【日本50年歷史喫茶店 香港限定焦糖吉士布丁】Sonia Coffee

京都昭和風喫茶店Sonia Coffee首間海外分店登陸旺角,主打甜品亦推出香港限定款式。另外打卡必選仲有自家烘焙虹吸咖啡添。大部分來自日本,即刻睇吓香港店點樣重現日本風味啦!

香港限定兼每日限量供應嘅忌廉焦糖吉士布丁(HKD38),口感軟滑之中帶點凝實,而且蛋味非常出眾,加上面頭嘅忌廉更加香滑。睇落細細杯,但食極都有喎。

招牌之一嘅喫茶店原味鬆餅(HKD58/件,HKD88/2件)用返日本材料製作,蛋味僅次布丁,大塊而厚身,加上牛油同蜜糖更加香口又清甜。

梳乎厘芝士蛋糕(HKD42/件,HKD242/全個)有原味同抹茶兩款,睇落鬆散,但入口即化好creamy。

和栗磅蛋糕(HKD36/件,HKD188/全個)可以話係和風代表,製過嘅和栗啱晒嗜甜嘅朋友。

洋風全日早餐(HKD98)大大份,6款配料加上沙律睇落幾清?其實香腸帶辣味,成份俾你鹹、甜、辣等滋味。

不過要埋打卡功能一定要揀溏心蛋沙律吐司(HKD48)!滿滿嘅蛋沙律加溏心蛋,要一雙手先可以拎起半份;麵包鬆軟,食起嚟有種好棉嘅感覺。

牛油果控就有蝦肉牛油果醬日式牛角包(HKD68),牛角包手掌咁大又塗滿牛油果蓉,食飽肚嘅輕食呀!

呢度亦有意粉滿足澱粉控,其中拿玻里意粉(HKD68)相對重口味啲,因為用咗辣味香腸,即煮熱辣辣咁食都唔錯。

招牌虹吸咖啡每日供應兩款,而且不時轉換咖啡豆,價格視乎當日而定。而且可以自選心水咖啡杯,係咪俾到你更隨意嘅感覺呢?

怕熱的話有冰凍嘅和雪糕梳打(HKD68/杯),三款口味包招巨峰葡萄、白桃同甘王草莓。

 

Sonia Coffee
地址:旺角新世紀廣場MTR層M52號舖
電話:2398 8835
營業時間:星期一至日:08:00-22:00
(5月試業期間,營業時間及餐單會不定期調整,詳情請留意官方Facebook 及Instagram,餐廳會因應疫情調整營業時間)

You may also like...

Leave a Reply

Your email address will not be published. Required fields are marked *