Category: Health 懶健康貼士

0

【營養師:益生菌幫助瘦身 4類天然食品含「菌」量高】懶健康貼士

身型肥瘦同腸道嘅菌有關?嗱,唔係講生蟲嗰啲菌呀,而係講緊益生菌。人一出世腸道就有益生菌,但種類非常多形成菌群,有啲可以抗炎,有啲可以幫助消化。但隨著飲食同作息變化,有益嘅菌會減少,而有害嘅菌有機會增加,導致便秘、肚痾、肥胖、免疫力下降等問題。天氣開始熱喇,梗係請營養師Moses講吓缺乏益生菌同肥胖嘅關係,等大家揾多一個方法keep fit迎夏日啦! 腸道菌群同肥胖有關? 「喺1980年代已經有研究指出,實驗嘅無菌老鼠比野生嘅老鼠需要更多熱量去增加同維持體重。 之後研究員將同體重嘅無菌老鼠同野生老鼠做腸道細菌實驗,發現野生老鼠嘅總脂肪量比無菌老鼠多 47%;當無菌老鼠被移植咗野生老鼠嘅腸微生物之後, 體脂就增加60%!所以腸道細菌同體重、體脂有緊密關係。」 邊類腸道細菌同體重有關? 「研究員喺體型較肥胖同瘦削嘅人身上都觀察到類似情況。人嘅腸道菌群中主要嘅菌群(約90%)分為厚壁菌門(Firmicutes)同埋擬桿菌門(Bacteroidetes),但前者更有效率將營養素分解同吸收。瘦削人士就有較高數目擬桿菌門,而壁菌門嘅數目較少,所以體重偏輕;而肥胖人士嘅情況就相反,所以導致肥胖。」   補充益生菌幫助減磅? 「的確有研究指出過重人士食用某種益生菌可以幫助減去更多磅數,例如加氏乳酸桿菌(Lactobacillus gasseri)。但益生菌效用嘅持久度、劑量、食幾耐先有效都會因人而異,因為益生菌可唔可以喺腸道存活,同飲食、生活作息都有關,而學者都需要做更多研究。同時亦有證據指出一啲益生菌服用後可能令體重上,例如嗜酸乳杆菌( Lactobacillus acidophilus)。所以食益生菌嘅營養補充品都要睇返係針對咩功效,同埋有冇相關認證確定效用,買之前可以先咨詢你嘅營養師或家庭醫生。」   蔬菜同一啲天然發酵嘅食物都會有益生菌,同時幫助瘦身。 1. 以低脂低糖乳酪當作小食。 2. 用黃豆餅取代部分肉類。 3. 食經過發酵嘅蔬菜,例如泡菜、德國酸菜,但注意要少量進食,以防攝取太多鹽分。 4. 食多啲含豐富益生元(益生菌嘅養料)嘅纖維食物,例如蘆筍、洋蔥等。 留意返高溫會殺死益生菌㗎。   Moses Lee 現為“My Fitness”註冊營養師、澳洲營養及飲食治療碩士同澳洲營養師協會會員,擅長體重管理同運動營養。曾於醫院、社區中心、教會同非牟利機構等地方提供營養服務、舉辦營養講座同烹飪示範。依家為有需要控制體重嘅人士同運動員提供營養治療,制定飲食方案。

