Tagged: 中秋節2019

0

【中秋節精選5大活動萬勿錯過 賞巨型月亮+西九Busking】中秋節2019

就到中秋節喇,諗好今年去邊度玩未呢?如果未有頭緒,咁就要睇吓小編為大家精選嘅5大中秋節限定活動,想打卡嘅有日式中秋祭典、互動光影展、中秋創意市集;想食好西就有中秋限定BBQ套餐同埋山頂甜品放題。今個中秋帶埋家人、情人、朋友一齊去,過個團圓又開心嘅中秋節啦,Let’s go!   D2 Place 日本秋祭 荔枝角嘅D2 Place喺呢個中秋節又有新搞作!今次以日式中秋祭典為主題嘅「麥田捕手 – 秋日文化祭2019」,除咗有中秋手作市集之外,亦有和服體驗、工作坊等多個祭典活動等緊你。另外,今年仲有巨型月亮俾你打卡添。依家開始至9月15日,喺D2 Place嘅天台同2樓嘅The Space都有唔同嘅中秋活動㗎,有興趣嘅朋友唔好錯過喇。 天台花園化身成和式庭園,擺放咗一個巨型月亮嘅藝術裝置喺庭園中央,喺度打卡就更有中秋氣氛啦!巨型月亮周邊仲有個許願水池,大家可以放水燈許願添。 今個星期六、日,D2 Place 2樓The Space亦搞咗個日式中秋主題手作市集,同場可以租借和服浴衣(HKD40/小時),好似置身日本熱鬧嘅秋祭咁,好應節呀!   「麥田捕手 – 秋日文化祭2019」天台活動 地址:D2 Place一期天台花園 活動日期:即日起至9月15日 活動時間:星期一至五:17:00-21:00,星期六、日:13:00-21:00 日式主題手作市集、和服浴衣租用體驗 地址:D2 Place一期2樓The Space 活動日期:9月14-15日 活動時間:13:00-21:00   文化中心 互動光影展...