Tagged: 優惠

0

【精選6大特色月餅推介 2020早鳥優惠慳家合集】月餅

八月十五愈來愈近,中秋節實要食月餅應節啦!小編搜集咗6大特色月餅推介俾大家。除咗有傳統月餅之外,流心月餅、純素月餅款式有伯爵茶、黑芝麻等多款創新口味添;有啲仲配埋曲奇烘焙套裝、飛行棋俾大家玩,真係創意無限呀!中秋就算要Stay home都唔怕冇節目。快啲襯依家有早鳥優惠訂定啱心水嘅月餅啦!

0

【鮮肉網店×日牌氣炸鍋 串燒優惠套裝抵玩抵食】氣炸師

主打鍋物同燒肉嘅鮮肉網店Double Chefs Market,依家至8月31日聯同récolte氣炸鍋品牌推出4個抵玩Package,每日限量發售,一個價錢包晒氣炸鍋同食材仲免費送貨。氣炸師我都忍唔住要同大家開心share,即刻試咗最基本嘅串燒套裝同兩款單點鮮肉。

0

【尖沙咀嫩滑海南雞飯 東南亞菜式推外賣88折】亞參雞飯

海南雞飯係香港人鍾意嘅菜式之一,亞參雞飯唔止有飯餐,仲可以成隻海南雞買走㗎。尖沙咀店仲有馬來咖喱系列,喺三間分店之中菜式選擇最多。依家除咗下午茶,外賣自取有88折優惠,順便斬料返屋企都得喎。 亞參去骨海南雞飯(HKD88)肉質好軟滑,肉味幾香甜。配上大大碗雞油飯同鮮甜嘅冬瓜雞湯,成個飯餐都幾豐富。你亦可以趁依家有外賣自取有88折優惠,淨買外賣海南雞(HKD120/半隻,HKD220/全隻)返屋企加餸喎。 亞參豬手(HKD88/例,HKD140/全隻)全隻夠3-4人食,入味唔會過鹹,最驚喜係有滿滿嘅膠質呀! 新加坡喇沙米線(HKD80)湯底有椰香味,甜中帶辣。配料有雞蛋、蝦、豆卜、魚片條、菜同芽菜,食晒都幾飽㗎。 尖沙咀店限定嘅馬來咖喱系列合共有6款飯麵菜式,呢份馬來咖喱牛腩飯(HKD78)聞到陣陣香料味,辣得嚟好啱撈飯食!牛腩大大嚿但幾腍身,分量都唔少添。 呢度仲有啲馬來小菜,馬來班蘭咖央多士(HKD22)、馬拉盞怡保芽菜(HKD30)同香煎蝦餅(HKD42/3件)都好惹味㗎。 飲品方面有馬來拉茶、薏米水、香茅薄荷特飲(各HKD25)等款式,清爽或重口味都有得俾你揀。   亞參雞飯 地址:尖沙咀廣東道新太陽廣場地庫一樓 電話:2698 7600 營業時間:星期一至日:11:00-20:00

0

【外賣中西日美食Stay Home 精選主食+甜品著數優惠】2020外賣抗疫

第三波疫情來勢洶洶,唔想去買餸減少同人群接觸就當然要叫外賣啦。小編精選中西日式嘅主菜同甜品,包保你嘅外賣一啲都唔hea,有啲仲低至6折添! 甜品 波仔×台灣超人氣Touched塔吉特 今次唔係想講波仔嘅叮叮飯,而係佢引入呧台灣最紅嘅千層蛋糕Touched塔吉特!一個8吋千層蛋糕可以分到12件,一家人週末做下午茶或飯後甜品就啱晒喇。期間限定推出三款口味之中,芒果多千層(HKD218[原價HKD240])以新鮮愛文芒果肉整成;芒果奶凍千層(HKD180 [原價$210])配搭焦香蛋皮入口酸甜開胃;仲有夾住煙韌珍珠、餅皮都充滿濃郁黑糖口味嘅黑糖珍珠千層(HKD198[原價D240]),總有一款啱你口味嘅。   波仔 專門店位置:https://www.eateasthk.com/retail   HABITŪ HABITŪ嘅Rosemantic Summer「瑰麗仲夏」,喺8間指定分店返嚟喇!雖然指定店舖會佈置成玫瑰花主題俾大家打卡,但主題餐飲買返屋企食會安全啲嘅。其中瑰麗草莓意大利芝士杯(HKD78)用上意大利芝士、以玫瑰蜜糖浸泡過嘅手指餅加入自家製玫瑰士多啤梨果醬,層次同味道都好豐富㗎;玫瑰水晶寒天(HKD68)喺微甜嘅水晶寒天注入了玫瑰花嘅幽香,可食用玫瑰花瓣配埋士多啤梨、葡萄、無花果、蘋果等新鮮水果,素食友都可以一齊食。仲有一系列玫瑰主題夏日飲品(HKD52起),冰搖玫瑰泡沫大麥葉茶、巴西莓玫瑰豆奶碎冰等等都好吸引人。   HABITŪ table 地址:銅鑼灣軒尼詩道500號希慎廣場8樓L804號舖 電話:3543 1313 營業時間:星期一至日:12:00-21:30   中式 楚撚記大排檔 唔去得大排檔,不如外賣返屋企啦!楚撚記大排檔西環同土瓜灣店開設外賣專線,西楚霸王雞、地道港式煎蠔餅、楚撚記黑栢葉爆炒雞腎花等等係佢哋熱點菜式之一,依家仲有加推優惠
,每消費HKD100即送老薑蕃薯糖水或清保涼糖水一碗添。想試嘅朋友留意佢哋嘅抗疫限時優惠
喇: – 外賣消費滿HKD600免一半運費 – 外賣消費滿HKD1,000運費全免 優惠細則: 1. 優惠期由即日至31/8/2020 2. 不得與其他優惠同時使用 3. 送貨地點不包括離島、馬灣、愉景灣、禁區及偏遠地區...

