Tagged: 壽司

0

【日式料理新店3大主打 壽司×蕎麥麵×日本酒】SUSOSHU

高質嘅日式餐廳都有自己獨特嘅賣點,而尖沙咀新店SUSOSHU就以「壽司 Sushi」、「蕎麥麵 Soba」同「日本酒Nihonshu」三大元素做主打。呢度有正宗日本地道手法嘅午餐同晚餐,無論係料理款式定係壽司款式,都會用上日本多個地方直送嘅新鮮食材,務求令你有置身日本嘅感覺。依家新張期間,午餐第二位仲有7折優惠添。

0

【頑固壽司登港午市$138起 15道廚師發辦日廚主理】頑固壽司

頑固壽司Ganko Sushi喺大阪起家,嚟到香港尖沙咀開第100間分店,最引嚟熱話嘅就係由日籍主廚 Muneta親自主理嘅高CP值廚師發辦套餐,介紹之前睇吓環境先。 日本風格俾人感覺好柔和同輕鬆,最入面就係主廚壽司吧枱。 餐廳午市套餐有9款定食,由魚生、燒物到天婦羅都有。而晚市當然要試由日廚主理嘅Omakase啦,師傅會按食材調整菜式,但基本一定有15道菜,相當抵食喎。依家先介紹幾款午市套餐啦! 海鮮丼定食(HKD198)配咗茶碗蒸、小鉢同味噌湯。丼飯配咗三文魚、三文魚籽、海膽、松葉蟹腳、牡丹蝦等8款魚生,用料豐富之餘仲件件都好新鮮添。 天婦羅壽司定食(HKD178)有齊雜錦天婦羅同壽司5貫,而且仲係鰤魚、三文魚子、平目魚、三文魚同鐵火卷。輕食得嚟滿足到想試齊天婦羅同魚生壽司嘅朋友,同時都配有茶碗蒸、小鉢同味噌湯。 鰻丼定食(HKD138)嘅鰻魚都幾大件同入味,冇好肥膩嘅感覺,有咬口唔會一夾就散。丼飯嘅飯量幾多,食晒成分都好飽肚。 嚟到時市嘅Omakase廚師發辦套餐(HKD720),小編當日試到18道,但會視乎食材以15道為基準。呢四款前菜之中,螢光魷魚(左上)係時令菜式,連同燒平貝殼(帶子)配山椒菜醬為一款;另外,仲有櫻花𩶘魚湯(右上)俾你清一清口腔嘅味道再試下一道海螺配蜜柑啫喱(右下),而微微燒過嘅大拖羅(左下)配上用日本百年歷史醬料廠嘅生七味醬同柚子胡椒醬,特別有風味又可以減但油膩感。 灑上青檸皮同岩鹽嘅平目魚壽司(後)、中拖羅壽司(左)同埋用深海魚赤綠(右)整成嘅炙燒壽司,味道濃郁而口感就偏軟腍。 鮟鱇魚肝(左)燒過後放上梅味七味醬,配搭櫻花蝦天婦羅(右)相當惹味。 再嚟四道清新嘅菜左,右邊配上紫蘇葉嘅針魚壽司係師傅推介嘅單點壽司之一! 北海道馬冀海膽壽司、特色嘅柚子大根壽司(右上)等都係令人回味嘅壽司! 最後仲有冇經漂白製作嘅蕨餅甜品,蘸上黃豆粉再加醬汁一齊食,幾爽口㗎。 如果想試簡單又多完化嘅選擇,特上壽司拼盤12貫(HKD320)都啱你喎。12款壽司有齊港人大愛嘅拖羅、牡丹蝦、帶子、北海道馬冀海膽等熱選壽司款式,件件都用料十足,絕對令你品嚐到魚鮮嘅肥美口感同味道。   頑固壽司 地址:尖沙咀河內道18號 K11購物藝術館1樓 106號舖 電話:3905 2316 營業時間:星期一至五:12:00-15:00,18:00-22:00,星期六、日及公眾假期:12:00-22:00