0

【保衛家人健康打好抗疫戰 中醫師6招健脾強肺】懶健康貼士

上期請營養師提供咗三餸一湯抗疫住家菜食譜,今次就搵嚟中醫師梁尹倩 Cinci EC同大家講吓中醫角度點樣健脾強肺,仲教大家兩款簡易嘅強身飲品添。咁樣中西合壁,雙管齊下一定可以養好身體抗疫啦! 你會推薦邊啲潤肺強肺湯水同食材呢?大家要留意咩禁忌呢? 雖然話潤肺強肺可以增強身體正氣,對抗外邪入侵,但係最重要都係根據個人體質調節最有效。大部分補氣食材都係溫補類,好似人參、黨參、北芪、大棗等;如果你屬於有熱氣,已經出現咽喉痛、口瘡、暗瘡、便秘等偏熱症狀,再食呢類溫補食材就會愈補愈上火,加重本身症狀,所以要先清熱。其實都可以食啲屬性平和嘅健脾補氣食材,例如薯仔、淮山、小米、米等粗糧,仲可以適當地添加喺湯水。另外亦建議每日飲用米水,強身防病。 大人同小朋友嘅用料有冇唔同呢? 大人同小朋友都要根據自己體質調補,除非已向中醫師查詢,否則一般嚟講小朋友都要避免屬性溫補性太強嘅藥材,例如鹿茸、高麗參等。另外亦建議避免飲食生冷嘢,可以每日飲用米水健脾補氣。 養脾係基本功! 其實《黃帝內經》提到:『邪之所湊,其氣必虛』,即係身體有足夠嘅正氣就唔怕邪氣乘虛而入。而中醫理論中肺主氣,包括主呼吸之氣及一身之氣,所以亦稱『肺為氣之本』。一般肺氣不足嘅人都容易感染呼吸道疾病,出現經常反覆感冒、氣管敏感、怕寒怕風、多汗、容易疲倦。每逢冬天或當流感、傳染病肆虐嘅時候佢哋都最易受感染,亦容易變成細菌散播嘅源頭。 不過除咗補肺氣之外,其實養脾更加係基本功。當人嘅脾氣不足就唔能夠將食物轉化成身體可以吸收嘅營養,身體會較虛弱。中醫理論認為『脾胃為後天之本』、『脾為氣血生化之源』,養好脾胃等於養好消化系統,為健康打好基礎。 6個習慣健脾強肺 1. 朝早7至11點係脾胃經行緊嘅時間,如果每日呢個時候再飲米水強化肺脾氣就可以再吸收得好啲。 2. 每日1杯檸檬水,強身防病。 3. 避免生冷寒涼食物,例如雪糕、凍飲、刺身、沙律等未經煮熟嘅食物。 4. 適量進食粗糧,例如蕃薯、米、薯仔等,有助健脾胃,唔好亂戒米飯。 5. 多食新鮮水果吸收維他命。 6. 多休息,睡眠充足避免熬夜。 強身補肺食譜 簡易強身米水 – 補中益氣、健脾滲濕 | 屬性平和 材料:紅米2湯匙、白米半湯匙、生薏米半湯匙 做法:將材料洗淨,鍋內加入約800-1000毫升水,放入全部材料,以武火煲滾後調文火煮20-30分鐘就飲得。 注意: – 米水容易變壞,建議每日新鮮煲好,飲完唔好擺過夜。...

0

【營養師抗疫住家菜食譜 三餸一湯白飯任裝】懶健康貼士

最近武漢肺炎肆虐,之前就請營養師Moses提及過幾種營養素可以增強抵抗能力同呼吸道健康,例如維他命A、C、D、鋅同硒質(前文:【3種維他命保養氣管健康 營養師醒你4個貼士】)。但依家唔少人都要在家工作,甚至三餐都會喺屋企煮,變相多咗人煩今晚食乜好?今日Moses就將呢啲營養素變成三餸一湯,幫助大家吸收足夠營養,齊齊抗疫!   1. 蒜容蒸西蘭花 西蘭花比起其他大部份嘅蔬菜含有較高維他命C,一杯煮熟嘅西蘭花含有約100毫克維他命C,已經可以滿足全日維他命C嘅需求。注意維他命C係水溶性,用烚嘅方法煮會容易流失,反而蒸就可以保留多啲維他命C同其他營養素。 材料(1-2 人份): 西蘭花 1 個 橄欖油 1茶匙 蒜片 數薄片 鹽 少量 黑椒 少量 油 適量 煮法: 在湯煲加入少量水分(大約蓋過西蘭花1/4″高)。 加入油、蒜同鹽,然後開大火加熱;水滾後加入西蘭花,蓋鍋煮約五分鐘。 西蘭花軟身後,加入少量鹽和黑椒, 搖均即可上碟。   2. 蒜片洋蔥牛柳 牛柳含有豐富嘅鋅同硒質 ,而3隻麻雀大小嘅烤牛肉所含有63 %鋅就係每日建議攝取量。另外,蒜片含有豐富大蒜素,具抗菌作用,可抑制同殺滅真菌。 材料(1-2 人份):...