0

【本地牛角包店兼賣意粉+薄餅 酥脆曲奇禮盒買二送一】Crostini Bakery & Cafe

本地牛角包品牌唔少都有高質出品,好似Crostini Bakery & Cafe就每日製作三次牛角包以確保新鮮品質。不過佢嘅曲奇、蝴蝶酥同蛋糕你又試過未呢?而且部分分店仲有意粉、薄餅等熱食添。銅鑼灣旗艦店款式最齊全,今次就等小編試吓佢牛角包以外嘅食物,睇吓有咩正嘢先! 雖然以牛角包起家,但佢嘅曲奇同蝴蝶酥都幾出色,想試多啲口味就一定要揀禮盒裝喇!至尊曲奇禮盒(HKD238/45塊)有咖啡杏仁曲奇、紅莓棒子曲奇、南瓜籽熱情果茶曲奇、海鹽朱古力伯爵茶曲奇同牛油曲奇同玫瑰蝴蝶酥。有牛油香又唔會太乾身,而且每款口味都做得幾出,甜度亦控制得啱啱好,連續食幾塊都冇問題。 如果你係蝴蝶酥迷就更加要試至尊蝴蝶酥禮盒(HKD238/45塊),蝴蝶酥每層都搓得好薄,脆口又唔會太硬,而且有芝士、玫瑰、黑芝麻、玉桂、茉莉同原味6款咁多。今個月仲推出賀年優惠,1月6日起全線兩款禮盒可以自選口味買二送一! 想輕巧啲亦有單味細盒裝(HKD32/12塊),做小禮物或自私食又得。 小編發覺呢度嘅蛋糕外表比實際甜,唔嗜甜嘅朋友都可以一試。其中幸福橘子(HKD46)以雲呢拿慕斯包住清甜嘅柑橘果凍、柚子cream同海綿蛋糕,食完感覺又令人幾滿足喎。 想感覺貴氣啲?試吓呢個喺朱古力脆皮噴上食用金粉嘅金蕉流行(HKD52)啦!佢有一個甜甜嘅外表,但入面嘅香蕉蓉反而令層層疊嘅香蕉朱古力cream、朱古力蛋糕同朱古力脆皮珠帶陣清新香氣,又唔會太甜膩。 熱食方面薄餅套餐同埋配迷你沙律嘅意粉套餐都算抵食,另外會跟杯熱飲。呢個即焗嘅輕型三文魚薄餅(HKD89/8寸)落足料,煙韌嘅厚批上鋪滿鹹香又大塊嘅煙三文魚,配上三色芝士碎、車厘茄、黑水欖、火箭菜同蜜糖芥末醬,同平時食嘅pizza一樣有肉感但唔油膩,一個人當lunch食都幾飽。 估唔到香蒜大蝦炒意粉(HKD138)會有少少鑊氣,蒜蓉、紫洋蔥等材料炒過嘅香氣令意粉更惹味。蝦肉爽口彈牙,如果可以辣啲就更好喇。另外點咗杯凍抹茶咖啡(HKD46)試吓,宇治抹茶嘅甘味同咖啡幾融合,不過唔攪勻啲cream就飲會偏酸。 最後如果想食埋佢嘅麵包(HKD14-20),記得捕實每日18:00後有買二送一優惠呀!   Crostini Bakery & Cafe旗艦店 地址:銅鑼灣勿地臣街1號時代廣場7樓728-729號舖 電話:3105 9923 營業時間:星期一至日:11:30-20:30 供應意粉及薄餅分店:時代廣場店、杏花新城店、荷里活商場店、泓富廣場店、逸瓏坊商場店、新港城中心4期店 供應薄餅分店:時代廣場店、杏花新城店、荷里活商場店、K11店、泓富廣場店、九龍灣國際展貿中心店、上水中心店、連理街店、九龍貿易中心店、千色匯一期店、荃灣廣場店、青衣城店

