Tagged: 外賣飯盒

0

【尖咀貼心速食外賣餐!】米路18

香港人節奏急速,連帶午餐飲食習慣都係以快為重,但係日日食快餐又未能兼顧健康。位於尖東嘅米路18係由一對親姊妹開創,致力為急促繁忙嘅港人提供健康味美嘅外賣飯盒!顧及大家生活節奏之餘,又關注大家嘅健康! 紅酒燴牛腩飯(HKD42)飯盒嘅米飯選用日本珍珠米,甜度比起一般米飯高,口感較為煙韌,吸收醬汁之後會更加香甜。紅酒燴牛腩配料有蘿蔔同洋蔥,店主刻意將配料切成細細粒,方便送飯,急住食飯嘅港人連咀嚼時間都可以慳多一點點!牛腩帶住少少牛筋,食落更爽口,唔會滯!味道香濃惹味,送飯一流! 梅菜扣肉飯(HKD42)足料之選!梅菜份量非常之多,仲附帶四大片扣肉!扣肉選材亦高質,脂肪部分呈啫喱狀,充滿彈性,肥瘦比例平均。醬汁甜甜地好開胃,感覺唔黏膩,送飯首選! 除咗飯盒同包,餐廳都有小食提供㗎!海苔軟骨雞肉棒(HKD15)賣相特別,食落質感煙煙韌韌,口感有少少似細細粒嘅魚蛋!想體驗獨特口感嘅你就要試試啦! *飯類星期一至六可享用套餐,購買飯盒送紙包/罐裝飲品 *小食14:00後供應,加HKD5可升級套餐,享用紙包/罐裝飲品 米路18 地址:尖沙咀加連威老道98號東海商業中心地下G18B號舖 電話:5396 3387 營業時間:星期一至六:11:00-18:00 星期日:休息