【DIY簡易版一人和食(下) 蘿蔔豚角煮×湯水篇】炊咩
上星期教咗大家DIY和食前菜,今次當然到主菜啦。平時做嘢辛苦要食好啲,肺炎之下就更加要注重啲。不過咁樣唔代表難煮,相反可以好簡易添。今次整埋蘿蔔豚角煮同紅菜頭野菜湯,再結合上次嘅前菜就有齊三餸一湯成set和食喇。事不宜遲,即刻整完在家呃吓like 啦! 蘿蔔豚角煮 材料與分量: 白蘿蔔 – 1/4條 五花肉 – 150-200g 薑 – 10g 水 – 約1500-2000ml 糖 – 2茶匙 清酒 – 1湯匙(可以按個人口氣味調整) 蠔油 – 2湯匙 鰹魚醬油 或 日式醬油 – 3-4湯匙 做法: 1. 將白蘿蔔洗淨削皮處理好,切塊狀後汆水3分鐘隔水備用,令蘿蔔變軟少少同去除草澀味,之後會較易入味。 2....