Author: 為食加菲貓

0

【簡易氣炸波堤甜甜圈 日系輕食五步即成】氣炸師

忽然間口痕好想食Donut,但又唔想出街買可以點算?只要屋企有基本食材就可以自己整!唔使發酵之餘,仲可以好快搞掂㗎。   氣炸波堤甜甜圈 材料與分量: 嫩豆腐 – 120g 糯米粉 – 80g 鮮奶 – 30ml 低筋麵粉 – 100g 砂糖 – 30g 可可粉 – 15g 牛油 – 適量 做法: 1. 將豆腐用篩壓碎。 2. 加入糯米粉、低筋麵粉、砂糖同鮮奶後拌勻整成麵糰。 3. 將麵糰揉至冇粉唔黏手狀況,就可以搓成小圓狀。 4. 鋪上烘焙紙後掃少少油,以150度炸10分鐘,但到5分鐘時拉出壓一下麵糰可以令佢蓬鬆啲。反轉掃油後,以一樣溫度、時間同步驟再做一次就完成。 5. 可以用巧克力醬做點綴。

0

【精選6大特色月餅推介 2020早鳥優惠慳家合集】月餅

八月十五愈來愈近,中秋節實要食月餅應節啦!小編搜集咗6大特色月餅推介俾大家。除咗有傳統月餅之外,流心月餅、純素月餅款式有伯爵茶、黑芝麻等多款創新口味添;有啲仲配埋曲奇烘焙套裝、飛行棋俾大家玩,真係創意無限呀!中秋就算要Stay home都唔怕冇節目。快啲襯依家有早鳥優惠訂定啱心水嘅月餅啦!   巨型十二黃月餅 膳心小館 原本係開餐廳嘅膳心小館老闆一向好有心,專門聘請年青人同服務清貧長者,今年推出小食系列之餘仲出咗月餅禮盒。中秋買月餅都做到善事幫人,一舉兩得呀! 有成8寸嘅巨型十二黃白蓮蓉月餅(HKD288/個),以「我哋真係好鬼鍾意香港」字句做餅模中間嘅設計圖,啱晒愛香港嘅朋友。而傳統size嘅月餅有3種味道可以選擇,包括雙黃白蓮蓉月、雙黃黃蓮蓉月同五仁月餅(HKD238/4個),買得多嘅話仲有優惠價(HKD1,000/5盒)添!呢3款月餅有2款禮盒嘅圖案可以揀,8月8日就截單㗎喇,快啲追上尾班車啦。   膳心小館 訂購網址:https://bit.ly/2C6wWUL   中西玩味月餅 當文歷餅店 當文歷餅店今年首推中秋產品大廚小兔月餅禮盒(HKD458/4件),立體免仔造型嘅禮盒設計超特別呀!月餅禮劵由即日起至8月23日以預購價開售,8月24日起就可以用禮劵換月餅。 禮盒底部櫃筒放有香港製造嘅伯爵茶奶黃月餅,茶味香濃嘅奶黃餡料加埋金黃鬆化嘅餅皮,味道創新之餘仲好夾。背部就有小兔造型烘焙套裝,包咗曲奇預拌粉、小兔造形曲奇模具同食譜,只要加入牛油同雞蛋就可以輕鬆整到充滿柚子清香嘅牛油曲奇。有得食仲有得玩,中秋唔怕冇節目啦。   當文歷餅店 by Dominique Ansel 地址:尖沙咀海港城海運大廈地下 OT G63A 號舖 電話:2613 8618 營業時間:星期一至四:11:00-19:00,星期五至日及公眾假期:11:00-20:00 訂購網址:https://dangwenli.com/shop   純素健康月餅 香積廚素食工房 應節固然會食月餅啦,如果怕傳統月餅嘅熱量高,就可以一試香積廚素食工房嘅純素月餅喇。走蛋奶兼以植物油代替傳統豬油製作月餅,超健康呀! 純素月餅嘅口味選擇都好多㗎,包括抺茶柑桔月餅、香芒豆蓉月餅、黑芝麻月餅、陳皮紅豆月餅、白蓮蓉(各HKD180/8件)同埋焦糖五仁月餅(HKD200/8件),想一次試幾款亦有雜綿純素月餅(HKD220/8件)俾你揀。有咁多款口味,總有一款啱食。早鳥優惠到8月25日,之後再訂就會貴少少喇。  ...

