Category: Truly Holidays 真假期

0

【父親節DIY氣炸海鮮餐 佐酒小食CP值爆燈】氣炸師

就到父親節喇,想整啲佐酒小食氹吓老豆開心唔難嘅,用氣炸鍋就夠做喇。氣炸師今日賣大包,用青口、墨魚滑同魷魚圈一次過整三款海鮮小食,平均每款十幾分鐘就食得,而且加埋唔使100大元添!   氣炸蒜蓉牛油白酒青口 材料與分量: 牛油 – 適量 急凍青口 – 一包 白酒 – 兩湯匙 蒜蓉 – 兩湯匙 做法: 1. 將青口融雪清洗乾淨,用熱水灼一灼青口再用牙刷刷殼邊。 2. 將白酒同蒜蓉撈勻備用。 3. 氣炸鍋用錫紙鋪底,放入青口、白酒蒜蓉同牛油,以180度氣炸10分鐘。   氣炸鬼馬芝士墨魚滑 材料與分量: 墨魚滑 – 180g 油炸鬼 – 一條 芝士碎- 適量...

0

【快速氣炸朱古力醬厚西士 輕邪惡小食5步製成】氣炸師

想整返件西多士,又唔想好似茶餐廳咁肥膩,不如試吓喺屋企用氣炸鍋整西多士啦。無論落唔落油,定係入面嘅餡料都可以自己控制。依家跟住小編做輕邪惡嘅少油版「朱多士」啦! 朱古力醬厚多士 材料與分量: 朱古力醬 – 適量 牛油 – 適量 雞蛋 – 兩隻 厚方包 – 兩片 做法: 1. 先將厚方包切邊去皮。 2. 方包內均勻塗上牛油同朱古力醬。 3. 將兩隻蛋發打均勻後,放入方包令四面都均勻沾上蛋液。 4. 預熱氣炸鍋200度,3分鐘;之後用180度氣炸8分鐘,反轉再氣炸4分鐘。 5. 炸完放返塊牛油喺面就完成喇。

0

【極速氣炸芝士呑拿魚酥 餐廳質素邪惡下午茶】氣炸師

喺屋企要整餐廳質素嘅菜式,唔一定要出動砂煲罌罉,買N樣食材同醬汁嘅。不如試吓跟住小編整氣炸芝士呑拿魚酥,極速幫自己整個邪惡下午茶啦。三個字:快,靚,正!Go! 氣炸芝士呑拿魚酥 材料與分量: 酥皮 – 2塊 鹽水浸吞拿魚罐頭 – 1罐 蛋黃 – 1隻 芝士碎 – 適量 芝麻醬 – 適量 做法: 1. 先拎出急凍酥皮,室溫解凍至軟身備用。 2. 吞拿魚先隔去鹽水,加入芝麻醬拌勻 。 3. 將酥皮一分為二,放上餡料再灑上芝士碎。 4. 將酥皮對摺,然後用叉壓邊。 5. 發打蛋黃後掃喺酥皮表面。 6. 放入氣炸鍋焗180度13分鐘,反轉同溫度再炸5分鐘。  

0

【反轉傳統氣炸三色奶 港式飲品代替牛奶】氣炸師

好似炸鮮奶呢款外脆內嫩,係人都鍾意食嘅經典小食,如果用其他唔同嘅飲品取代牛奶,會唔會別有一番風味呢? 氣炸三色奶 材料與分量: 朱古力奶 – 300g 鴛鴦  – 300g 蜜瓜豆奶 – 300g 維他奶  – 300g 糖  – 160g (分成40g一份) 粟粉  –  140g (分成35一份) 炸粉材料: 蛋 – 1 隻 粟粉 – 3湯匙 麵包糠 – 3湯匙 做法: 1. 先用細火將每款飲品各自同一份糖、粟粉不停攪拌至濃稠。 2. 煮成糊狀後將粉漿倒入膠模,掃平後待約十分鐘,冚蓋放入雪櫃雪兩個鐘以上。 3. 取出將固體切成合適形狀,然後按次序沾上粟粉、蛋漿同麵包糠。 4. 噴少少油就可以放入氣炸鍋用180度炸十分鐘。 5. 取出反面再噴油,用200度炸三分鐘就得喇。 小貼士:唔用麵包糠可以用餅碎取代,小編就試用咗OREO新出嘅櫻花抹茶口味,粉紅色好靚喎。

