【昭和懷舊打卡咖啡屋 精製和食+富士山飯糰】婆婆珈琲屋 Grandmama’s Cafe

主打日本精品、富士山產品嘅婆婆雜貨店喺尖沙咀開咗間昭和風懷舊Café婆婆珈琲屋。新店以富士山同獅子山為創作元素,製作擺盤精緻又好味嘅日本料理。每款特色漬物同飲品都係店主婆婆用心製作,由食材用料到餐具都花盡心思㗎!

咖啡店以昭和風環境裝修,配上日式和食,令人感覺好似去咗舊日本時代咁呀。

主餐牌可選擇三至五品料理(HKD88-128),當中包括3-5款自選冷菜同熱菜、自家製啤酒柚子蘿蔔漬同烏冬或飯糰,仲可以半價追加飲品添!

想試多幾款料理嘅小編就揀咗五品料理喇,試勻半熟流心清酒溏心蛋胡麻菠菜照燒雞扒山賊汁雞卷婆婆咖喱。特別推薦軟腍微甜嘅婆婆咖喱,同夠晒吸晴、內餡明太子分量幾多嘅明太子富士山飯糰,真係好足料呀!雖然睇落每碟都係細細份,但食落都幾飽肚㗎。

飲品同甜品嘅選擇豐富又有特色,必試造型可愛嘅特大昭和焦糖布丁(HKD42)微甘嘅焦糖配濃郁蛋香,質感軟滑Q彈。

北海道牛乳芒果千層蛋糕(HKD52)creamy到入口即溶,啲芒果肉都分量十足。

自家茶釀製成嘅婆婆杯茶(HKD56)帶淡淡酒香,味道酸酸甜甜。分別有蘋果、紅莓兩款味,婆婆話個茶對腸胃好好,可以幫助消化㗎。

以蝶豆花同白朱古力奶泡製嘅富士山特飲(HKD68)賣相一流,絕對係打卡之選。入口香滑,味道就偏淡喇。

 

婆婆珈琲屋Grandmama’s Cafe
地址:尖沙咀彌敦道176號The Nate 1樓
電話:9675 1438
營業時間:星期一至日:12:00-22:00
(餐廳會因應疫情調整營業時間)

You may also like...

Leave a Reply

Your email address will not be published. Required fields are marked *