0

【灣仔新開相連日式餐廳 手打漢堡扒×和風壽喜燒】SUKIYAKIYA、GRILL TAJIMAYA

灣仔新鴻基中心最近開咗兩間新嘅日式餐廳,一間係主打手打漢堡扒嘅日式西餐廳,另一間就以傳統壽喜燒做賣點。事不宜遲,睇吓有咩好食先! GRILL TAJIMAYA 主打手打漢堡扒 GRILL TAJIMAYA有唔少透光大窗,俾人感覺好relax。依家除咗堂食,仲有外賣自取75折優惠添。 呢度嘅午時套餐供應時間比較長,由11:00-16:00,每個套餐都配上麵包或飯 、廚師沙律同飲品。一定要試嘅當然係呢份Tajimaya招牌漢堡扒套餐(HKD189),熱辣辣咁上枱,厚身漢堡扒嘅味道好似日式燉肉,口感幾軟腍。仲配咗蕃茄、西蘭花同薯仔,食晒只會飽唔會膩。 想原汁原味啲,澳洲産長期穀飼牛厚切牛柳扒HKD299)就啱晒你唰。以香油同香草煎到表面焦香,內裡嫩滑,唔蘸汁都好濃味。 餐廳仲有其他Á La Carte菜式,想食扒又唔想成個餐上,可以試吓香煎北海道夢之大地豚西冷扒(HKD169[左])或無激素添加脆嫩雞扒(HKD149[右])。 再加大份抵食嘅鐵板香腸拼盤(HKD89)、有大量即磨芝士嘅芝士松露黃金脆薯(HKD89)、配自家製酸辣汁嘅無激素添加酥脆香嫩炸雞(HKD89)呢度惹味香口嘅小食,食肉獸都要喺度敗陣呀! 呢度都有甜品嘅,呢個廚師特製滋味手作甘甜薯(HKD69)有濃厚嘅甘筍味,口感似濃縮嘅薯蓉而唔係蛋糕質地。 仲有麥味香濃嘅三得利 頂級黑啤同生啤(HKD79/500ml,HKD59/300ml)俾你啤一啤,想嚟食大餐或hea吓都得。   GRILL TAJIMAYA 地址:灣仔港灣道30號新鴻基中心2樓2A-1舖 電話:2838 9971 營業時間:星期一至六:11:00-21:00(星期日休息) SUKIYAKIYA 傳統壽喜燒 隔離嘅SUKIYAKIYA空運日本鮮肉到港,推出傳統Sukiyaki壽喜燒做賣點。 唔同嘅Sukiyaki壽喜燒會有唔同前菜3種盛,另外跟餐配季節野菜盛合、食後迷你甜品、日本茶或咖啡。 關西風煑法嘅日本産 特選黒毛和牛(A5)壽喜燒套餐(HKD589位/圖為兩位用)有專人為你烹調㗎。 以牛脂起鍋再煎肉,之後再加壽喜燒汁煮一陣。 第一塊先蘸蛋汁,口感會特別香滑。第二塊唧青檸汁,解膩之餘仲食到濃郁嘅汁煮味道。 跟住會加蔬菜、魚湯、壽喜燒汁煮成壽喜燒鍋。蔬菜嗦晒湯汁就食得,食晒之後用剩餘嘅湯汁加蛋汁煮成炊飯,將成個餐嘅精華食晒落肚呀! 唔食牛嘅朋友不妨試試呢個北海道産 夢之大地豚 蔥絲鍋 Shabushabu...