0

【聖誕節訂座及到會精選 早鳥優惠最後衝刺】Jouer、The Spaghetti House、HUNTER & The Chase、Cull ‘N Pistol

今年聖誕節你會宅在家定出街食餐好呢?唔理你揀咩,最緊要捕實優惠。不過時間愈來愈近,早鳥優惠都唔係淨返好多,睇吓呢4間會唔會幫到大家啦! 1. Jouer聖誕大禮包 正嘅甜品絕對會令餐後有好心情,本地法式甜點品牌Jouer曾經喺巴黎藍帶廚藝學校法式甜點師Anne Cheung嘅獨家自創品牌受訓,傳承法式甜點口味。今個聖誕節貼心為大家準備聖誕禮籃及一系列聖誕裝飾,等你唔使四圍張羅。12月15日前預訂Jouer聖誕大禮包可以享有早鳥優惠(HKD880起),唔止有聖誕禮籃、聖誕花圈及襪子、迷你白色聖誕樹同迷你聖誕樹呢啲裝飾品,每款會隨機附帶唔同嘅批撻、馬卡龍、薑餅人曲奇等糕點。   Jouer 地址:灣仔秀華坊 1 號地下 電話:2528 6577 營業時間:星期二至日:11:00-19:30(星期日休息)   2. The Spaghetti House到會聖誕餐 想留喺屋企開個西式party應節的話,當然訂到會最方便。The Spaghetti House所有會員、網上預訂同外賣自取或持匯豐信用卡嘅顧客,喺12月18日前預訂到會美饌即享68折優惠,12月19日後預訂都有78折;而其他客戶喺12月18前預訂有78折優惠,12月19日後就有85折優惠。凡折實金額滿HKD1,000或以上就會送你現金券,多買多送㗎。如果惠顧滿HKD2,000仲可以用優惠價HKD598訂購黑松露醬燒釀美國原隻火雞一客添,數量有限,要買就快啲計數落單啦。   The Spaghetti House 地址:灣仔軒尼詩道139號中國海外大廈1樓B舖 電話: 2529 0901 營業時間:星期一至五:11:00-23:00,星期六、日及公眾假期:12:00-23:00 3. HUNTER & The Chase四道菜聖誕盛宴...

0

【酒店自選海鮮自助餐周日買2送2 狂食3款生蠔+海膽回本】普慶

佐敦Eaton酒店自從翻新之後推出唔少停新變革,今次就到普慶餐廳喺自助晚餐推出自選即煮海鮮市場,成為8大冷熱盤食物區之一。而且過百款食物款款高質,定價非常合理抵食。依家做緊嘅普慶餐廳海鮮市場自助餐晚市時段仲可以喺「海鮮市場」自選海鮮同煮法,加上周日凡兩位成人就送兩位小朋友嘅優惠,啱晒一家人假日食餐好。 每次食自助餐都必去嘅第一個區當然係冷盤區,呢度有齊波士頓龍蝦、長腳蟹、爆膏麵包蟹等款式之外,連生蠔都有3款咁多!一次試勻重海水味、creamy同兩者中間嘅層次。另外仲有唔少火腿、芝士同沙律添。 跟住就要去海鮮市場喇,只要攞住你嘅枱號竹籤,就可以喺度自選海鮮同烹調方法,煮起就會攞去你張枱。師傅會挑選當日三款新鮮食材,而煮法都會有蒸、炒、燒三種。 旁邊仲有唔少海鮮熱盤每日更新,其中辣酒煮花螺好大隻,煮得入味仲有咩沙添。另外,燒龍蝦、青咖喱蟹、泰式大蝦、海鮮濃湯、海鮮粥等都好鮮味,仲會時不時轉款。 香港人鍾意嘅日式料理除咗有刺身同各式前菜之外,壽司、即煮串燒同天婦羅款式都俾人好大驚喜!好似甜蝦壽司、花之卷、海膽手卷、燒蒜子、燒飯糰等都唔係一般自助餐食到㗎。 燒烤區就唔止有肉眼扒,仲有烤黑毛豬同各式烤蔬菜,滿足埋戒牛人士同素友需要添。而旁邊嘅東南亞美食就有咖喱、薄餅等熱食。 中菜區就不得了喇,有鑊氣小炒、蒸魚、各式燒味。其中米芝蓮一星叉燒同19.30推出嘅片皮鴨係一定要試㗎!不過片皮鴨只有兩隻,而且好多人排隊,最好早少少去等喇。 呢度嘅甜品區超大!入面仲細分咗朱古力、雪糕、蛋糕、中西甜點、凍餅款式。仲有師傅喺度即整班戟,想好玩啲可以自己唧雪糕筒。 飲品方就有啲懷舊feel,維他奶、各式汽水同啤酒都係任飲!   食自助晚餐有住宿優惠 依家每2位成人嚟食普慶海鮮自助晚餐仲有住宿優惠添,可以揀入住「逸.雅」(優惠價HKD388),或「逸.家」家庭套房(優惠價HKD588)一晚,同時可以享用酒店設施㗎。 入住的話可以玩埋酒店設計,重新裝修後嘅露天泳池充滿摩洛哥風情,唔游水都要嚟打卡啦。   「普慶餐廳海鮮市場自助餐」 午餐供應時間:即日起至11月30日:12:00-14:30  價錢: 星期一至五:HKD308/成人、HKD198/小童及長者 星期至日:HKD378/成人、HKD278/小童小童及長者 晚餐供應日期:即日起至11月30日:18:30-21:30 價錢: 星期一至五:HKD568/成人、HKD398/小童及長者 星期至日:HKD618/成人、HKD448/小童小童及長者 普慶餐廳 地址:九龍彌敦道380號Eaton HK B1樓層 電話:2710 1901 營業時間:星期一至日:06:30-21:30