0

【開工大吉自製維他命C食療 6大蔬果增強免疫力】懶健康貼士

疫情嚴峻嘅時刻,加強身體免疫力保持健康好重要!帶好口罩,補充多啲維他命C,俾自己內外同時防護。維他命C係水溶性維他命,身體冇辦法自己製造,需要透過飲食嚟補充。以一般成人計算,建議每日攝取100mg維他命C,如果食多咗都只會隨尿液排出身外,食多啲都唔怕。 點解係維他命C? 雖然維他命C唔可以抗菌,但抗氧化效果可以幫身體清除有害嘅「過氧化物」同攻擊細胞嘅「自由基」(Free Radicals係環境同自身製造嘅有害物質),延緩衰老。而德國科學家Ströhle同Hahn等人喺2009年嘅細胞培養實驗報告亦指出,免疫系統嘅巨噬細胞同T細胞需要足夠維他命C,先可以增加細胞對抗外來病原菌嘅能力,降低感染機率。 不過提提大家,維他命C預熱70°C就會流失,所以盡量原汁原味或低溫煮熟食物。依家就睇吓大家經常食用嘅蔬果之中,邊啲有高含維生素C啦!   6大常見維生素C高含量蔬果 No 1. 紅燈籠椒 – 半杯約68g煮熟 含116.3mg No 2. 橙 – 1個中型約151g 含68mg No 3. 奇異果 – 1個中型約68g 含64mg No 4. 芒果 – 半個大型約168g 含61.2mg No 5. 西蘭花...

0

【營養師拆解「辨色減肥法」 新年大餐識食識選擇】懶健康貼士

相比其他坊間嘅減肥方法,「辨色減肥法」可能比較少聽到,但亦有唔少人用呢個方法減到數十磅。新年就到喇,就算勁刷一餐都想食得健康啲,依家就等營養師Moses拆解呢個辨色減肥法,點樣根據食物嘅顏色而決定佢係咪健康食得過啦! 3大核心原理 辨色減肥法容易成功嘅原因,係因為容易令人記得,只需要記住顏色所代表嘅意義,然後避開相關食物就得,唔使計熱量同脂肪含量等數字。但缺點係有可能以偏概全,連健康嘅食物都踢走,導致營養不均。不過令每個人致肥嘅食物顏色同原因都唔一樣,所以實行之前都要咨詢營養師或醫生,了解自己嘅飲食問題。依家即刻了解辨色減肥法3大核心原理,同點樣喺新年時間應用啦:   1. 走黃色! 呢個方法要求少食加工過嘅黃色食物,因為脂肪同油都係黃色,而加工過嘅食品都係偏黃色,仲大部分都係高熱量添。所以酌量食油角、煎堆、笑口紅棗、蛋卷等油器應吓節好喇。   2. 愈透明透好 媽媽們平時已經鍾意煲啖湯水俾屋企人潤吓,新年就更加不在話下。透明一般代表較少添加物同脂肪。例如湯水經過長時間烹調,肉嘅脂肪就更易釋出,湯色亦會較混濁,所以記得提媽咪今年煲蠔豉湯要揀瘦啲嘅肉喇。呢個概念延伸到經常食嘅賀年糕點的話,盡量少食較深顏色嘅年糕、蘿蔔糕同芋頭糕。可以選擇較透明同低熱量嘅馬蹄糕,但要留意當中有白砂糖陷阱,因溶喺水都係透明,所以最好都係睇埋營養標籤。   3. 每餐要多色彩 辨色減肥法嘅優點係每餐最好包括唔同顏色嘅食物,蔬菜、紅白肉、五穀米等都盡可能配搭出綠、紅、黃、咖啡、深褐等顏色,令飲食變得更均衡,因為每一種顏色都代表食物含有唔同嘅營養素。新年大餐可以食較低脂嘅大蝦、鮑魚、低鹽烤焗開心果等,但唔好忘記同時食七彩顏色嘅蔬菜同水果呀。   Moses Lee 現為“My Fitness”註冊營養師、澳洲營養及飲食治療碩士同澳洲營養師協會會員,擅長體重管理同運動營養。曾於醫院、社區中心、教會同非牟利機構等地方提供營養服務、舉辦營養講座同烹飪示範。依家為有需要控制體重嘅人士同運動員提供營養治療,制定飲食方案。

0

【DIY髮膜做染前護理 解決乾枯開叉迎新年】懶健康貼士

新年前整頭是常識,不過約髮型師染今年興嘅焦糖奶茶色、酒啡色或仙氣精靈藍色之前,當然要做好頭髮護理先啦。簡簡單單用4款食材就可以DIY天然髮膜,即刻睇吓呢4款邊樣啱用啦! View this post on Instagram 191123 2019 IU Tour Concert 'Love,Poem(러브포엠)' in #Seoul . © freeyiyuki, bluewing, tmfrtkfr | TW #lovepoem #러브포엠 A post shared by IU (아이유) ※ 이지은·李知恩·Leejieun (@iu_leejieun516) on Nov...

