Tagged: 利東街

0

【帶埋寵物嘆正Brunch】Le Pain Quotidien

踏入秋天,絕對係帶寵物外出嘅好季節!問題係想喺香港島搵個方便得黎,食物水準夠高,環境舒適,最重要係可以帶埋心愛寵物一齊食野嘅餐廳真係唔易。灣仔利東街街頭有間非常令人注目嘅歐陸風餐廳叫Le Pain Quotidien,戶外位置可以帶埋寵物,餐廳佈置令你覺得仿佛去左歐洲,原來係黎自比利時嘅麵包連鎖店。 餐廳以香噴噴新鮮麵包做主打,一踏入門口就聞到餐廳充斥住咖啡豆同麵包香味,真係不論嗅覺,視覺同味覺都有濃烈歐陸風味! 餐廳用餐位置分爲室外同室内兩部分,室内就比較窄啲,但就可以嘆住冷氣。攜同寵物或者想感受更多周邊環境,就可以坐戶外。 今次小編請黎朋友嘅小白兔同狗狗做model,同一班寵物主人分享用餐經驗!餐廳侍應們都好有愛心,見到小毛孩非常熱情招待,立即為兔兔送上沙律菜同紅蘿蔔,呢份心意同愛心令主人覺得好窩心。 餐廳見到狗狗都會貼心咁拎兜水出黎俾佢飲。 食brunch當然唔少得奄列啦,呢個芝士火腿奄列(HKD115)加埋餐廳香噴噴麵包,再飲啖咖啡,正呀! 地道比利時菜Flemish Beef Stew(HKD168)即係燜牛肩肉都有得食! 辣蝦牛油果三文治 (HKD108)夠晒歐陸風情! 難得有個好地方可以帶寵物一齊去,當然唔好錯過啊! 叫埋甜品作結就最滿足喇! Le Pain Quotidien 地址:灣仔皇后大道東200號利東街地下G40-41號舖 電話號碼:2520 1801 營業時間:星期一至日: 08:00-21:00