0

【Omakase大廚:坐喺度冇用㗎 轉攻到會上門即製壽司】滝壽司

新嘅抗疫措施之下想食好啲可以點?外賣到會不失為一個好選擇,但大廚都上埋門就真係唔使落廚,坐低等食就得。人稱朱師傅嘅甄啟量係銅鑼灣高級Omakase滝壽司嘅老闆兼主廚,見疫情爆發就即刻推出廚師發辦到會服務(HKD1900位/兩位起),大約15道菜主打高級嘅壽司Omakase,當中都會有刺身同熱湯。咁同堂食有咩分別?等師傅話你知啦! 朱師傅會將用具、醬料、準備好嘅食材包好入保凍箱,當中一定有枝消毒劑! 安坐家中都可以超近距離睇師傅即席握壽司。 「了解清楚客人想食咩,有啲咩唔食得之後,我哋會預先準備好食材,佔嘅空間唔多,俾一張枱我就夠㗎喇。不過本身餐廳做Fine Dining形式,所以有啲菜式嘅整治比較複雜,但去客人屋企就未必整到,例如煙燻嘅效果,但食材一定係用返堂食嘅品質,只係製作方法要改變吓;另外就係熱煮嘅菜式都唔可以好堂食咁隨意整,因為我哋都唔會搞客人嘅廚房,但都會問可唔可以俾我哋熱返個湯呢啲簡單嘅步驟。」依家就介紹幾款可以出現喺廚師發辦到會服務嘅菜式啦! 充滿魚籽嘅白飯魚刺身加入來自日本嘅「太陽蛋」蛋黃同醬汁後味更更甘香,口感仲特別爽喎。 大家都知靚嘅滷味都用「萬年滷水汁」煮先好食,但示來鮑魚汁都可以好似滷水汁咁留起重用㗎!呢味北海道蝦而鮑魚先用鐵盒盛載蒸熟,將當中嘅汁水混入已經留起4年、不斷重用嘅特製鮑魚汁,然後將蒸熟嘅蝦而鮑魚放入去浸泡製成,味道仲帶有海水嘅鹹鮮味添。師傅話呢款鮑魚夠大隻同密度高,可以製作成溏心乾鮑,唔怪得入口有少少溏心黏黏哋嘅質感啦。 平時將紅肉熟成就聽得多,但刺身都可以咁整你又知唔知?寒鰤魚壽司以乾式熟成嘅方法處理,令肉質軟滑又更甜,唔講仲以為係即切嘅新鮮刺身添。 同樣熟成過嘅藍旗大拖羅壽司起埋筋膜,入口爽滑亦唔會太肥膩,不過原來拖羅嘅肥美程度同養殖方法有關。「全養殖方式嘅魚食油脂高啲,因為缺乏運動吖嘛。但半養殖嘅始終喺海游過,肌肉會多啲,不過我哋熟成過又會令肉質軟返,口感又會唔同啲。」 滝壽司用嘅金目鯛都係經日本搵嘅靚貨,熟成過嘅金目鯛壽司火炙後魚皮會脆啲,灑上自家生曬再炒嘅烏魚子粒,香口又不失魚嘅鮮味。   滝壽司 地址:銅鑼灣開平道1號Cubus15樓 電話:2782 0010 營業時間:星期一至日:12:00-15:00,18:00-23:00

0

【壽司郎主餐牌轉新口味 新店5月底黃大仙插旗】壽司郎 SUSHIRO

壽司郎 SUSHIRO過江嚟咗香港半年多啲,好快就開第三同第四分店喇,到時長沙灣同黃大仙嘅朋友仔都唔使走出嚟食。而且壽司郎整合咗大家嘅口味,更新咗主餐牌呀! 更新餐牌之後有十幾種新款式(HKD17起),有雪花和牛、壽喜燒牛排、厚切燒鯖魚、鹽豬漬鯖魚、珍寶魷魚天婦罹、北寄貝沙律軍艦、炙燒生姜醬叉燒、溫泉蛋烏冬等。其中鹽醋漬鯖魚同八爪魚仲受歡迎到賣晒添,下次去食記得睇吓返貨未喇。 而二月份嘅吞拿魚祭中,最近新推出期間限定嘅呑拿魚醬油拉麵(HKD32),竜田炸呑拿魚配上醬油湯頭,脆口又有油香。 View this post on Instagram ✨二月份·吞拿魚祭|番外篇✨⠀ ⠀ 其實呢個二月份嘅限定商品除咗有唔同款式嘅吞拿魚壽司之外!⠀ 壽司郎仲為大家帶嚟幾款滋味嘅副餐😍⠀ ⠀ 溫泉蛋烏冬⠀ 100%使用日本直送溫泉蛋🥚配合山藥混合一齊食,令烏冬更加滑溜👍🏻⠀ ⠀ 海鮮紫菜卷⠀ 材料極之豐富!一口大滿足😋⠀ ⠀ 奶茶味卡逹拉娜⠀ 面頭係脆脆焦糖,放入嘴巴就化掉了的濃濃奶茶味甜品!,令人一試愛上💕⠀ ⠀ 🔸限定商品將於2月1日正式開售🤩⠀ 🔹期間限定商品數量有限,售完即止⠀ 🔸詳情請向店員查詢🔍⠀ ⠀ 壽司郎分店地址可參閱本專頁網誌:https://bit.ly/2R6pLiM⠀ ⠀ #壽司郎 #迴轉壽司 #スシロー #SUSHIRO #日本...

