Tagged: 嘉年華

0

【捉緊夏天尾巴踩入淺水灣嘉年華 挑戰辣雞翼+登至潮天梯】Local自駕遊

有冇人同小編一樣都好鍾意喺夏天同陽光玩遊戲呢?喺香港一諗就諗到淺水灣嘅陽光與海灘喇。依家淺水灣灘畔商場就有新搞作,想去夏日限定嘅嘉年華玩就一於揸車入去,一齊捉緊夏天嘅尾巴啦!   淺水灣夏日限定嘉年華 淺水灣沙灘旁邊嘅商場the pulse,最近有個以海賊做主題嘅盛大夏日限定嘉年華,成個商場化身成一隻巨型海盜船。除咗有超多打卡位之外,仲會喺周末舉行一連串豐富嘅主題活動,即刻睇定嚟緊幾個周末有咩好玩先。   24-25/8  「尖叫吧!海賊雞翼嘉年華!」 今個星期六、日就有火辣雞翼做主題嘅「尖叫吧!海賊雞翼嘉年華!」,到時場內就會有近百款雞翼、幾十款辣醬俾你自己Mix & Match,其中有十幾款唔同風味嘅香辣雞翼,一眾雞翼控同辣迷咪走雞呀!而入場會送你海賊造型the pulse尖叫雞一隻、雞翼四隻同海盗帽一頂。 今次仲同尖叫雞Crossover,有以佢為主題嘅攤位遊戲、波波池等等,俾你喺度狂歡吓、放吓電。   14-25/9 「隊啤吧!海賊醉爆嘉年華!」 九月中就有夏日啤酒Party「隊啤吧!海賊醉爆嘉年華!」,但小編先嚴正提醒各位揸車嘅朋友唔可以酒後駕駛,大家搵個唔飲酒嘅柴可夫斯基照顧自己啦。呢個Party邀請咗8大本地精釀啤酒品牌,俾大家chill住歎特色嘅精釀啤酒,仲有唔同嘅美食攤檔同攤位遊戲,一眾啤酒迷又點可以錯過呢?! 場內仲有近期喺韓國、越南同台灣熱爆嘅打卡裝置「天國階梯」!嘉年華參加者都可以登上天梯打卡㗎,無論係藍天白雲定日落影都係咁靚喎。 View this post on Instagram 今日太好陽光啦☀️☀️☀️ 每天起床我都會檢視一下身體狀況 重拾健康工程好像又邁進一步 仲俾條天梯吸左埋去添 @thepulsehk A post shared by Joey Yung...

0

【玩盡假期9粒鐘 20個攤位任你狂食喪玩】香港掂檔街頭嘉年華

7月1日放假仲未知道去邊度玩?荔枝角當日就有一個街頭嘉年華,20個遊戲同飲食攤位比你一次過狂食狂玩,仲有連續7粒鐘唔停嘅音樂同歌舞表演添呀! 「香港掂檔 Made In Hong Kong」係個戶外嘉年華,有超多特色地道小食攤位,好似雞蛋仔、魚蛋、牛雜,香港人至愛小食都齊晒!  除咗有地道小食,仲有回憶嘅味道呀!港人熟悉嘅多個品牌同機構,包括九巴、天星小輪、荔園、海洋公園同HMV等等仲會開設互動遊戲同特色飲食攤位,以遊戲方式大派禮物!大家可以一邊食、一邊玩,享受超強香港風味嘅一日! 唔止有得食有得玩,下晝1點鐘仲開始有連續7粒鐘嘅精彩表演,歌舞表演、街頭音樂、水晶球雜耍、團體舞蹈及魔術等馬拉松式送你送上。想玩盡一日九粒鐘,完全無難度啦! 香港掂檔街頭嘉年華 日期:2017年7月1日星期六 時間:12:00-21:00 地點:荔枝角長義街(D2 Place一期及二期對出) 舞台:D2 Place 二期 G/F 費用:全免

0

【365日瘋狂開P!尖咀超大嘉年華酒吧】Carnival

想日日都好似參加嘉年華咁開心,尖沙咀新開嘅Carnival酒吧一定滿足到你!佢地以嘉年華做主題,仲有一系列互動遊戲,好似飛鏢機、Slap Cup、Beer Pong同花旗骰等等,而裝置咗彩色LED閃燈嘅Slap Cup檯仲可以隨時變身,比大家玩擲彩虹! 酒吧其中一大特色係佢地張賭檯,大家可以用酒落注。賭錢就試得多啦,賭酒你又夠唔夠膽? 酒吧有一系列遊樂場Cocktail,包括呢一款喺室內都可以玩嘅摩天輪,Ferris Wheel(HKD688)將12杯一口酒擺喺摩天輪上面,得意又夠晒嘉年華氣氛。 酒吧面積去到5,188平方呎,除咗有1大張比人玩stack cup嘅檯,連beer pong檯都有4張!佢地仲有埋貴賓房Enchanted Room,除咗有得玩,仲可以唱埋K添! 想日日都有去嘉年華玩嘅心情,就要去現場感受下啦! Carnival 電話:3705 3985 地址:天文臺道8號6樓1號鋪 營業時間:星期一至日:18:00-06:00

0

【甜到漏!聖誕糖果嘉年華】荃新天地2期×麥田捕手

聖誕假期流流長,流到一個點,而家都未有節目?12月荃灣荃新天地2期會舉行糖果主題聖誕嘉年華,分別會喺12月17日(星期六)、18日(星期日)同埋12月24-27日嘅12:00-20:00舉行,到時除咗有巨型糖果聖誕樹、超夢幻糖果波波池、單車發電嘅未來信箱同埋過百個手作攤檔添!想有個sweet到爆嘅聖誕一定要去睇下!提提你,只要你喺App store下載咗BOGO HK,喺17/12現場仲可以即時獲得包含42間餐廳,126個地點,價值接近17,000嘅買一送一BOGO HK餐飲禮券添呀! 我地就喺市集門口度等緊你嚟拎優惠㗎咋,記得同我地Say Hello啦! 巨型糖果聖誕節由520粒彩色糖果製成,外層加上糖漿同雪粉裝飾,睇到都sweet爆!啱晒一家大細、情侶去影相留念!另外,仲有過百尺夢幻糖果波波池!池入面有過千粒糖,仲不設年齡限制添,小編都即刻想去浸個浴! 市集仲設置咗全港首個以單車發電嘅未來信箱裝置。大家可以將自己嘅願望寫喺DIY嘅聖誕卡度再放喺聖誕老人手上,透過單車發電,聖誕老人就會識得行過去郵箱度寄信啦!講到明係未來信箱,大會會按照大家要求嘅收信日期寄出你嘅信,等你盡訴心中情!成個未來信箱嘅收入仲會捐到Orbis奧比斯為失明人士重新開啟光明新一頁添! 聖誕市集仲有過百中港台檔主,創意手作品牌同埋網絡紅人陪你過聖誕!唔少得梗係有印度彩繪紋身、手作押花飾物同手作皮革飾物等等必check攤檔。另外仲會有兩個工作坊,包括「聖誕樹小木牌製作」同埋「人力單車聖誕郵差」,等你可以親手製作聖誕禮物添! 荃新天地2期×麥田捕手 聖誕市集 精果之旅 地點:荃新天地2期中庭 日期:12月17至18日,12月24至27日 時間:12:00-20:00 快啲下載BOGO HK 盡享600+ 美食優惠啦 iOS手機用戶:https://appsto.re/hk/-PaZfb.i