【新年必試傳統小食 新皮舊餡氣炸角仔】氣炸師
一年容易又新年喇,講到傳統小食又點少得油角呀?!油角又叫角仔,寓意家肥屋潤,荷包脹卜卜。今日氣炸師就會同大家一齊整呢個氣炸角仔,教大家用一個最簡單嘅方法,整個健康版嘅炸角仔出嚟啦!
氣炸角仔
材料與分量:
圓形模 – 1個
急涷酥皮 – 1片
蛋黃 – 1隻
餡料:
原味花生碎 – 80g
椰絲 – 10g
芝麻 – 10g
糖 – 20g
做法:
1. 先將花生、椰絲、芝麻炒香,然後放入保鮮袋加入糖搖勻。
2. 急涷酥皮室溫解涷後,將酥皮印模。
3. 放入餡料對摺收口。
4. 氣炸鍋需預熱15分鐘,掃上蛋黃以180度焗10分鐘,反面後用同樣做法氣炸10分鐘上色,完成!