【母親節精選推介 下午茶×自助餐×甜點】母親節

今年母親節可以一家人出街食飯喇,帶媽媽去食自助餐又得,歎個靚Tea都一樣得。去完街返屋企食埋蛋糕就更加圓滿。不如睇吓小編推介啱唔啱你啦!

 

香港百樂酒店 |「抹茶‧甜蜜地圖」下午茶自助餐及「抹茶の味」下午茶

「抹茶の味」下午茶

「抹茶‧甜蜜地圖」下午茶自助餐

如果媽媽係抹茶控,咁一定要帶佢去香港百樂酒店Park café,食抹茶主題嘅下午茶自助餐或下午茶喇!

下午茶自助餐以京都優質嘅宇治抹茶製作抹茶流心多士、抹茶心太軟、紅豆抹茶卷、抹茶忌廉、抹茶豆腐慕絲蛋糕、芒果抹茶芝士蛋糕、抹茶鹽唐揚雞、吉列魷魚圈配抹茶沙律醬、宇治抹茶蛋糕、抹茶意大利芝士蛋糕等抹茶系列鹹甜點;配合無限量供應嘅纽西蘭青口、海蝦、白蜆海鮮拼盤、多款壽司同卷物,三文魚、希靈魚、鯛魚等即切刺身;仲有即製中式湯粉麵、日式大阪燒等熱食添

「抹茶‧甜蜜地圖」下午茶自助餐
供應日期:2021年5月3日至9月2日逢星期六、日及公眾假期
供應時間:15:00-17:00
價格:HKD258/成人,HKD228/小童
*Facebook優惠:凡「讚好」香港百樂酒店Facebook專頁,並出示Facebook優惠券即可享75折優惠。

 

抹茶の味下午茶鹹食有抹茶堅魚珍珠蠔、海膽抹茶冷麵同抹茶鹽唐揚雞;甜點就有抹茶流心多士、抹茶豆腐慕絲蛋糕、紅豆抹茶卷、抹茶朱古力慕絲蛋糕、抹茶林明頓、抹茶忌廉芭芙、抹茶北海道3.6牛乳奶凍和抹茶牛油鬆餅,共11款美食。

「抹茶の味」下午茶
供應日期:2021年5月3日至9月2日
供應時間:15:00-17:00
價格:星期一至五 | HKD198/位,HKD328/2位,星期六、日及公眾假期 | HKD218/位,HKD368/2位
*Facebook優惠:只需星期一至五惠顧,「讚好」香港百樂酒店Facebook專頁,並出示Facebook優惠券即可享75折優惠。

 

香港百樂酒店
地址:尖沙咀漆咸道南61-65號
電話:2731 2168/6588 0682(WhatsApp)
營業時間:星期一至日:12:00-22:00
網上預訂:https://bit.ly/3e3VnBg

 

土生花 | 新派韓式素菜下午茶

新派韓式素菜食府土生花聯乘香港新一代純素護膚品牌SKIN NEED,打造Beyond Vegan – Spring」春日純素下午茶體驗(HKD498/2人),即日至5月10日每日15:30-18:00限定供應。當中包羅土生花多款招牌美點同一系列全新設計嘅點心,好似時令蔬菜米紙卷、口感酥脆嘅酥炸粉絲卷、經典地道嘅韓式海苔飯卷同韓式漬物飯糰;甜點就有栗子紅棗糯米糕、質感軟糯嘅韓式麻糬同香烤風味細緻嘅韓式合桃撻、招牌韓國米通、韓國富有柿合桃卷、麵豉貝殼蛋糕同香脆芝麻餅。 隨餐附送純素護膚品牌SKIN NEED喺美國加州廠房生產嘅原裝護手霜一支(價值HKD98/40ml),啱晒呵護媽媽雙手呀!

 

土生花
地址:尖沙咀梳士巴利道18號K11 MUSEA 7樓704號舖
電話:2389 9588
營業時間:星期日至四:12:00-22:30,星期五、六:12:00-23:00

 

挪亞方舟度假酒店 | Full of Love窩心母親節自助午餐

挪亞方舟度假酒店豐盛閣餐廳飽覽青馬大橋、汀九橋同東灣海灘嘅壯麗美景,仲可以細嚐各款中西日佳餚「Full of Love窩心母親節自助午餐」,包羅多款環球美饌,包括燒美國有骨肉眼牛肉、燒羊架配露絲瑪利汁、慢煮美國豬柳、櫻花蝦海鮮炒飯、滋補燴花膠北菇鴨掌、時令日式刺身及壽司、紐西蘭青口同翡翠螺等海鮮冷盤;而甜品除咗Mövenpick雪糕,仲會為每位媽媽等設「金箔燕窩黑芝麻燉蛋白」添。

