Tagged: 好去處

0

【團拜推介5大高質Party Room VR+極限運動一站式配套】

新年除咗周圍去拜年,仲要留啲時間約埋班friends去玩嘅。未諗到去邊好?不如搵間設備齊全嘅Party Room盡情咁玩啦!除咗有打機、唱K、Board Game、打牌、波波池呢啲設備之外,依家啲Party Room仲有好多估佢唔到嘅活動㗎!即刻介紹5間空間夠大又有特色主題嘅Party Room俾大家,等你哋成班老友鬼鬼做運動放吓電又得、瘋狂打卡呃like又得,仲有高科技新奇又刺激嘅體驗,實滿足晒你哋唔同嘅願望。   獨家首創冰上曲棍球體驗 呢間3500呎嘅Fun Fun Fun Party Room坐落荔枝角,北歐風設計嘅室內環境簡約舒適。除咗有300呎變色唱K波波池之外,最特別係有獨家首創嘅室內冰上曲棍球場!呢度仿照專業冰上曲棍球訓練場地設計,仲有齊成人同小朋友嘅裝備,嚟返場合家歡嘅冰上曲棍球體驗先。 而全港首創嘅六人對戰乒乓波同Nerf Gun海綿彈槍體驗都係呢度必玩嘅遊戲設備!   Fun Fun Fun Party Room 地址:荔枝角光昌街3號鴻昌工廠大廈7B 電話:6441 2443 營業時間:24小時營業 費用:HKD198/4小時、包無酒精飲品任飲 (20人起包場)     1:1真人版大富翁+旋轉木馬 又要IGable,又要好玩?長沙灣嘅Kowloon Party Room就啱晒你喇,分咗大富翁木馬房同酒吧風格房兩大類型。呢間大富翁木馬主題房就設置咗一個真人版嘅巨型大富翁,遊戲內容係香港版本,自然玩都玩得投入啲啦。 成班女仔聚會梗係要瘋狂影相打卡啦!呢度個粉紅旋轉木馬咁夢幻,真係少女心爆發呀。另外,仲有個藍白色大型波波池,兩種唔同風格都有,閏密相ready!  ...

0

【週末揸車玩轉大埔 滑草打卡歎老字號蟹粥】Local自駕遊

放假唔一定要去外地嘅,留喺香港都有大把好玩好食嘅選擇,週末短短哋嚟個本地一日遊都夠晒充實㗎。今次就喺大埔瘋狂打卡食嘢,再殺入沙頭角滑草,保證大家玩到唔捨得走,即刻出發! 活化打卡熱點 綠匯學苑前身係舊大埔警署,呢個一級歷史建築物活化之後成為文化保育中心,亦還原咗唔少舊警署昔日嘅面貌。報案室、羈留室、槍房等唔止可以參觀,有啲位仲可以打卡添,鍾意懷舊風嘅一定要嚟喇。呢度間中會舉辦導賞團或工作坊,有興趣就留意佢哋官網啦。 綠匯學苑 地址:大埔運頭角里11號 電話:2996 2800 開放時間:星期一至日:10:00-17:00 [最後登記入場時間:16:30](星期二休館) 費用:全免   午逅星馬菜 都算區內新店嘅果子Life Café主打新加坡同馬來西亞菜,有得食經典嘅海鮮喇沙(HKD66)同埋肉骨茶(HKD88),味道突出之餘分量都幾多㗎。 果子Life Café 地址:太和汀角路11-13號啟昌樓地下13號舖 電話:2812 6038 營業時間:星期一至日:11:30-22:00   四驅滑草 食完晏可以揸大約30分鐘去禾田喜山種植園,入面有70米滑草道俾你風馳草道嘅滋味,大人細路都玩得㗎! 呢度仲有得餵羊仔、玩高卡車、泡泡足球等等添,買全日(HKD120/位)或半日套票(HKD90/位)就可以任玩園區設施。不過呢度冇得wallk in,想去就要預約喇。 禾田喜山種植園 地址:沙頭角塘肚村 電話:6010 5978 / 5118 1740 營業時間:星期五至日:10:30-16:30,星期一至四休息 停車場:HKD80/日泊(園區內)...

0

【內有小貓花Cafe】小房子

最近見大家都不停post小房子既相,搞到我都好想去潮聖一下。小房子位於一棟唐樓裡面,行3層樓梯上去之後,便會黎到依個世外桃源,充滿植物既cafe! 一檯檯客人都係同好友輕鬆閒談,氣氛好好。如果想搵個地方同朋友hea,小房子係一個值得推薦既地方! 注意!內有小貓,個名叫easy,好sweet好可愛架!大家都爭住同佢影相! 我叫既飲品係today’s special櫻花梅子梳打,侍應奉上時候有叮囑飲用之前要篤爛梅子先飲,好貼心。唔係太甜,味道好清新,好味道! 主角黎喇,櫻花水信玄餅。比我想像中細粒,晶瑩剔透,好鬼靚! 加入黑糖食用,無咩味道,但係就好靚,一路食心情都即刻變靚。 小房子 旺角豉油街67號2樓 星期一至日: 14:00-23:00 星期一沒有食物提供