0

【BAILEYS聯同星級甜品師 教你自製3款酒香甜品】BAILEYS

唔出街就食唔到星級甜品?依家唔使煩喇,因為BAILEYS聯同3位本地星級甜品師傅,公開3款以BAILEYS為題嘅甜品食譜,等你可以喺屋企自製BAILEYS Marquise、BAILEYS 木糠布丁同BAILEYS慕斯蛋糕慢慢歎。 如果想跟足食譜用埋BAILEYS Original Irish Cream同BAILEYS Chocolat Luxe,亦可以喺下面嘅指定網上購物平台買到㗎: Hong Kong Liquor Store 香港電視HKTVmall 網上購物 百佳超級市場 偉成洋酒 Watson’s Wine 惠康超級市場 1. BAILEYS Marquise 材料與分量: BAILEYS Original – 60g 忌廉 – 300g 砂糖 – 24g...

0

【懶人必學6款氣炸雞翼 零食加持脆口度Up】氣炸師

食零食食到悶?其實可以用嚟整餸喎。今次花枝丸就教大家用香脆可口嘅零食炸雞翼!等大家喺屋企都可以整一啲平時冇諗過嘅創意料理,但又同零食一樣脆口兼惹味! 氣炸零食雞翼 材料與分量: 雞翼 – 6隻 熱浪 – 適量 魚仔餅 – 適量 花生魚乾 – 適量 三角薯片 – 適量 福字麵– 適量 童星點心麵 – 適量 粟粉 – 適量 雞蛋 – 2隻 鹽 – 適量 油 – 適量 做法: 1. 用清水沖洗或浸雞翼去雪味,然後倒咗啲水。用適量嘅鹽醃雞翼大約15分鐘,然後再用清水洗雞翼。 2. 用廚房紙將雞翼印乾備用。 3. 將零食捏碎或放入密實袋,用麵包棍將零食壓碎。 4. 先將氣炸鍋用200度,3分鐘預熱。 5. 逐隻雞翼依次序沾上粟粉、蛋漿同6款零食,然後盡量壓實。 6. 噴少少油喺雞翼表面就放入氣炸鍋炸200度8分鐘。 7. 反轉雞翼以同樣度數同分鐘炸埋另一邊就食得喇。

0

【3分鐘氣炸打卡下午茶 流心雲朵蛋多士超治癒】氣炸師

疫情嚴重咗,大家出去食飯打卡嘅意欲都少咗,想喺屋企都有Chill嘅感覺?今次氣炸師花枝丸教大家整個「雲朵蛋呃Like多士」,就算喺屋企整都會有出面Cafè食嘅感覺㗎。 雲朵蛋多士 材料與分量: 雞蛋 – 1隻 方包 – 1塊 芝士 – 1片 火腿 – 1片 (可按喜好轉為煙肉) 做法: 1. 抹乾玻璃大碗,如果有水就發唔起蛋白。分開蛋白同蛋黃,用打蛋器將蛋白打到企身,倒轉個碗蛋白都唔跌落嚟就得喇。 2. 將火腿切粒備用。 3. 先將芝士鋪喺方包上,再鋪上打好嘅蛋白,中間留一個窿放入蛋黃。 4. 喺蛋白上落啲煙肉粒或火腿粒。 5. 喺蛋白中間挖一個窿,放入備用蛋黃。 6. 最後放入氣炸鍋內,以180度炸3分鐘。

0

【DIY簡易版一人和食(下) 蘿蔔豚角煮×湯水篇】炊咩

上星期教咗大家DIY和食前菜,今次當然到主菜啦。平時做嘢辛苦要食好啲,肺炎之下就更加要注重啲。不過咁樣唔代表難煮,相反可以好簡易添。今次整埋蘿蔔豚角煮同紅菜頭野菜湯,再結合上次嘅前菜就有齊三餸一湯成set和食喇。事不宜遲,即刻整完在家呃吓like 啦! 蘿蔔豚角煮 材料與分量: 白蘿蔔 – 1/4條 五花肉 – 150-200g 薑 – 10g 水 – 約1500-2000ml 糖 – 2茶匙 清酒 – 1湯匙(可以按個人口氣味調整) 蠔油 – 2湯匙 鰹魚醬油 或 日式醬油 – 3-4湯匙 做法: 1. 將白蘿蔔洗淨削皮處理好,切塊狀後汆水3分鐘隔水備用,令蘿蔔變軟少少同去除草澀味,之後會較易入味。 2....

