Tagged: #住家菜

0

【黃金叉燒炒飯好滋味 炒到粒粒分明飄鹹香】mui mui家政課

炒飯呢樣家常料理真係由細食到大,不過人大咗,對食嘅要求都高咗,普通蛋炒飯已經滿足唔到mui mui我嘅要求,今次一於嚟個炒飯大變身,簡單嘅材料就可以變出超搶手鹹蛋黃叉燒炒飯! 材料與分量: 鹹蛋黃 – 2隻 隔夜飯 – 2碗 叉燒 – 10片 罐頭粟米 – 半碗 芥蘭莖(或任何綠色蔬菜類,如青豆) – 半碗 雞蛋(打勻) – 1隻 鼓油 – 2茶匙 糖 – 2茶匙 鹽 – 1茶匙 蔥花 – 適量 做法:...

0

【太子小店賣花膠米響朵 新推嫩滑牛頸脊湯米】潮州人

店名叫潮州人唔一定要食潮州菜嘅!身為潮州人嘅老闆Atta都話好多人會以為佢做潮州菜,其實店名嘅由來只係Atta爸爸成日話做人要有潮州人刻苦打拼嘅精神咁解啫!Atta就話,佢只係想煮自己鍾意嘅住家菜同大家分享咋。 舖頭雖少,但心機同用料一啲都唔少!試過有段時間舖頭嘅鎮店花膠斷咗貨源,Atta並冇將價就貨用次級嘅花膠頂上,因為佢想大家都可以食到又平又靚嘅花膠,依家仲有新menu添。 蠔皇花賿撈米(HKD68)同湯麵款一樣,有原條肥厚花膠㗎!花膠炆得幾入味,好有肉地又軟熟彈牙;膠質都豐富,有少少漿口,男士食都爆心心眼呀!配上幼細嘅新竹米粉,吸湯吸汁都易啲,又唔會搶咗花膠嘅味道。米粉都隔得幾乾水,手勢唔錯呀。 本身嘅menu係海鮮食物多,不過遇上有靚食材都會變動吓。新鮮手切肥牛湯米(HKD53)加入menu冇耐,用肉味濃嘅本地新鮮手切牛頸脊肉,煮到啱啱熟即起,保存到佢彈滑嘅質感,所以你都唔好浸咁耐先食呀。湯底同花膠麵一樣,用大量雞精煮而成,仲有洋蔥等材料提味,好鮮甜㗎。 仲有兩款小食都係新出嘅,貴妃蚌(HKD56/2隻)聽落有啲貴,但上枱見佢大隻過湯匙即刻嘩咗聲!有肉爽口又鮮甜,食得出係靚海鮮,豉油都唔好點太多,食原味堅正! 酒釀溏心蛋(HKD18/隻)選用日本蛋,浸酒都要兩至三個鐘,酒香喺口腔慢慢散發都唔錯。 老闆仲會每日煲唔同嘅滋補靚湯,有成十幾款㗎!   潮州人 地址:太子界限街12號A地舖 電話:6536 6626 營業時間:星期二至日:15:00-00:00