0

【鮮肉網店×日牌氣炸鍋 串燒優惠套裝抵玩抵食】氣炸師

主打鍋物同燒肉嘅鮮肉網店Double Chefs Market,依家至8月31日聯同récolte氣炸鍋品牌推出4個抵玩Package,每日限量發售,一個價錢包晒氣炸鍋同食材仲免費送貨。氣炸師我都忍唔住要同大家開心share,即刻試咗最基本嘅串燒套裝同兩款單點鮮肉。 récolte氣炸鍋+特上串燒盛合(優惠價HKD888/原價HKD1197)就係小編試嘅基本組合喇,平時出去食10條串燒都二百幾三百蚊,依家有埋氣炸鍋又有埋烹調指示都幾抵喎。 實物同相都差唔多,另外單點黑毛豬西京燒(HKD148)同吉列一口牛(HKD148)兩款已經醃製好嘅鮮肉試吓。 特上串燒盛合(單點優惠價HKD298/原價HKD398)以鹿兒島薩摩赤雞雞肉做膽,配埋DCM秘製照燒雞醬同蒜粉俾你DIY每條串燒要咩口味。肉質真係幾嫩滑嘅,串燒款式包扣: 鹿兒島薩摩赤雞雞翼 1串 鹿兒島薩摩赤雞雞腿肉 1串 鹿兒島薩摩赤雞雞頸肉 1串 鹿兒島薩摩赤雞雞肝 1串 鹿兒島薩摩赤雞雞心 1串 鹿兒島薩摩赤雞雞腎 1串 厚切白鱔 1串 厚切牛舌芯 1串 美國安格斯牛三角 1串 鹿兒島特上五花腩 1串 黑毛豬西京燒係西班牙100%伊比利亞黑毛豬梅頭,打開包裝就聞到明顯嘅酒香,跟指示氣炸之後都好軟腍入味。 而吉列一口牛配有蛋黃醬,鹿兒島A4黑毛和牛嘅肉味幾突出,不過油脂好豐富,怕肥膩嘅朋友要諗諗喇。唔想自己諗加配咩肉的話,可以睇埋佢哋另外3個鮮肉×氣炸鍋組合: récolte氣炸鍋+極尚刁鑽爐端燒套餐(優惠價HKD1148/原價HKD1513)包括特上串燒盛合、日本吞拿魚下巴同埋黑毛豬西京燒。 récolte氣炸鍋+牛魔王特上涮涮鍋/壽喜燒串燒套餐(優惠價HKD1228/原價HKD1595)包括特上串燒盛合、特上涮涮鍋或壽喜燒,一次滿足晒惹味同shabu shabu嘅要求。 récolte氣炸鍋+牛魔王極尚燒肉串燒套餐(優惠價HKD1388/原價HKD1803)包括特上串燒盛合、極尚和牛燒肉拼盤同即磨海鹽及黑椒(連研磨器),俾你試到完美嘅高質鮮肉組合。

0

【京都風居酒屋新裝重開 空運食材炮製全新定食】Kyoto Joe

去唔到日本唔緊要,去蘭桂坊嘅Kyoto Joe都可以食到由日本空運食材製成嘅正宗和食。最近佢哋以京都千本鳥居風格新裝重開,除咗環境大變身,亦新增多款單點美食、素菜、爐端燒及天婦羅吧。依家嘅Lunch精選定食好豐盛添,希望快啲全日解放堂食,可以試埋晚市套餐啦!點都好,依家睇吓佢哋有咩Lunch精選先。 入到餐廳真係好似寺咗京都嘅食店咁,以紅色為主調打造成千本鳥居嘅感覺。牆畫有充滿日本文化嘅鯉魚,掛埋特色嘅日本燈籠,環境一流。 佢哋嘅精選午市定食都選擇多多,刺身熟食任君選擇。仲有為素食者而設嘅定食,迎合到唔同人嘅飲食需求。 Executive Lunch御便當(HKD398)係最豐盛嘅午市套餐。裝住花蟹沙律、蒜汁油甘魚刺身、和牛壽司同星鰻魚天婦羅嘅盛盒俾你試勻由清甜到惹味嘅涼伴、刺身、壽司同炸物之外,仲有入口嫩滑嘅月見牛肉冰見湯烏冬,篤穿隻蛋撈埋蛋汁一齊食就更香甜喇。 水波蛋牛肉定食(HKD238)食落啖啖肉,加埋滑蛋令口感更嫩滑,啱晒鍾意食肉嘅人。另外配有鱈埸蟹沙律,清新口味平衡返食太多肉嘅飽滯感覺。 仲有啱晒素食人士嘅Veggie Box素菜定食(HKD180),有菠菜沙律、牛油果素卷、紫蘇炸素蝦同天婦羅味噌醬福岡茄子。連素食都滿足到唔同口感,食落一啲都唔齋呀! 其實晚市套餐都好豐富,雖然有Deliveroo同埋蘭桂芳Delivery Direct為餐廳提供外賣服務,但都好想堂食呢款八道菜嘅Toretore Menu(HKD780/位)囉,有齊紫蘇雞沙律、佐賀和牛塔撻、刺身盛合、秋葵卷、紫蘇炸蝦、精選爐端燒燒物、自家製鰻魚炒飯同焦糖布甸做甜品,分量同質素絕對對得住價錢,依家唯有睇住品質先,再對比外賣餐單有冇得嗌啦! 刺身盛合相當有睇頭,2人分量有8款刺身,超豐盛呀!刺身喺日本空運到港,所以款款都鮮甜肥美。除咗入口即溶嘅大拖羅同三文魚,亦有鮮甜爽口嘅牡丹蝦。 佐賀和牛塔撻賣相同味道一樣咁正!佐賀A4和牛經大廚輕燒後逼出油脂同肉香,配上中間嘅日本太陽蛋蛋汁一齊食,口感會更幼滑。 秋葵卷同Kyoto Joe嘅招牌自家製鰻魚炒飯都好有水準!前者用燒過嘅腐皮代替紫菜做卷物外層,口感幾煙韌;後者以自家醃製嘅酸瓜加入日本米炒成醬油飯底,恰到好處中和鰻魚嘅油膩感。而且鰻魚厚肉嫩滑,配埋飽滿嘅炒飯一齊食口感好豐富㗎。   Kyoto Joe 地址:中環蘭桂坊德己立街30-36號加州大廈23樓 電話:2804 6800 營業時間:星期一至六:12:00-14:30,18:30-23:00,星期日:18:30-23:00