0

【3種維他命保養氣管健康 營養師醒你4個貼士】懶健康貼士

條氣唔順咪話跑步,講多句都唔掂。依家空氣污濁,再加埋北風將本港同珠江三角洲一帶嘅發電廠等廢氣吹埋落來,搞到鼻同喉嚨都好易痕癢,氣管都差啲。營養師Moses就話缺乏營養素可能會對呼吸道健康有影響,依家就聽吓佢點講啦。   1. 維他命 A 「其實肺嘅表面有纖毛細胞會分泌濃稠嘅黏液,保護佢哋免受細菌同病毒侵害。同時,纖毛清除黏喺黏液中嘅灰塵同細菌。 而維他命A可以幫助呼吸道保濕,所以缺乏會令呢啲細胞變得扁平、變硬並且無法產生黏液。平時可以食多啲含豐富維他命A嘅食物,包括奶類、深綠同深黃色嘅蔬菜同水果。」   2. 維他命B 「喺2017一個小型研究,學者發現高劑量嘅維他命B補充劑(B6,B12同葉酸),可抵消空氣污染細懸浮粒PM2.5 對細胞基因變異嘅影響(PM2.5即係懸浮粒子,而氣動直徑小於2.5 µm,比其他懸浮粒子更具危險性,因為吸入後可以更加深入肺部)。但要注意嘅係呢個研究只有10位志願者喺加拿大進行,所以要進行更多研究先可以作出建議,但值得我哋繼續留意。」   3. 維他命D 「空氣污染通常都係哮喘發作其中一個誘因,但近年亦有唔少研究指出體內缺乏維他命D,或者同哮喘病發率有關連。例如喺一個小童研究,學者發現血液中維他命 D較低嘅哮喘患者肺功能亦降低,而且藥物使用率同病發率亦有增加。維他命D係Sunshine vitamin,香港日照時間踏入秋冬就縮短,自然皮膚合成維他命D嘅時間同機會亦短啲。所以午膳有機會就去行吓公園曬太陽啦。」   4. 水 「水係大家經常忘記嘅營養素,不斷有客人話天氣凍,感覺冇出汗,加上少活動就更加唔記得飲水。 但其實按時飲用足夠嘅暖水,可幫助氣管維持濕潤,所以每日最少要有8-10杯水。」   Moses Lee 現為“My Fitness”註冊營養師、澳洲營養及飲食治療碩士同澳洲營養師協會會員,擅長體重管理同運動營養。曾於醫院、社區中心、教會同非牟利機構等地方提供營養服務、舉辦營養講座同烹飪示範。依家為有需要控制體重嘅人士同運動員提供營養治療,制定飲食方案。

0

【自製天然潤膚Hand Mask 解救乾燥痕爆手指罅】懶健康貼士

天氣一乾燥就身痕,尤其係手指罅好易?損添。小編搵嚟5個DIY天然Hand Mask嘅方法俾大家,齊齊keep住雙手軟棉滑溜啦!   1. 牛油果 牛油果嘅單不飽和脂肪同維生素A、C、E本身對乾性皮膚幾好,將半個牛油果加一湯匙蜂蜜壓成糊狀,揸上手敷大約10分鐘後洗乾淨就得喇。   2. 燕麥片 燕麥片可以用嚟去角質和清潔劑,而當中嘅蛋白質可以滋潤皮膚。將2湯匙燕麥片加一茶匙蜂蜜同少量水攪成糊狀,同樣揸上手敷10分鐘就洗得。如果想有埋美白效果,可以用牛奶代替水添。   3. 蜂蜜 上面兩個方法都有加入蜂蜜,因為佢有保濕效果,可以自然滋潤雙手又同時軟化皮膚。所以想簡單啲可以直接塗抹蜂蜜上手,10分鐘後用溫水清洗。   4. 椰子油 椰子油喺唔OL大愛之物,可以滋潤皮膚,而當中嘅月桂酸有抗菌功效添。可以預熱少少椰子油然後分兩份,一份揸上手後加埋按摩,令雙手更加吸收;然後揸埋第二份再戴棉手套瞓覺,效果就更加突出喇。   5. 橄欖油 如果嫌椰子油要處理有啲煩,可以用橄欖油,佢嘅脂肪酸同抗氧化特性都可以滋潤同軟化皮膚。直接用橄欖油按摩雙手約10分鐘又得,或者加少少糖做埋磨砂,洗手後揸hand cream都會易啲吸收㗎。 以上方法可以一個星期做兩次,不過如果本身有皮膚問題或容易敏感,最好請教你嘅家庭醫生先好試。