0

【利園Sevens美食節 加7蚊換抵食薯條】BRICK LANE

上星期預告3月23日至4月7日七人欖球賽期間,銅鑼灣利園區內有15間餐廳做7蚊起「Sevens美食節」優惠。除咗Reserva Ibérica以HKD7買原價HKD88德國手工啤,BRICK LANE都一樣有HKD7抵食優惠。 球賽期間惠顧任何食物,可以加HKD7換購薯條一份。有咩精選食物?繼續睇落去啦! 先嚟兩款獨食難肥推介,招牌Bricklane牛肉漢堡配啤酒一杯(HKD207),漢堡肉汁多又嫩滑鬆軟。 炸魚柳薯條配啤酒一杯(HKD207)更加係必點邪惡美食。 兩個人食飽啲有啤酒雞配啤酒兩杯(HKD437),食之前將啤酒淋落雞肉,酒香更加突出。想緊貼「Sevens美食節」飲食優惠,除咗睇Lee Gardens Facebook專頁,可以download佢哋嘅App。新登記成為Lee Gardens Plus會員(免費)會有1小時免費泊車添。   BRICK LANE 地址:銅鑼灣禮頓道111號利園第六期地下G01號舖 電話:2736 8893 營業時間:星期一至四及六:09:00-22:30,星期五:09:00-23:30,星期日:09:00-23:00

0

【翟凱泰 泰臣的味道】《太飽喇!》網上雜誌

泰臣 Tyson Chak 翟凱泰讀完大學先讀演藝,2001年畢業後正式入行,眨眼踏入第18年喇!當年憑舞台劇《潮性辦公室》送水輝哥一角成功彈起,獨特誇張嘅演繹風格令人印象深刻。不過泰臣演藝之路都唔係順風順水㗎,佢話:「我真真正正唔係『沙沙滾』、唔係貪慕虛榮,唔係話諗住過吓癮咁樣呢去接觸呢一行。」。真心愛演戲,由舞台轉戰電視圈,依家瓣瓣掂電視劇、電影,連飲食節目都撈埋。一係唔出手,一出便知有沒有! 泰臣話:「開返個《泰臣的味道》都唔錯喎!」。最近鍾意煮返兩味嘅佢,唔通同煒哥陣煒主持完《煒哥的味道》,開發咗廚藝細胞?佢話:「我好鍾意食泰國菜同海鮮,海鮮又易煮添。」。咁泰臣嘅味道,唔止煮餸,都可以有好多種嘅!

0

【毛舜筠 毛姐的米芝蓮曲奇】《太飽喇!》網上雜誌

毛姐毛舜筠,入行咁多年夠晒江湖地位,講演戲,冇嘢難到佢,由電視台好戲女一做到電影界頂級女諧星,上年更憑《黃金花》攞埋金像獎最佳女主角,正式榮登影后級。 影后都係人,原來回歸家庭生活,講煮飯,一樣難唔到佢!同區丁平結婚23年,毛姐喺屋企就做足廿幾年煮飯婆!由零開始學,到依家連法國藍帶廚藝課程都畢咗業,攞埋最高級課程文憑。 59歲毛姐「登六」前又要創另一高峰,就係整餅開曲奇餅店喇!目的只係還一個心願:「想大家都食一啲我認為米芝蓮級嘅曲奇餅」,仲有,高要求嘅毛姐喺訪問中提咗好多次「用料要過到我嗰關!」。想聽故?等藍帶廚神影后話你知啦!