Tagged: 人生必食

0

【經典零食品牌大玩花臣 變奏版新品形象反轉】人生必食

有冇留意到平時食開嘅零食原來識得變身嘅呢?!各大零食品牌喺自家經典零食嘅基礎上,不時都會大玩花臣,為大家注入新鮮感。小編今次就幫零食控搜羅到一大堆創意十足、估佢唔到嘅變奏版零食新品,雖然大部分都未必可以喺香港買到,但Bookmark定,第時見到就記得買嚟試吓喇!   麥提莎朱古力脆餅 平時食嘅麥提莎都係一粒粒嘅,今次推出嘅新品就係一塊塊嘅麥提莎朱古力脆餅,好似將麥提莎壓扁咗咁, 食落既有濃郁嘅牛奶朱古力味,又咬到粒粒麥芽脆米,咁樣嘅新品就更有新鮮感啦!   銷售點:韓國7-11   Oreo「朱古力批」 Oreo嘅產品除咗喺內餡有唔同嘅變化之外,韓國7-11最近嘅新品仲喺餅乾嘅外層搞啲新意思。喺傳統嘅Oreo餅度淋上黑、白朱古力醬,俾朱古力封住成塊Oreo,將Oreo變成好似「朱古力批」咁,朱古力控就啱晒啦!   銷售點:韓國7-11   HERSHEY’S扭紋雪糕筒 人氣朱古力品牌HERSHEY’S經常推出唔少以自家朱古力做主題嘅食品,今次同樣喺韓國7-11就有得賣民款朱古力雪糕新品,朱古力同雲呢拿雪糕扭紋,啖啖都係品牌獨有嘅朱古力濃香。   銷售點:韓國7-11   日本波子汽水糖雪條 由細食到大嘅樽裝波子汽水糖應該大家都唔陌生,但呢款咁經典嘅糖最近就變身成冰品喇。淺藍色嘅雪條正正係熟悉嘅波子汽水味,由雪葩質地嘅外層包住入面較Creamy嘅內層,入面更內藏粒粒波子汽水糖添。   銷售點:日本便利店   明治阿波羅士多啤梨朱古力乳酪 明治其中一款經典零食「阿波羅士多啤梨朱古力」相信大家都唔陌生,原來已經推出咗50年喇!咁開心梗係要慶祝吓啦,最近特別推出阿波羅士多啤梨朱古力同款口味嘅乳酪新品。呢款限定嘅杯裝乳酪(約HKD15/2杯)貫徹朱古力同樣嘅組合,上層係酸甜濃郁嘅士多啤梨乳酪兼有果肉,下層就係幼滑香濃嘅朱古力醬,見到一定要試呀!   銷售點:全日本便利店同超市   原條繽紛樂雪條 放大咗嘅繽紛樂?!kinder推出嘅冰品其中有款十足十繽紛樂嘅樣,仲要係原條上,無論賣相同味道都非常相近,但就多咗一陣雪糕嘅冰涼感。同期亦有推出幾款以皇牌朱古力演變而成嘅雪糕冰品添! 銷售點:外地各大超市、便利店   Skippy花生醬雪糕 人氣花生醬品牌Skippy踩入雪條界,推出一系列Skippy花生醬主題冰品,更喺香港有得賣添!繼早前有花生醬朱古力雪糕批(HKD19.9)同特濃花生醬甜筒(HKD21.9),最近更有特濃花生醬雪糕三文治(HKD19.5)登場。三款雪糕都各有特色,食落都有唔同口感同風味㗎,但一樣嘅係佢哋嘅花生醬都同樣咁突出。梗係要拉埋身邊鍾意花生醬嘅朋友一齊試啦!...

