Tagged: #市集

0

【美麗華聖誕市集食買玩優惠 黑毛豬套餐+皮革工作坊】Mira Place

話咁快就到年尾,尖沙咀Mira Place 1期中庭已經開咗「 DRESDEN X’MAS MARKET」近接聖誕,有得試食葡國蛋糕、優惠價買西班牙伊比利亞黑毛豬火腿同酒開party、朱古力禮盒、皮革工作坊等食買玩環節。而且Mira Place將聯同聖誕市集商戶,將部分收益捐贈俾慈善機構 Watoto,支持佢喺非洲嘅救助兒童工作,令你嘅消費變得更有意義。Watoto兒童合唱團仲會喺12月26日嚟Mira Place演出聖誕歌曲,即刻睇吓有咩啱你心水順便做埋善事啦! 「 DRESDEN X’MAS MARKET」歐陸聖誕市集每 30分鐘就會上演「 Lights of Dresden」聖誕光影音樂匯演,七米高嘅巨型聖誕風車塔會慢慢轉動,而彩繪燈箱同燈飾跟著音樂閃爍;場內仲有幸運胡桃夾子同聖誕樹,行市集內有6間期間限定店之前記得打卡呀。   1. 準備聖誕派對食物 – Caliu  聖誕節就算自己唔開party都有唔少朋友會邀請你,冇理由帶兩梳蕉嘅。Caliu就有32至60個月嘅西班牙伊比利亞黑毛豬火腿、法國鴨肝、鴨肉醬、罕有嘅意大利清甜松露蜜糖、各式紅白酒等派對食物。 想自私同佳人慶祝可以考慮Christmas Combo Set(HKD498[原價HKD588]),會有一枝Maset del Lleo Cava Semi-Seco、一份32個月西班牙伊比利亞黑毛豬火腿、黑毛豬香腸切片同兩隻限量酒杯。   2. 葡國聖誕蛋糕 –...

0

【港日台咖啡達人集結PMQ 咖啡市集下星期開鑼】PMQ

下星期長假有咩玩?PMQ元創方喺4月19-22日再舉辦「Coffee Agenda咖啡生活市集」,大家又可以去上環慢活一吓兼打卡喇。想飲得環保啲,可以去現場嘅「GO CUP」走杯攤檔俾HKD20按金借杯,之後去特定沖洗區洗乾淨再還杯就可以攞返按金;如果自備杯去咖啡攤檔買咖啡,仲即時扣減HKD2添。 今年由本地咖啡媒體「啡聞」協辦,邀請咗日本、台灣同本地出眾嘅咖啡師一齊參加,入面仲有世界咖啡賽事冠軍同評審,無論聽咖啡故事定係品嚐咖啡,都一定令你回味。 咖啡覺醒×神諭咖啡嘅咖啡拉花好手會嚟同大家交流,仲帶咗自家意式拼配咖啡,混合咗雪茄、焦糖同黑朱古力味。而單品咖啡豆亦帶有三種唔同嘅耶加雪菲俾大家揀。 Studio Caffeine嘅咖啡師攞過唔少獎,其中攞過2017香港咖啡沖煮賽第一名同2018香港咖啡拉花大賽第三名等等。今次市集帶嚟幾款tonic water,加入濃縮咖啡變出新口味,有帶出檸檬酸度、有充滿草本花香、有清爽茶感等等。 sensoryZERO為市集推出限定嘅咖啡泡泡雪糕,係充滿創意嘅咖啡甜品!當然都有佢哋熱賣嘅美式有氣咖啡,帶著平衡果酸好醒神㗎。現場仲有新鮮烘培嘅咖啡豆同即場開設嘅SCENTONE工作坊。想深入啲可以向佢哋報讀「COFFEE LAB Asia x sensory ZERO專業咖啡課程「,同埋「sensory Artisan香港獨家代理 Bullet R1 V2及SCENTONE T100」預購優惠。 想買咖啡嘅週邊產品都可以喺市集搵到喎,來自日本嘅Trunk Coffee帶嚟自家設計嘅Origami 咖啡濾杯同自家烘焙嘅北歐風味咖啡豆。 一連四日嘅咖啡生活市集仲有好多咖啡體驗班,想參加就click入下面連結登記啦: http://www.pmq.org.hk/event/pmq-coffee-agenda-2019-4-19-22/?lang=ch 「Coffee Agenda咖啡生活市集」 地址:中環鴨巴甸街35號PMQ元 電話:9817 6848 營業時間:4月19日:14:00-20:00,4月20-22日:12:00-20:00

