Category: 太飽喇!網上雜誌

0

【真功夫點心】《太飽喇!》網上雜誌

飲茶係廣東文化,亦係一家大細甚至家族活動。一盅幾件開心share,食到唔同款式又可以試到師傅嘅功力。依家搵人入行做手工點心唔易,考嘅就係天份加恆心。今次搵嚟「喜惶點心專門店」嘅Jason同「延記點心」嘅Joe,睇吓兩位新一代點心接班人點傳承呢門手藝啦!

0

【探索Cafés新星】《太飽喇!》網上雜誌

以前話去深水埗,你會好直覺咁諗唔係買電子產品就係去搵布,但依家可以去enjoy life喎!最近呢區開咗唔少新café,有啲會擺埋展覽、生活用品,甚至係寵物友善餐廳,當然唔少得打卡呢個元素啦。小編挑選咗四間出嚟,等你揀返間心水風格嘅café去享受慢生活。

0

【大廚奇招抗疫】《太飽喇!》網上雜誌

大家留喺屋企遠離人群,或者唔再一大班人聚餐對餐飲業嘅打擊有幾大?就係嚴重到令大廚們出奇招轉型囉!好似壽司Omakase變成上門即製、火鍋店唔賣火鍋、餐廳大推抗疫餐等等。講多無謂,即管睇吓大廚同餐廳點樣「疫」市求生,繼續俾大家食到好嘢啦!

0

【2020 玩轉新年食到盡】《太飽喇!》網上雜誌

就到新年喇,今年假期仲去到年初四,除咗拜年之外梗係要玩到夠本兼食餐好啦!咪以為新年來來去去都係嗰幾味,小編為大家精心挑選咗初一至初四各式好玩好食嘅地方。仲有A5和牛壽喜燒、北美直運活龍蝦、英式經典下午茶等過江龍名菜,又可以去chill到爆嘅白色Café同增添本土色彩嘅香港藝術館;book埋特色Party Room新年假期成班人圍威喂,今年一定有個好開始呀!

0

【酒吧?走吧! 潮吧打卡Let’s go!】《太飽喇!》

開心飲酒,唔開心更加要飲酒,所以搵定一間心水酒吧,俾自己想玩嘅時候去high吓,失落嘅時候去放鬆吓是必須的!今年有唔少新晉個性酒吧登場,可以有得玩又有得打卡、有質素又夠特別,甚至入夜變身亦得。依家就帶你睇吓2019年有咩新晉酒吧推介啦!

0

【辣上癮 食辣消暑】《太飽喇!》網上雜誌

點解熱帶地區嘅人咁鍾意食辣?耶魯大學醫學院外科教授Barry Green證實食辣刺激身體排多啲汗,可以幫助降溫消暑,咁講係咪即刻明晒呢?而且哥倫布喺1493年將辣椒傳入西班牙之後,辣嘅世界擴闊咗好多。 辣椒達人Alex話:「一辣遮三醜,夏天咁熱都係川菜館、麻辣火鍋呢類餐廳大排長龍喎。其實食辣嗰種頭皮發麻,天靈蓋有啲汗流出嚟嘅感覺好爽,排咗一身汗會好舒服。我最近去墨西哥最大嘅Central Market搵辣椒,嗰度成個機場咁大,好似去咗辣椒同香料嘅寶山咁。」講到咁強勁,就等Alex帶我哋探索辣嘅世界啦!

0

【啤咩呀啤 中環精釀靚啤導賞】《太飽喇!》網上雜誌

精釀啤酒愈來愈多人飲,仲堅到當中嘅比利時啤酒列入「人類非物質文化遺產」。就連今期封面,俾各地酒友公認為世界第一嘅修道院啤酒都係精釀啤酒,不論香氣、口感、aftertaste等等,比大品牌商業啤酒嘅層次變化多好多囉。講到咁勁,梗係去搵靚酒試吓啦!唔止有「精釀靚啤導賞團」,去中上環搵出唔同嘅餐廳同店舖,由專賣店、CP值爆燈、chill隊到打卡靚位等都有!仲有HK Brewcraft嘅Warren教大家點品評啤酒好壞,佢係香港少有嘅Certified Cicerone®(認證啤酒鑑賞師)兼釀酒師之一,順便提埋你自釀啤酒要注意咩添。團友跟實喇!

0

【翟凱泰 泰臣的味道】《太飽喇!》網上雜誌

泰臣 Tyson Chak 翟凱泰讀完大學先讀演藝,2001年畢業後正式入行,眨眼踏入第18年喇!當年憑舞台劇《潮性辦公室》送水輝哥一角成功彈起,獨特誇張嘅演繹風格令人印象深刻。不過泰臣演藝之路都唔係順風順水㗎,佢話:「我真真正正唔係『沙沙滾』、唔係貪慕虛榮,唔係話諗住過吓癮咁樣呢去接觸呢一行。」。真心愛演戲,由舞台轉戰電視圈,依家瓣瓣掂電視劇、電影,連飲食節目都撈埋。一係唔出手,一出便知有沒有! 泰臣話:「開返個《泰臣的味道》都唔錯喎!」。最近鍾意煮返兩味嘅佢,唔通同煒哥陣煒主持完《煒哥的味道》,開發咗廚藝細胞?佢話:「我好鍾意食泰國菜同海鮮,海鮮又易煮添。」。咁泰臣嘅味道,唔止煮餸,都可以有好多種嘅!

0

【毛舜筠 毛姐的米芝蓮曲奇】《太飽喇!》網上雜誌

毛姐毛舜筠,入行咁多年夠晒江湖地位,講演戲,冇嘢難到佢,由電視台好戲女一做到電影界頂級女諧星,上年更憑《黃金花》攞埋金像獎最佳女主角,正式榮登影后級。 影后都係人,原來回歸家庭生活,講煮飯,一樣難唔到佢!同區丁平結婚23年,毛姐喺屋企就做足廿幾年煮飯婆!由零開始學,到依家連法國藍帶廚藝課程都畢咗業,攞埋最高級課程文憑。 59歲毛姐「登六」前又要創另一高峰,就係整餅開曲奇餅店喇!目的只係還一個心願:「想大家都食一啲我認為米芝蓮級嘅曲奇餅」,仲有,高要求嘅毛姐喺訪問中提咗好多次「用料要過到我嗰關!」。想聽故?等藍帶廚神影后話你知啦!

0

【麥長青 麥包變食神】《太飽喇!》網上雜誌

提起「麥包」麥長青你會諗起咩?仲記唔記得《閃電傳真機》先?今年入行31年,前年約滿TVB變成自由身,佢有啲無奈咁講:「其實我好鍾意做戲,但冇劇本搵我做都冇計。我一早知呢行搵朝唔得晚,所以一直都有投資唔同行業,有機會就搵多啲錢。」。近年麥包拍綜藝節目反而愈來愈多,近來最大迴響梗係《街市遊樂團》,依家仲自資開拍網上節目《包友食神》介紹唔同餐廳,放喺自家平台宣傳,向飲食KOL之路進發喎!50歲嘅麥包,最近減肥瘦咗13磅嘅佢,自細個已經要學整一餸幾味,佢話:「跟我食嘢係教識你點樣食!」