0

【「超級纖維」洋車前子吸油暢便 吃貨恩物勁食唔怕油】Metamucil

衣櫃有吸濕大笨象,但原來身體都可以有吸油大笨象,仲可以將油份輕鬆排出體外添! 雖然愈來愈多人注重健康飲食,但都總會想食buffet、打邊爐、燒肉等美食開心吓,不過食得多又怕吸收太多油、鹽、糖,或者食得太多肉難排走便便。無後顧之憂咁食,近排熱爆嘅超級纖維「洋車前子」就幫到你喇! 吃貨恩物 洋車前子 「洋車前子」係由經FDA認可嘅天然植物洋車前子殼製成,夠晒安全。佢富含水溶性同非水溶性纖,幫你補充每日所需纖維;可以喺體內形成可溶性膳食纖維Gel,包住食物中嘅油脂、膽固醇、糖分、體內廢物等物質再排出體外,減低腸道吸收糖分同膽固醇,促進心血管同腸道維持健康水平,結合飲食仲有助維持血糖喺健康水平添。不過都市人追求健康都講求方便,所以腸胃科同醫生都推薦有超過80年歷史、澳洲NO.1最暢銷膳食纖維補充劑品牌Metamucil 美達施,只要飯前將Metamucil纖維粉沖水飲就得,想知佢有幾吸油就睇下面條片啦: Posted by Metamucil on Thursday, 7 November 2019 依家領取現金券,買任何一件Metamucil產品就即減HKD40,梗係攞咗優惠先去買啦!

0

【食維他命C+鋅㩒低感冒症狀? 營養師:作用不大】懶健康貼士

天氣凍咗,大家逗留係室內嘅時間自然長啲,咁樣接觸流冒病毒嘅機會都會上升。身邊有唔少朋友已經中招,跟住就吸收返啲維他命C同鋅想㩒低病情,因為聽聞可以幫助舒緩感冒徵狀。究竟呢兩種營養素對付感冒有冇用?交俾營養師Moses解話啦! 平日就要攝取足夠維他命C 「喺2007年一個大型研究當中,學者研究預防性維他命C同治療感冒嘅關係,發現服用預防性維他命C其實並唔能夠有效降低普通人患感冒嘅風險,而當感冒症狀發作後先攝取維生素C並冇太大效用。但若果平時每日攝取200mg或以上維他命C,就可以縮短感冒日子約8%;因為用高劑量維他命C會產生抗組織胺作用(Anti-histamine effect),可以幫助控制流鼻水同打噴嚏等症狀,同一啲敏感藥嘅原理相同。」 太多鋅有副作用 「鋅係一種重要嘅礦物質以維持免疫系統健康,其實市面上唔少喉糖同水溶性維他命片都會加入鋅,聲稱舒緩感冒病徵同增強抵抗能力。芬蘭有個研究指出,只要喺出現第一個流鼻水嘅感冒徵狀24小時內服用含鋅嘅喉糖,可以幫助舒緩感冒同減少持續日數。亦有研究更加指出感冒病人服用鋅喉糖,復原速度比食安慰劑快三倍,因為鋅可以阻止感冒病毒經鼻腔進入人體,從而縮短感冒時間。 不過大部鋅喉糖喺研究時所用嘅劑量係每日75mg或以上,但一般喺超級市場買到嘅喉糖或水溶性維他命片大約只有每片10mg;如果每天服食兩至三片都冇法達到研究所用嘅劑量,而且部分產品更加只能每日服用一片,所以實際成效存疑。同時美國建議一般健康成年男士每日鋅攝取量係大約11mg,如果加大攝取量嚟治療感冒可能會出現副作用,例如胃痛、噁心、嘔吐等徵狀,所以學者亦指出要做更多研究,先可以確定人體能夠接受而有效嘅劑量。」   Moses Lee 現為“My Fitness”註冊營養師、澳洲營養及飲食治療碩士同澳洲營養師協會會員,擅長體重管理同運動營養。曾於醫院、社區中心、教會同非牟利機構等地方提供營養服務、舉辦營養講座同烹飪示範。依家為有需要控制體重嘅人士同運動員提供營養治療,制定飲食方案。