0

【Avobar新品推亞洲風味 創意夏日餐單葷素共融】Avobar

召集牛油果控!嚟自倫敦嘅人氣牛油果主題餐廳Avobar推出夏日餐單喇,新菜式同飲品都一如以往咁清新健康、賣相吸引同充滿牛油果。依家仲有期間限定雙重優惠,快啲睇吓有咩正嘢啦! 夏日餐單以亞洲菜式為基礎,創作全新嘅牛油果主食、輕食同清新特飲,滿足唔同飲食需要嘅客人,真係超貼心呀! 加入創新元素嘅Avobar雞肉飯(HKD128),以切雞、新鮮牛油果片同薄餅組成;配有必備嘅薑蔥油、辣醬同雞湯之外,仲特別加入沙律同蔬菜,變奏成為fresh版海南雞飯喎。 想再light啲可以試吓夏日風味沙律(HKD108),以牛油果、腰果、紅蘿蔔、青瓜等多款新鮮蔬果整成。加入青檸汁同夏威夷沙律醬,撈埋底部嘅冷烏冬一齊食,酸酸哋好開胃,素食人士都啱食。 仲有牛油果Smoothie Bowl啱晒一眾OL㗎!活力早餐碗(HKD88)用牛油果、香蕉、菠菜、青瓜、西芹同芒果製成,牛油果味超濃郁!營養豐富之餘不含麩質同奶類製品,全素食嘅你都可以order。 呢個和風雞肉牛油果多士(HKD128)最有驚喜!煎到金黃嘅雞胸肉好juicy,配埋牛油果粒同日本香鬆,有種BBQ醬嘅鹹香感覺,惹味得嚟口感幾豐富添。 佢哋仲推出兩款凍飲俾大家解暑,香蕉可可果仁奶昔[左]同香草牛油果杏仁奶昔[右](各HKD80/杯)用杏仁奶打成冇加水,口感比較杰身。前者嘅香蕉同可可好夾,兩隻味入口都好濃郁,不過因為有埋椰棗會帶少少苦澀味;後者就似雲呢拿味多啲,容易入口,而且清新健康冇負擔。 Avobar期間限定優惠 店內所有菜式都係全日供應同可以外賣,如果唔想自取都可以喺Deliveroo落單,記得keep單第日用埋以下優惠呀! 1. 7月31日至8月2日期間喺Avobar消費即送名信片一張,恢復堂食時憑單據同名信片可獲全單85折。 2. 直至恢復堂食時,帶埋7月29日至8月4日期間喺Avobar嘅消費單據,點任何菜式即送牛油果布朗尼一份。   Avobar 地址:尖沙咀梳士巴利道18號K11 MUSEA B201-4號舖 電話:從缺 營業時間:星期一至日:11:00-21:00

