Tagged: 中醫師

0

【保衛家人健康打好抗疫戰 中醫師6招健脾強肺】懶健康貼士

上期請營養師提供咗三餸一湯抗疫住家菜食譜,今次就搵嚟中醫師梁尹倩 Cinci EC同大家講吓中醫角度點樣健脾強肺,仲教大家兩款簡易嘅強身飲品添。咁樣中西合壁,雙管齊下一定可以養好身體抗疫啦! 你會推薦邊啲潤肺強肺湯水同食材呢?大家要留意咩禁忌呢? 雖然話潤肺強肺可以增強身體正氣,對抗外邪入侵,但係最重要都係根據個人體質調節最有效。大部分補氣食材都係溫補類,好似人參、黨參、北芪、大棗等;如果你屬於有熱氣,已經出現咽喉痛、口瘡、暗瘡、便秘等偏熱症狀,再食呢類溫補食材就會愈補愈上火,加重本身症狀,所以要先清熱。其實都可以食啲屬性平和嘅健脾補氣食材,例如薯仔、淮山、小米、米等粗糧,仲可以適當地添加喺湯水。另外亦建議每日飲用米水,強身防病。 大人同小朋友嘅用料有冇唔同呢? 大人同小朋友都要根據自己體質調補,除非已向中醫師查詢,否則一般嚟講小朋友都要避免屬性溫補性太強嘅藥材,例如鹿茸、高麗參等。另外亦建議避免飲食生冷嘢,可以每日飲用米水健脾補氣。 養脾係基本功! 其實《黃帝內經》提到:『邪之所湊,其氣必虛』,即係身體有足夠嘅正氣就唔怕邪氣乘虛而入。而中醫理論中肺主氣,包括主呼吸之氣及一身之氣,所以亦稱『肺為氣之本』。一般肺氣不足嘅人都容易感染呼吸道疾病,出現經常反覆感冒、氣管敏感、怕寒怕風、多汗、容易疲倦。每逢冬天或當流感、傳染病肆虐嘅時候佢哋都最易受感染,亦容易變成細菌散播嘅源頭。 不過除咗補肺氣之外,其實養脾更加係基本功。當人嘅脾氣不足就唔能夠將食物轉化成身體可以吸收嘅營養,身體會較虛弱。中醫理論認為『脾胃為後天之本』、『脾為氣血生化之源』,養好脾胃等於養好消化系統,為健康打好基礎。 6個習慣健脾強肺 1. 朝早7至11點係脾胃經行緊嘅時間,如果每日呢個時候再飲米水強化肺脾氣就可以再吸收得好啲。 2. 每日1杯檸檬水,強身防病。 3. 避免生冷寒涼食物,例如雪糕、凍飲、刺身、沙律等未經煮熟嘅食物。 4. 適量進食粗糧,例如蕃薯、米、薯仔等,有助健脾胃,唔好亂戒米飯。 5. 多食新鮮水果吸收維他命。 6. 多休息,睡眠充足避免熬夜。 強身補肺食譜 簡易強身米水 – 補中益氣、健脾滲濕 | 屬性平和 材料:紅米2湯匙、白米半湯匙、生薏米半湯匙 做法:將材料洗淨,鍋內加入約800-1000毫升水,放入全部材料,以武火煲滾後調文火煮20-30分鐘就飲得。 注意: – 米水容易變壞,建議每日新鮮煲好,飲完唔好擺過夜。...

0

【80後女中醫點養顏? 「每朝一杯百花蜜檸檬水」】懶健康貼士

中醫成日都話唔好飲凍嘢,但又係中醫師又係潮人嘅Cinci又點睇呢?「我都唔係聖人,天氣熱都會想飲凍嘢嘅,但背後我做咗好多嘢令自己有呢個quota囉。」咁點樣幫自己儲quota,又點樣keep住靚靚皮膚?睇埋落去你就知! 讀完中醫後,飲食習慣有咩轉變? 「除咗中醫身份之外又係媽媽,身兼多職有時都避免唔到夜瞓,所以我都屬於都市人常見嘅氣滯血瘀體質。讀完中醫之後明白背後嘅理論,更加明白戒食生冷食物對我嘅身體有幫助,都會飲多咗有疏肝理氣功效嘅茶飲同湯水調理身體。就算食都會自我調節食少啲,同時食其他嘢調和返,因為好多臟腑都唔鍾意凍嘅食物。例如食刺身都會食多啲伴碟嘅薑同紫蘇;食生冷嘢會飲返有暖胃作用嘅茶療或湯水。情緒同壓力對健康嘅影響都好大,最重要係學識放鬆心情,搵方法好好宣洩情緒。如果感覺到身體開始有啲唔舒服,好似感冒起嘅時候,我都會盡早用中藥調理,因為中藥唔係有鼻水醫鼻水,而係由根源調理囉。」 堅持飲米水係對你有咩改善呢? 「其實CheckCheckCin鼓勵大家飲嘅『米水』用咗紅米、白米同生薏米煮成。紅米同白米屬性平和,補中益氣,加入少量生薏米就攞埋健脾滲濕嘅功效。呢個配方屬性平和,男女老幼都啱飲,每日一杯米水就可以減輕脾胃負擔。我十年前開始飲米水都有感覺到減低脾胃負擔,一直堅持亦助吸收營養,其實面色同精神都愈來愈好,都冇咁易水腫添。而且中醫理論認為。『脾胃為後天之本』、『脾為氣血生化之源』,即係我哋自出娘胎都依賴脾胃嘅消化吸收同轉化功能,身體先可以攝取飲食中嘅營養,令身體暢順咁運作。所以養好脾胃等於養好消化系統,係擁有健康嘅基礎。」 養生貼士係咩呢? 「除咗每日飲米水之外,我都會每朝早飲一杯百花蜜檸檬水。檸檬可以生津止渴;蜂蜜可以潤腸通便,滋養臟腑,幫助強身防病,亦有養顏功效。」