Tagged: #堅果

0

【肥胖引發慢性炎症 三類抗炎食物好易搵】懶健康貼士

唔少學者發現好多有肥胖問題嘅人士,身體都會出現低度慢性炎症。呢種慢性炎症同典型炎症唔同,冇痛楚或者發燒嘅情況,而係無聲無息入侵身體。因為好難察覺,所以又叫做「沉默炎症」 (Silent Inflammation)。雖然學者未有確實嘅解釋,但其中一個推論係負責儲存脂肪嘅細胞負荷太重,脂肪太多令細胞壓力過大而出現問題,令身體釋放更多炎症因子,引致低度慢性炎症同增加其他慢性疾病風險,例如癌症同心血管疾病等。 要對抗呢種炎症可以由改善飲食模式入手,學者設計咗「膳食炎症指數」評估咩食物有助抗炎,咩食物會引發慢性炎症,等我舉幾種常見嘅物質俾大家參考啦: 食物/營養素 整體炎症效應評分* 纖維(克) – 0.663 綠茶/黑茶(克) -0. 536 n-3脂肪酸(克) -0. 436 B胡蘿蔔素(微克) -0. 584 大豆異黃酮(毫克) -0. 593 飽和脂肪(克) 0. 373 薑黃(毫克) -0.785 (文獻來源:Shivappa et al., 2014) *評分指數介乎 -1至1之間,負數有助抗炎,大過0就有機會引發慢性炎症。 睇完個表都唔知食咩好?可以簡單啲認住下面三類食物,已經包含咗列表嘅豐富抗炎營養素,好易買到㗎! 1....

0

【藜麥營養知多啲 食得「鎂」味又減壓】懶健康貼士

好多人以為食藜麥淨係可以減肥,原来佢仲可以減壓抗、放鬆血管,降低患心血管疾病嘅風險、增加提高免疫力同調節升糖指數。一樣咁平凡嘅食物,充滿各類營養素,主要有: 鎂:可以減低憂鬱嘅感覺,保護腦神經;亦可以放鬆血管,幫助減低高血壓、心律不正及缺血性心臟病的發生率。 錳:調節血糖水平,同時激發酶嘅活性,分解脂肪及膽固醇,提升身體抗氧化能力。 鋅:保護免疫細胞健全發展,增加免疫力 依家就教大家整個簡易藜麥粥啦,藜麥煮熟之後可以發三至四倍,煮多咗就放入雪櫃備用啦。 藜麥果果粥 材料: 藜麥 半碗 豆奶 隨意 香蕉 隨意 士多啤梨 隨意 奇異果 隨意 藍莓 隨意 杏仁 隨意 杏脯(可以揀你鍾意嘅果乾) 隨意 1.清水煲藜麥10-15分鐘(如果一次過煲一鍋備用,可以直接用豆奶或牛奶一齊翻熱) 2. 加入豆奶、香蕉、士多啤梨、奇異果、藍莓同杏仁就得喇。(其實隨意加入你鍾意嘅水果、果仁或果乾都可以) 開工前食一碗,包你心情好輕鬆。