0

【2020年三條行大運親子路線 水塘打卡歎小區美食】2020年行大運

小編唔少朋友踏入新一年都會去行山轉個大運,今次小編都推介三條家庭樂路線俾大家,兩個鐘左右點都行完,除非打卡休息嘅時間長就預多啲時間啦。行完之後當然唔返屋企住,繼續喺附近轉個圈,睇吓有咩好玩好食啦,let’s go!   1. 河背水塘家樂徑 要去呢條喺元朗近郊嘅河背水塘家樂徑,可以喺元朗泰衡街搭71號小巴(HKD7.8/位)去到河背。 行去水塘會經過好似時光隧道嘅竹林。 堤壩嘅設計令石壁反映出唔同嘅顏色,可以試吓喺唔同角度留影。 圍繞成個水塘行一圈再原路返出去大約需時1個鐘。   我地農莊 免費耕種班 難得入到嚟唔會咁快返市區啦,呢度附近有唔少農莊,好似我地農莊就有免費耕種班,俾大家參觀唔同時節嘅有機種植係點運作。呢度有時亦會舉辦豆腐工作坊、混醬日、製作士多卑梨醬等活動,而今年活動初步排到5月,想參加就留意佢哋Facebook專頁喇。   Crostini Bakery & Cafe旗艦店 地址:錦上路大窩村天映峰左邊小路入 電話:6704 1919 營業時間:星期日:09:00-17:30   2. 大澳虎山 一講大澳就諗起中華白海豚、蝦醬同生晒鹹蛋黃,不過呢度都可以行山你又知唔知呢?虎山沿海而行其實只係半個鐘左右就行完,但係兜晒成個大澳就1個鐘左右,影相食吓嘢都玩到半日㗎。 起步時可以望返大澳內嘅景色。 行到海邊山上嘅觀景台就可以遠眺一望無際嘅海景。   大澳文物酒店 玻璃屋High Tea 沿途行去大澳文物酒店的話,可以喺裡面玻璃屋造型嘅Tai O Lookout歎個新年版大澳‧真味下午茶(HKD328/2人)。呢個下午茶由1月25日至2月2日(14:30-17:00)供應,有黑糖紫貝天葵年糕、大澳特色鮑魚撈起及笑口棗、具大澳及二澳特色嘅二澳薑黃沙嗲雞串、大澳鹹魚肉餅漢堡同大澳黃金蝦多士,絕對係合家歡鹹甜組合呀!  ...

0

【台灣爭鮮大胃王挑戰 92磅索模鯨吞105碟壽司】食焦

台灣爭鮮啱啱搞完咗個大胃王挑戰賽,男女大胃王正式誕生啦!男人食量驚人唔出奇,女大胃王竟然係位性感辣模,仲要只係得92磅瘦瘦的,佢誇張到喺限時50分鐘內,鯨吞咗105碟壽司,食完仲要面不改容好似唔夠飽咁喎! 比賽係咁嘅,只要食完一碟碟嘅壽司,疊高啲碟高過自己身高就叫挑戰成功,唔使俾錢喇!參加挑戰之前,各位勇士都要喺門口量度身高,再睇返個相對表,睇吓自己要食幾多碟先可以贏囉!好似140cm高,相等於90碟壽司嘅高度、155cm就係100碟,而女大胃王嘅身高呢就係158cm,照道理食過100碟都已經贏,結果佢喺限定嘅50分鐘內食咗105碟! 仲未止㗎,食完105碟仲未夠喉,索模自己再加點咗12碟,即係總共食咗117碟,超額完成嚇死人啦!咁驚人嘅消息即刻喺網上瘋傳,呢位女大胃王成為風頭人物,佢仲喺自己fb度就話「終於趕上台中最後一天 破本店第一名 紀錄了 105多盤 #怒吃 謝謝美女店長、師傅 辛苦了 #一直切跟不上我吃的速度」!現場消息仲話個個都拍爛手掌為佢歡呼添喎! 呢位影開性感相嘅索模大胃王名叫張語昕,做咗爭鮮大胃王之後變咗風頭躉,接受埋電視訪問,佢話自己當日其實食完都只係得七分飽,又話遲啲想去日本參加大胃王比賽,等人知道台灣都有女大胃王!其實張語昕唔係第一次被封大胃王㗎喇,兩年前佢試過30分鐘內食咗15碗總共3公斤嘅魯肉飯而成名,睇嚟女神個胃口一直都咁驚人,好大食呀!