0

【疫境創作暗黑料理 實測氣炸肺炎肉丸】氣炸師

最近喺討論區經常有人討論暗黑料理,偏偏呢款「精緻」嘅外形吸引小編想試吓將佢氣炸出嚟。究竟炸出嚟味道會係點?好好奇呀!   氣炸新冠肺炎肉丸 材料與分量: 真姫菇 – 1包 免治豬肉 – 200g 硬豆腐 – 170g 雞蛋 – 1隻 生抽 – 2茶匙 胡椒粉 – 適量 糖 – 適量 鹽 – 適量 做法: 1. 喺大碗上鋪兩張廚房紙巾,用手將豆腐捏碎,揸乾水分。 2. 擠過水後嘅豆腐,加入免治豬肉、鹽、雞蛋、生抽、糖同胡椒粉。 3....

0

【探索Cafés新星】《太飽喇!》網上雜誌

以前話去深水埗,你會好直覺咁諗唔係買電子產品就係去搵布,但依家可以去enjoy life喎!最近呢區開咗唔少新café,有啲會擺埋展覽、生活用品,甚至係寵物友善餐廳,當然唔少得打卡呢個元素啦。小編挑選咗四間出嚟,等你揀返間心水風格嘅café去享受慢生活。

0

【足料小店必點爆餡手工餃子 惹味首選脆皮雞扒撈麵】平霸

平霸又捐窿捐罅搵好嘢食喇!今次俾小編搵到喺油麻地一個小角落嘅竹地小館,無論係餃子定麵食都大大份又好食,符合晒小編成日話「夠抵食都要夠好食」嘅理念。即刻睇吓究竟有幾正啦! 呢間小店喺轉角位,堂食座位大約有十個,不過疫情關係佢哋暫時只做外賣,拎返屋企食更安全呀。 佢哋究竟有幾抵食?成個餐牌最貴都唔過HKD40,撈麵都只係HKD20起。鍾意落廚嘅朋友可以買生餃(HKD35/12隻)返去煮,平均唔使3蚊一隻,超抵呀! 咁啱小編去到嘅時候師傅包緊餃子,佢哋話每日朝早開始包餃子,隻隻都係人手當日即製。餃子落足料,好有分量㗎!呢款韮菜豬肉餃真係超多韮菜㗎,鍾意食韮菜嘅朋友要試吓喇。 煎、湯餃(HKD35/10隻)同價,小編就試咗煎餃。熱辣辣即叫即煎,外皮香脆,食落夠多汁。 粟米豬肉餃(左)同招牌菜肉餃(右)粒粒都賬卜卜,皮薄爆餡,多菜少肉夠晒健康。呢兩款味道唔會重,都新鮮好食,但小編推介粟米豬肉餃多啲啲,食落比較有咬口。如果係正常食量嘅女仔,8粒餃子(HKD30)已經夠晒飽。 試埋大大碗嘅蔥油撈雞扒麵(HKD30)先,會配一碗白蘿蔔清湯㗎。厚肉嘅雞扒煎到皮脆肉嫩,撈麵嘅蔥油味唔算濃,反而醬油味比較突出,似醬油撈麵多啲,不過勝在食落唔油膩;嗜辣嘅朋友加少少佢哋自製嘅蒜蓉辣椒醬會更惹味。   竹地小館 地址: 油麻地廣東道838號金冠樓地下 電話: 3614 5672 營業時間:星期一至日:11:30-21:15

0

【快速自製邪惡掃街小食 氣炸煎釀三寶啖啖肉】氣炸師

疫情越爆越犀利,出去人多嘅地方都怕中招呀,仲點去掃街喎。氣炸師忽然好想食煎釀三寶,又睇吓喺屋企會唔會整到出面嘅味道啦!   氣炸煎釀三寶 材料與分量: 紅腸 – 半條 豆卜 – 4-5粒 茄子 – 一條 鯪魚肉 – 300g 生粉 – 2-3茶匙 做法: 1. 清洗乾淨食材,將紅腸同茄子切件,豆卜開半。 2. 將鯪魚肉同胡椒粉混合調味。 3. 將鯪魚肉釀喺茄子片、紅腸片同豆卜表面。 4. 用篩將生粉均勻灑喺三寶表面。 5. 用掃輕輕掃上油後先以180度炸10分鐘,之後轉200度再炸5分鐘。