【麻神麻辣火鍋回歸限定 2人套餐配星級命理咨詢】麻神麻辣火鍋

麻神麻辣火鍋銅鑼灣店結業,一度令鍾意台式麻辣鍋嘅朋友傷心,話晒飲得到嘅麻辣湯真係唔多。事隔大半年,麻神選址尖沙咀重開,雖然冇以前嘅高層靚景,但依然用心配搭,仲推出供應至1月底嘅回歸限定命理火鍋套餐添。

新店以水泥牆營造粗獷嘅感覺,但一樣有獨立房間可以預訂。

依家到1月底有2人火鍋套餐(HKD688/2位),亦可以按呢個套餐升級為「麻神×艾莉絲美食治癒套餐」(HKD998/兩位)!本身套餐已經跟配麻神麻辣湯、果凍鴨血、台灣蜂巢冰豆腐、肉類拼盤、5式海鮮拼盤、蔬菜拼盤同台灣手工麵或稻庭烏冬。

5式海鮮拼盤就有南非孔雀8頭鮑魚、紐西蘭蟶子皇、澳洲新鮮青口、紐西蘭刀背同蜆,隻隻都新鮮兼大件。咁升級套餐有咩唔同呢?

首先你可以將原本嘅肉類拼盤轉為澳洲M9+ Stone Axe手切牛肉(單點HKD398),而麻神亦係全港首家使用澳洲第一100%純種黑毛和牛品牌Stone Axe嘅餐廳!呢款牛今年5月贏得國際和牛大賽金獎,係新鮮出爐嘅靚牛,入口滑溜有咬口,就算用麻辣湯灼熟都食到濃郁嘅肉味。

升級套餐仲會跟配由台灣知名命理師艾莉絲設計嘅麻神×艾莉絲氣運特飲,等大家打邊爐同時開運!
財運特調:黃金水果茶
療癒特調:夢幻蝶豆花茶
桃花特調:荔枝玫瑰茶

艾莉絲老師仲有2021大星象開運色貼士俾大家:

▪️ 土象星座:金牛座、處女座、摩羯座(10、6、2)
年度開運色: 金色、珠光色系、黃色、琥珀色
幸運小物:辦公室小物(例:人物造型濾茶器、摩艾面紙盒……)、招財黃水晶

▪️ 水象星座:巨蟹座、天蠍座、雙魚座(8、4、12)
年度開運色: 黑色、北歐灰、銀色、莫蘭迪色系(像是灰色、灰綠色、菸灰粉等等)
幸運小物:療癒小物(開運香氛、塔羅牌、能量水等等)或居家飾品

▪️ 火象星座:牡羊座、獅子座、射手座(11、7、3)
年度開運色::香草白、丹寧藍、馬卡龍色系,粉嫩色系(例如檸檬黃、 粉玫色、Tiffany藍等等)
幸運小物:白水晶、3C產品外殼、多肉植物

▪️ 風象星座:雙子座、天秤座、水瓶座(9、5、1)
年度開運色: 紅、乾燥玫瑰、玫瑰金、紫芋色、粉橘
幸運小物:鹽燈、口紅或護唇膏

然後仲有20分鐘可以即場同艾莉絲老師線上會面,佢可以從命盤、星座、塔羅卡作命理分析,甚至做靈魂同催眠治癒身心靈添。艾莉絲老師建議大家嚟之前最好諗定有選擇性嘅問題收窄範圍,咁就方便用簡單啲嘅牌陣盡快解答你嘅問題。

新店亦推出一人一鍋午餐(HKD66),無論係酸菜魚藥膳醉雞都大大盤。如果想有打邊爐feel,亦可以喺39款火鍋料中任揀3款同自選湯底,而且每款午餐都可以揀麵款同餐飲,想知有咩選擇就睇埋menu啦:

 

麻神麻辣火鍋
地址:尖沙咀北京道71-77號誠信大廈2樓

電話:2880 0003
營業時間:星期一至日:12:00-02:00

You may also like...

Leave a Reply

Your email address will not be published. Required fields are marked *