【新店超值價$350廚師發辦 歎刺身+壽司合共17點】神樂 Sushi Kagura

今時今日要食Omakase唔一定貴到飛起,尖沙咀新店神樂 Sushi Kagura喺北海道、豐州、九州等日本市場入貨,每日下午4、5點會飛機空運一轉到貨,所以重點菜式會以晚市Omakase為主。不過佢哋嘅午市Omakase(HKD350/位)都好抵食,17點都係四百蚊有找,有刺身又有時令壽司添。現時午市星期一至三,like佢哋Facebook或IG會有全單9折優惠(酒水除外),即刻睇吓有幾抵食啦!

呢度座位唔多,嚟之前最好訂位先。

午市Omakase以沙律、麵豉湯同茶碗蒸開胃。雖然係午市套餐,但茶碗蒸都落咗秋葵、蟹柳、本菇等材料俾足誠意㗎。

刺身同壽司都係時令款式,所以大約兩三個月左右就會有更新,特別之處係師傅會調製多款醬汁、壽司醋同豉油,令每款精緻嘅菜式更加內外兼備。而上面五款刺身都配搭唔同嘅製作方式,醃漬、煙燻等都有,令口感包罜爽口、軟滑、入口即融唔同嘅層次。

8款壽司現時比較多用魚同海膽,加上用北海道産七星米、以及師傅混合三種日本醋製作壽司飯,微酸嘅味道同食材嘅鮮甜味平衡得啱啱好;而豉油亦都混合幾款日本豉油,再用兩晚時間浸泡沉澱同揮發,輕甜中帶點鹹香。

最後以爆餡嘅拖羅蓉手卷收尾, 有別於平時熱食飯類作結嘅風格。

其他午市定食都一樣好豐富㗎。北海魚生飯定食(HKD240)全部食材來自北海道,有帆立貝、海膽、三文魚籽、牡丹蝦、松葉蟹肉同三文魚。口感由爽口到鮮甜啖啖肉都有,而且有6款食材都滿足到海鮮控喎。

鍾意有得揀嘅朋友,自選壽司定食(HKD108-168/6-10件)就啱晒你。24款款壽司任你揀,而且連深海池魚、真鯛、蟹肉蟹膏軍盤等貴價啲嘅款式都有,真係冇hea你㗎。

而熱食梗係唔少得鰻魚啦!燒日本白鰻定食(HKD168)以較淡身嘅醬汁慢燒代替蒲燒醬汁,突出日本白鰻本身最新鮮天然嘅味道。而且燒到微脆唔易散,有咬口亦唔多骨添。

想追加特別菜式就抬頭望吓季節限定推介啦。

和食料理有唔少香口佐酒小食,日式炸雞(HKD48)燒鱈魚乾(HKD38)都幾鹹香滋味,但又唔會太乾或太膩。

 

神樂 Sushi Kagura
地址:尖沙咀金馬倫道58-60號國鈀大廈地下B舖
電話:2827 2168
營業時間:星期一至日:12:00-22:00
(餐廳會因應疫情調整營業時間)

You may also like...

Leave a Reply

Your email address will not be published. Required fields are marked *