0

【日本直送鐵板燒料理 必食A5鹿兒島和牛】 Tsugu Teppanyaki & Sushi

喺長沙灣D2 Place入面新開咗間日式鐵板料理餐廳,個名單字叫做繼(Tsugu Teppanyaki & Sushi),主打日式鐵板燒、刺身同壽司,用日本即日直送嘅時令食材,夠晒新鮮啦!餐廳名字由香港著名電影毛筆書法家華戈親筆題字,寓意傳承同延續日本料理嘅手藝同文化,三位主廚都希望將精緻嘅日式烹調手藝同埋對食材處理細心嘅態度傳承落去。 餐廳提供多款頂級海鮮同肉類鐵板燒選擇,好似呢個A5鹿兒島野崎和牛(HKD800/200g),見到啲紋理都已經知好食,而且油份夠多,食落一啲都嚡口,肉質軟腍鬆化。 想食飯嘅可以選擇海老丼(HKD320),有甜蝦、 赤蝦、 櫻花蝦、 白蝦同炸蝦天婦羅,蝦肉鮮甜彈牙,一試難忘㗎! 特上海鮮丼(HKD290)就有黑松露燒帶子、 吞拿魚蓉同海膽,海鮮迷必試。 比較特別嘅仲有呢個健康壽司(HKD238),專為健康愛好者而設嘅一式十款精緻健康壽司定食,咁就食壽司都食得健康啲啦!  TSUGU Teppanyaki & Sushi 地址:香港長沙灣長順街15號D2 Place TWO 3樓311號舖 電話:3706 7703 營業時間:星期一至日:12:00-15:00;18:00-23:00

0

【潮爆插畫降臨元氣 期間限定店型爆登場】元気寿司×長場雄期間限定店

為電影《志明與春嬌》設計「in 55 w 」系列Tee嘅日本人氣插畫家長場雄,筆觸簡約,簡單幾筆就可以展現到被畫對象嘅神髓,筆下每個人物都好可愛!而家想睇佢嘅作品,唔一定要買日本潮流生活雜誌先睇到喇,今次佢同元気寿司合作,6月22日至9月21日期間,鷹君中心分店會變身為元気寿司×長場雄期間限定店,周圍都擺滿佢嘅得意插畫呀!小編帶你睇睇! Hello!係元気寿司代言熊「雄一」呀!佢今次同電視廣告入面出現嘅年輕男女都係長場雄插畫嘅主角。店內有一幅長場雄親手為限定店畫嘅壁畫,大家一入到去就會見到㗎喇。仲有一幅畫更加會以霓虹燈呈現於店舖外牆,非常吸睛!行過路過都好難錯過。 餐廳內部仲有好多唔同嘅插畫,成個感覺溫馨又浪漫。 話明係期間限定店,喺呢度食除咗有靚靚環境之外,梗係要有紀念品啦!6月22日至9月21日期間,堂食壽司會附上長場雄插畫嘅裝飾牌,一共有6款;而木牌裝飾插畫仲會有14款添!大家可以嚟到打卡集郵。 另一樣特別嘢就係元気寿司×長場雄手卷長場雄手卷,別注熊一插畫會印喺手卷嘅紫菜上面添呀! 除咗以上堂食體驗,當然仲會有嘢比你拎走啦!6月22日至9月21日期間,兩款元気寿司 x長場雄別注版TEE,堂食每惠顧滿HKD500就可以有一件喇! 而佢地亦同時特別推日本畫家長場雄外賣盛 (HKD280)包括有三文魚腩壽司﹑辛辣長鰭吞拿魚壽司、蒲燒鰻魚壽司、赤海蝦壽司、左口魚裙邊壽司、帆立貝壽司、飛魚籽軍艦、辣味三文魚軍艦、三文魚籽軍艦及炸蝦卷,一共18件,適合2-3人享用。每日限量40客!6月22日至8月15日期間買,可以有別注版TOTE BAG一個!8月16日至9月21日期間惠顧,就可以有別注版瓷碟一隻! 小編提提你,佢地嘅別注版電話殼同別注版滑板,遲啲喺佢地Facebook玩遊戲就會送出,想儲齊成套紀念品就要留意啦! 元気寿司 Genki Sushi 電話:2511 8084 地址:灣仔港灣道23號鷹君中心地下G05-6舖 營業時間:星期一至日:11:30-22:30 推廣日期:6月22日至9月21日

