Tagged: 夏祭

0

【限定14日 夏祭開鑼!】SOGO

夏天為大地帶來‧‧‧‧‧‧美食!想食日本好東西,集中地當然係SOGO Freshmart,次次小編去銅鑼灣都會行個圈,今次一年一度的日本夏祭只有限定14日(7月6號開鑼)更唔可以錯過!因大部份攤檔所售的日本食品都係期間限定,平時SOGO係無得賣嫁!小編要今次把握機會,睇吓有咩正嘢食,去掃貨! 現場有不少攤檔,布置跟足日本祭典,推廣人員都穿上傳統服裝招待客人!行完一個圈,小編表示已餓了,出動! 必食1號  年輪蛋糕 Juchheim喺日本已經鼎鼎大名,年輪蛋糕早已出晒名,小編見岩岩開檔,梗係衝咗去試食先! 有原味、朱古力、士多啤梨、藍莓的忌廉慕絲年輪蛋糕(細:HKD$20) ,迷你版真係好抵食,一開檔就有唔少人買,細細隻方便食完行街。一拎起上手,就聞到很香的雞蛋味,口感扎實,更帶微微濕潤,Juchheim真係每次都有驚喜,一定要食! 除年輪蛋糕,仲有採用百年老店「大井肉店」神戶牛肉製成的神戶牛肉批(HKD38),仲有蘋果批(HKD38)與安納芋批(HKD28),更首次在香港登場,過埋呢兩星期就無啦! 小編最愛蘋果批,甜甜的內餡是我愛的甜食list三甲! 必食2號  蕃薯甜品 JUCHHEIM對面就係松藏POTATO!小編有位好鍾意食蕃薯既朋友去日本東京食過,仲好興奮影相話係「食過最好食既蕃薯」,推介我去到當地一定要試!今次香港有得食啦,但記住係限定14日,想食要快! 今年紫薯大熱,迷你雙色蕃薯(HKD14)啱晒香港人口味! 經加工後變成一隻隻的甜蕃薯,焗得咁靚仔,小編食過蕃薯菓子(HKD22)後才明白朋友的驚歎!蕃薯皮很薄,仔細睇其實是有分層,外面一層油油地的糖衣,裡面是加工擣碎的蕃薯蓉,也太有口感,而且有淡淡的甜味,是一顆幸福的蕃薯! 有選擇困難症的小編最後揀咗松藏set(HKD100),有齊三款蕃薯菓子系列,仲有迷你雙色蕃薯,絕對係必試! 必食3號  一口格格脆 行去夏祭攤檔,大家都畀佢吸引,原來係「窩夫格格脆」! 有多種口味選擇,抹茶、士多啤梨、曲奇等,窩夫格格脆(HKD39/4個、HKD64/7個、HKD100/11個)可以任意配搭! 日本師傅正用心製作中,每個步驟都小心翼翼。 見到師傅於焗好窩夫後,先放涼再剪開一半。 加上抹茶醬後,新鮮焗起的「一口格格脆」就完成了!酥皮香又夠脆,而小編揀選抹茶味,據說是最好賣的,好啱同朋友、屋企人開心share! 必食4號 即制魷魚絲 日本皇牌小食魷魚絲同乾魚仔,每次去一定會買幾包返黎!小編行近少少攤檔都聞到陣陣鮮味! 有多款海產類制品售賣,好似乾魚仔(HKD100/120g)、大豆魚仔、一口帶子同北海道產元貝等。 唔好以為師傅無咩功夫,只是將魷魚切絲呀!小編講多少少,其實整魷魚背後製作過程好複雜,將魷魚切件去皮後,還要經過N個步驟!咁多程序都係為左令佢夠鮮味!小編即刻試已切絲的制品,果然是帶鮮味而不太鹹,值得一讚,食落嚼勁十足,好啱返工口痕密密食! 魷魚絲(HKD160/120g)切絲幼細,小編愈食愈多,完全沉醉咗自己世界,無法自拔! 必食5號 芝士蛋糕 咬完一輪魷魚絲,食返啲甜品先,去日本必試一定係芝士蛋糕!品牌Ocean KE-KI採用日本進口材料,日籍師傅主理,於香港新鮮製造,見到現場所賣的芝士蛋糕有朱古力、雙層及抹茶口味(HKD30/1pc),可以揀三種口味的Set裝。 日式芝士蛋糕最重要夠綿密濕潤及香濃鬆軟,日本人製作芝士蛋糕已去到神級水準,當然呢個迷你版的cheese cake也沒讓我失望,在凍櫃剛拎出黎,芝士味夠濃,入口都有濕潤感,今天真係幸福的小甜點日! 同場加映 酥皮鯛魚燒 長期有人龍的酥皮鯛魚燒,在日本已擁超過...