0

【人生必食:朱古力專賣店推介 搜羅東南亞甘甜滋味】人生必食

無論就咁食,定係整成唔同嘅製品,朱古力都有一種令人難以抗拒嘅魔力!想知朱古力可以有幾千變萬化,不如睇吓東南亞唔同嘅朱古力專賣店,有啲咩特色值得大家去朝聖啦!朱古力控仲唔快啲bookmark定?   新加坡The Dark Gallery 朱古力控注意!呢間朱古力專門店The Dark Gallery喺新加坡嘅人氣度超高,有成三間分店。佢哋招牌嘅朱古力手工雪糕有八種咁多,分咗黑白朱古力、唔同產地同濃度,最特別係有埋純素朱古力雪糕,連素食嘅朋友都照顧埋添。 除咗雪糕之外,呢度仲有好多以朱古力做主題嘅甜點同飲品,其中FROZEN S’MORES(約HKD52)以炙燒過嘅棉花糖包住80%黑朱古力雪糕,冰火交融,朱古力味好濃郁甘香添。另外佢哋嘅手工朱古力款式夠多又夠晒吸睛,買嚟自己食定送俾人都咁開心啦!   The Dark Gallery 地址:107 North Bridge Road, Singapore 電話:+65 6908 4086 營業時間:星期一至日:10:00-22:00   台灣「Tree to Bar」得獎精品朱古力 原來近近哋台灣都有土生土長嘅可可果㗎!而呢間福灣巧克力係由台灣首位國際認可朱古力品鑑師創立,更係全球少有嘅「Tree to Bar」朱古力專賣店添。所謂「Tree to Bar」係指由種可可樹至製成朱古力一條龍嘅生產模式,咁樣就可以更完整地保留朱古力嘅本土風味喇!而佢哋嘅精品朱古力更多次得到世界最佳朱古力獎添,好似呢款「台灣一號屏東70%巧克力」(約HKD77)咁,同樣都會有唔同濃度俾你揀,連濃度100%都有㗎。想體驗精品朱古力與眾不同嘅味道,第時去台灣就記得去尋覓吓喇!   福灣巧克力...

0

【人生必食:台灣冰品篇 全台矚目冰品推介】人生必食

講起人生必食,小編身為一個甜品控又點可以唔講吓甜品篇呢?盛產水果嘅台灣自然都多以水果做主題嘅冰品啦,今次就精選咗全台非食不可嘅冰品介紹俾大家。雖然因為疫情,暫時冇得入境台灣,但bookmark定佢哋實唔會後悔嘅。不過冰品口味有唔少都係期間限定,朝聖之前記得check吓仲有冇呀!   台北網民熱捧日式刨冰 「蜜桃味兒」(約HKD72)係人氣冰店小丘chiu期間限定嘅新品,淋上滿滿嘅蜜桃果醬,仲有粒粒果肉同奶酪喺入面添。 網民大讃嘅呢款火龍果慕絲牛奶刨冰(約HKD47)面頭有厚厚一層粉紅色嘅Mousse,食落酸酸甜甜仲內藏火龍果粒、菠蘿粒,牛奶味亦夠濃!   小丘chiu 地址:台北市大安區泰順街40巷2號 電話:+886 972 445 034 營業時間:星期二至日:12:00-20:00    台北懷舊風酒味牛乳冰 呢間昭和冰室成間舖嘅裝潢走日式懷舊復古風格,有唔少私藏嘅古董傢俬器具,令人好似重返幾十年前咁。呢度朝早專賣雪花刨冰,入夜就變身成小酒館,主打各款威士忌、梅酒同精釀啤酒,想知氣氛有幾好就要親身體驗吓喇! 只限成人食嘅「大人系威士忌朱古力牛乳冰」(約HKD55)特別以日本威士忌入饌,係呢度熱賣嘅冰品之一。而「泰式奶茶珍珠雪花冰」(約HKD45)都大受歡迎㗎,所用嘅茶葉同奶都由泰國進口,特別有地道風味。   昭和冰室 地址:台北市大安區文昌街47號 電話:+886 2 2703 0789 營業時間:星期二至四:12:30-30:00,星期五:12:30-23:00,星期六:13:00-20:00,星期日:13:00-19:00 (星期一休息)   台中滿滿愛文芒果冰 去到台中,一定要試吓呢間東海何媽媽冰店,呢度嘅芒果冰(約HKD50)選用當地嘅愛文芒果,碗碗芒果量勁多,芒果冰上面仲可以揀珍珠或布甸呢啲配料,性價比夠晒高呀!   東海何媽媽冰店 地址:台中市龍井區台灣大道五段三巷六弄32號 電話:+886 426...