【DIY簡易版一人和食(上) 常見蔬食炮製冷熱前菜】炊咩 0

【DIY簡易版一人和食(上) 常見蔬食炮製冷熱前菜】炊咩

最近肺炎疫情持續蔓延,對外出食飯都可免則免,再加上學校停課同Home office,變相大家留喺屋企時間多咗。小編們有見及此,一於教大家整返幾味!只要用白蘿蔔、紅蘿蔔、紅菜頭、油炸豆皮同豬肉5款常見嘅食材再加啲調味料,就可以煮到三餸一湯,簡單易整之餘仲可以有成set和食料理,咁喺屋企都有呃like嘅日式家常菜啦。今次上集就先教兩款日式冷熱前菜!   開胃醃蘿蔔 材料與分量: 白蘿蔔 – 1/4條 鹽水 – 約1茶匙鹽 白醋 – 100ml 食水 – 300ml 砂糖 – 適量(按個人口氣味調整) 做法: 1. 將白蘿蔔洗淨削皮處理好,按個人喜好切成粒 、薄片或條狀。 2. 放入鹽水浸泡約1個鐘,去除蘿蔔嘅苦澀味。 3. 準備醃醋,水同醋嘅比例係 1:3。 4. 再按個人口味加入砂糖(建議用茶匙做單位),小編落咗1-2茶匙味道就偏酸,鍾意偏甜嘅朋友要落多幾茶匙喇。 5. 將蘿蔔隔開鹽水,出用廚房紙吸乾表面水分。 6....

0

【網民控訴老扒房三大罪狀 牛扒冇肉味質素似快餐】伏務台

有時食扒都會去啲港式懷舊扒房,鋸扒之餘又食吓氣氛。但係深水埗有成40年歷史嘅飛鷹餐廳就有唔少網民俾負評,仲提出三大罪狀添!究竟出咗咩事?睇埋落去等小編話你知啦。 罪狀一:留座唔俾人入 小編喺平日1點半左右入坐,店內只坐滿三分一。唔少網民提及嘅留座問題當日都存在,明明等候嘅食客唔多,但有三分一嘅枱都放咗「留座」嘅牌。有啲食客坐好先被要求調位,而小編都無一倖免。 罪狀二:餐湯冇味 小編點咗羅宋湯,蔬菜分量足但味道奇怪,飲落好似茄汁加水咁,陣甜味好重,唔似蕃茄本身嘅原味……有賣相但內涵欠奉,同場都聽到有客人話喺屋企煲罐頭湯都好飲過佢喎。 罪狀三:鐵板唔熱,牛扒過熟冇牛味,落咗勁多鬆肉粉 嚟到扒房梗係叫返個鐵板餐啦!究竟呢份配黑椒汁嘅新西蘭肉眼餐(HKD98)有冇網民提及嘅罪狀呢? 店員會幫客人淋埋汁先上菜,不過鐵板夠熱,上菜都聽到吱吱聲,未有發生網民講鐵板唔夠熱嘅情況。不過黑椒汁太多又太鹹,已經蓋過咗肉味。小編落單要牛扒5成熟,切開都見到肉心係粉紅色,但唔見有血水。雖然呢塊肉眼扒幾厚肉又大份,但肉味淡到近乎冇,質素同快餐店牛扒不相伯仲,但質感就冇網民講嘅落勁多鬆肉粉而太鬆軟。不過配菜方面就少咗啲咁,薯條數量十隻手指數得,哂得八條!仲有啲椰菜同一塊蕃茄,而成個餐最食到原味嘅就係塊蕃茄喇。其實嚟得扒房鋸扒都係想食得滋味啲,但質素似快餐的話真係勁扣分囉……   小編伏氣:4星(5星滿分) 入伏點:飛鷹餐廳 入伏價:新西蘭肉眼餐(HKD98,另收加一)[跟餐包、餐湯同餐飲] 中伏by #MOMO 美術by #MOMO 攝影by #MOMO 《伏務台》歡迎各界報料。