0

【齊齊做地球戰士 撐至潮環保壽司店 】Wasabi Warriors

來自澳洲嘅Wasabi Warriors於當地開逾50間分店,香港都有分店啦。以健康環保速食理念經營,主要提供外賣壽司同卷物。 其宗旨係”Eat Good, Do Good, Feel Good”,讓客人可以盡情享受Wasabi Warriors新鮮健康美食之餘,亦能為改善地球生態出一分力。 大家可以直接喺雪櫃櫃檯點餐,由左至右擺設手卷、壽司、魚生同沙律。卷物味道新頴且餡料都好多樣化,有成20幾款揀,實有一樣你喜歡。所有卷物都係每天以機器新鮮包製,快捷又衞生。 Crumbed Prawn with Lettuce & Mayo(HKD30)餡料係炸蝦配搭有機蔬菜,飯同餡料卷得結實,好足料。由於即製紫菜口感都更腍身!呢個價錢絕對物超所值啦。 Fresh Tuna with Lettuce & Cucumber(HKD30) 吞拿魚甘甜鮮美再加上有機蔬菜,食得滋味又健康。小編都想買個外賣慢慢嘆個健康午餐。 Wasabi Warriors 地址:中環士丹利街50號信誠廣場地下F舖 電話:2323 1512 營業時間:星期一至五:11:00-19:00;星期六:11:00-17:00 星期日及公眾假期休息 灣仔店: 地址:灣仔皇后大道東1號太古廣場三座B3樓6號舖 電話:2880 9881 營業時間:星期一至五:08:00-19:00 星期六及日:08:00-16:30...

0

【排隊排到喊 長沙灣人氣居酒屋】味道樂居酒屋

日本最出名嘅食店除咗壽司店,一定係居酒屋。平日放咗工之後,三五知己約埋去居酒屋放鬆心情,舒緩一日嘅辛勞。味道樂居酒屋店主特意將日本居酒屋文化帶嚟香港,希望香港人都能夠有一個減壓同埋放鬆心情嘅地方。 餐廳木製特色牆擺滿日本唔同類型嘅酒同埋日本海報,整間店舖充滿和風感覺。 由餐廳嘅小細節,好似枱面嘅小擺設,都突顯到店主嘅心思,對一事一物都一絲不苟。 一夜干燒的鯛(HKD178) 整得好食絕對唔容易!日本做法以鹽醃魚,魚肉偏鹹口感實淨,配搭清酒或啤酒一流。一夜干經過處理之後,透過一晚軟燥,將肉身多餘水分去除,魚嘅油份濃縮,加倍呈現出魚嘅獨特風味。一食落去,魚嘅油份好重,味道偏鹹,加上燒烤香味,非常適合配搭清酒,風味獨特令人一試難忘。 蟹膏醬燒北海道帶子(HKD138) 選用4隻珍寶北海道帶子,微微煎至金黃色。金黃色嘅帶子放上蟹膏同大蔥,三種食材混合埋異常合拍,底下以雜菌做底,吸收曬上面食材嘅精華。 特盛九品料理(HKD388)賣相精緻,絕對係呃LIKE之選,但唔好以為只係呃LIKE就唔好食。九品料理一共有三款魚生飯同六款小吃,分別用唔同盛器裝住,全部各有特色。三款魚生飯入面個樣最靚、最好味嘅「三文魚子甜蝦蓉飯」,三文魚子非常鮮味!「炭燒鰻魚飯」原始炭燒味道都唔錯,而「火灸左口魚裙邊飯」不得不提,左口魚經過火灸油香滿佈。六款小食有「牛蒡」、「青瓜芥末八爪魚」、「炸軟殼蟹」同「熒光魷魚漬」,各有特色。而「炸三文魚鱗」炸到乾身,感覺唔膩,六樣小食中最推介「脆炸魚片」,薄而微脆少鹹。餐廳會不定期改變九品料理嘅菜式,不時就會帶比你驚喜! 黑蒜黑豚肉卷(HKD48) 豚肉燒得香脆,而且上面佈滿黑蒜,味道更為濃郁。 煙肉荔枝卷(HKD48) 煙肉本身咸香味重,但加上荔枝,甜味中和咗整體味道,令層次更為昇華。 嗌咗咁多小食、串燒同佐物,最好就配埋店內麒麟生啤(HKD52),真係人生一大樂事。 味道樂居酒屋 地址:長沙灣元州街498號青華閣地下C舖 電話:2989 1128 / 6121 5113 營業時間:星期一至六:12:00-15:00; 18:00-23:00 星期日:18:00-23:00