魚壽司波都好吸引。下午茶亦配有兩杯特色飲品,可選玫瑰拿鐵洛神紅莓凍茶。凡享用兩位用下午茶均可免費獲贈GLYCEL尊貴體驗裝乙份,更可憑禮品換領卡兌換HKD200現金電子禮券乙張及全效升級版魚子極緻修護面膜乙片。享受完美食仲可以扮靚保養皮膚添。

「嚐燕.絮語」下午茶
供應日期:即日起至2020年12月31日
供應時間:星期一至日:15:00-17:00

one+one café & bar
地址:沙田白鶴汀街8號帝都酒店1樓堂
電話:2694 3869
營業時間:星期日至四:15:00 – 23:00、星期五至六:15:00 – 01:00

You may also like...

Leave a Reply

Your email address will not be published. Required fields are marked *