Full of Love窩心母親節自助午餐
供應日期:2021年5月8日至9日
供應時間:12:00-15:00
價格:HKD368/成人,HKD228/小童(3-11歲)
最後限時優惠:
* 即日至5月7日期間訂座 可享9折優惠
* 以上價目另收取以原價計算之加一服務費
* 憑挪亞方舟主題公園當日門票可享85折

 

挪亞方舟度假酒店豐盛閣餐廳
地址:馬灣珀欣路33號
電話:3411 8836
營業時間:星期一至日:12:00-22:00
詳情及網上預訂:https://bit.ly/3e2isUE

 

K11 ARTUS寓館 | 限定母親節菜單

母親節當日K11 ARTUS寓館全日餐廳The Commune特別推出限定母親節菜單(HKD550/位),特你帶媽媽品嚐精緻新派中菜。有惹味滷水鴨腿脆球同鮮味皇帝蟹茶碗蒸打開味蕾,再飲啖用鮮鮑魚、花膠同烏雞燉煮嘅尊貴中式老火湯;主菜可以喺佐以海鮮椰子湯嘅香煎鱈魚或澆上亞洲風味賓利士汁嘅慢煮小牛柳中二選其一。最後以荔枝同大黃作主調,再加上清甜士多啤梨雪糕作結。如果喺4月30日至5月6日期間,透過K11 ARTUS直接預訂5月份住宿,會額外獲贈K Dollars 可於K11 MUSEA參與商戶中作即時消費之用。

 

K11 ARTUS寓館
地址:尖沙咀梳士巴利道18號K11 ARTUS 10樓
電話:2107 3388
營業時間:星期一至日:早餐 | 06:30-22:00,午餐 | 12:00-14:00,下午茶 | 15:00-17:30,晚餐 | 18:30-21:00

 

Bombshell | 3D藝術創意蛋糕禮盒

Mom-nificent Bomb(母愛動人心)康乃馨與玫瑰

Blooming Beauty Bomb(炫美頌母愛)配玫瑰與鬱金香

人氣藝術糕餅店Bombshell全人手創作嘅3D蛋糕一直都好受歡迎,母親節買嚟慶祝更加啱晒打卡添。即日起至5月30日,傾心打造嘅Blooming Beauty Bomb(炫美頌母愛)Mom-nificent Bomb(母愛動人心)7吋(HKD1,388)同11吋(HKD1,988)可供選擇。心形外殼外層以白朱古力巧製,內裡藏逾28款精緻甜點,包括甜蜜滿載嘅心形、花形、迷人咀唇形嘅朱克力;又有草莓貝殼蛋糕、心形同花形牛油曲奇、粉嫩手指甜點、朱古力布朗尼、草莓冬甩與小糖環等等。

 

Bombshell
電話:6388 5254/ 6388 9758 
營業時間:星期一至日:12:00-22:00
網上預訂:www.bombshell.hk

 

Tea WG | 茶香法式糕點

波本香草紅茶 | 茶香芝士蛋糕

蝴蝶夫人綠茶 | 茶香芒果香草蛋糕

玫瑰芬香紅茶 | 茶香樹莓蛋糕

Tea WG嘅茶葉同餐飲介紹得多,今次就介紹佢嘅蛋糕啦!3款母親節茶香法式糕點(HKD360/原個),睇吓邊款啱母親大人心水啦!

蝴蝶夫人綠茶茶香芒果香草蛋糕 – 以杏仁酥餅為底,上蓋綿潤嘅海綿蛋糕嵌入芒果百香果果醬內餡,外層塗抹蝴蝶夫人綠茶茶香慕斯。

波本香草紅茶茶香芝士蛋糕 – 以散發著誘人黃油香氣嘅酥餅為底,嵌入波本香草紅茶茶香奶油奶酪,上蓋係帶玫瑰和風之茶茶香嘅奶油同新鮮水果。

玫瑰芬香紅茶茶香樹莓蛋糕 – 以杏仁酥餅為底,上蓋綿潤嘅海綿蛋糕,外層俾玫瑰芬香紅茶茶香慕斯包住,最後以樹莓醬塗抹頂層,口感酸甜交錯。

 

Tea WG
分店地址及網上預訂:https://teawghk.oddle.me/zh_HK

(餐廳會因應疫情調整營業時間)

You may also like...

Leave a Reply

Your email address will not be published. Required fields are marked *