0

【無懼世事變改 新舊香港牌子大集匯】PMQ世代同撈@Mart Box

舊時代產物總係令人心動,雖然未必及得上今日嘅科技方便,但係無咗昔日嘅努力同奮鬥,就無辦法開啟新世代生活。唔想往昔生活文化被時日淘汰,將手藝代代相傳並喺傳統之中尋求創新,新舊共存先至夠「襟撈」。6月28日至7月2日期間,PMQ元創方會舉辦懷舊與創新共融「世代同撈@Mart Box」市集,集結咗大約30個攤檔,提供衣、食、住、行元素,其中包括廣為人熟悉嘅傳統品牌:好似紅A、坤記竹昇麵,仲有創新Crossover例如:雙妹嚜 x Artisense、公利蔗汁 x 麥氏手工啤等等!傳統同創新一次過體驗得到,一齊向默默推動香港發展嘅傳統品牌致敬! 去市集梗係要邊食邊玩,老字號「公利蔗汁」,將會聯同由80後創立嘅本地薑手工啤酒品牌「麥氏釀酒廠」,以家傳古法製作嘅公利蔗汁創出公利蔗汁手工啤酒,百分百本地精釀同埋活動限定㗎! 榮獲米芝蓮推介嘅「坤記竹昇麵」就會同英國地道傳統脆豬皮小食「Mr. Porky」合作,以脆豬皮碎製成脆豬皮竹昇麵,夠晒特別呀! 重現七、八十年代香港情懷嘅「美樂士多」亦都會帶嚟各式各樣經典零食同小玩意,同本地手工雪條品牌「NICE POPS」合作推出多款懷舊口味雪條,齊齊緬懷兒時食雪條嘅美好時光。仲有唔少小學雞都識嘅「阿波羅Appolo」會同藝人欣宜嘅「Homie Cookies」曲奇品牌合作推出不同口味嘅雪糕三文治,勁多品牌大集合,為炎炎夏日降降溫! 除咗食之外,仲有陪伴香港人已經超過一個世紀嘅「雙妹嚜」仲會同新晉香水品牌「Artisenses」合辦香水工作坊,教大家以「雙妹嚜」產品創製個人風格香水產品,整出真正屬於自己嘅氣味添。 本地品牌「紅A」亦都會將展現好多深入民心嘅塑膠擺設,更會以經典紅A水桶製作拋豆袋過三關小遊戲,啲童年回憶即刻返晒嚟呀!唔止呀,佢仲會以副線CreA帶嚟設計新穎嘅塑膠產品,現場仲會大送「紅A」特製限量塑膠卡片套添! 有得食、有野睇、有野買,更加重要嘅梗係打卡啦!現場會有美樂懷舊甲蟲車比大家大影特影。仲會將迷你貨櫃變埋懷舊照相館,佈置成七、八十年代懷舊公屋背景,大家可以盡情影相,記錄舊日香港情!另外,現場仲設有攝影黑房,如果想知多啲黑房運作,試下自己曬相就唔好錯過喇! PMQ 世代同撈@Mart Box 日期:2017年6月28日至7月2日 時間:6月28日:16:00-21:00 6月29日至7月2日:12:00-21:00 地點:中環鴨巴甸街35號PMQ元創方地面廣場

0

【EGGCITING PMQ繽紛復活蛋市集】PMQ貨櫃市集

好快就到復活節啦,放假留喺香港都一樣好多野玩!想感受下復活節氣氛,復活節主題市集你點可以錯過?PMQ EGGCITING @ MART BOX迷你貨櫃市集同你大玩顏色加創意,場內一共有6個色彩繽紛嘅迷你貨櫃同埋超過20個精選攤位,包晒好多好玩體驗、美食餐飲、本地手作產品、服飾同埋親子工作坊。今個復活節假仲唔有排玩! 市集最吸引就係電子畫蛋機,玩嘅人可以隨機扭出唔同顏色嘅復活蛋(HKD10),仲可以自訂一句英文字印喺扭出嚟嘅復活蛋上面(HKD60),或者填上唔同顏色,創造出自己獨一無二嘅復活蛋,送比人地或者留為紀念! 去到除咗可以整復活蛋之外,話到明係玩顏色,當然仲有好多色彩繽紛嘅攤檔同特色食物啦!好似有人氣本土手工雪條品牌「ISEE iSEE」為市集推出嘅粉色系列果肉雪條。 「Lof10辦館」亦會帶嚟以色彩為主題嘅餐飲小食,大飽口福之餘,仲可以相機食先! 雜貨類仲有本地手作花卉店「Amen Florist八拾花火」近期非常囑目嘅「花火瓶」同色彩斑斕嘅花卉產品。 想去就要留意時間啦! PMQ貨櫃市集 日期及時間: 4月13日(四)16:00-21:00 4月14日(五)至4月17日(一)12:00-21:00 地點:中環鴨巴甸街35號PMQ 元創方地面廣場

0

【PMQ果藝市集 生果瘋狂食買玩!】PMQ 果藝市集 2017

各位生果潮人要留意啦!聽日開始,由3月23日至3月26日PMQ元創方舉辦「春夏限定:PMQ 果藝市集 2017」,以生果為主題,名符其實可以帶住兩梳蕉去行市集!20個攤檔個個都各有特色,除咗有得大歎生果,仲有得玩生果Workshop,大人細路都可以一齊享受春日新氣息! 市集推出多個親子生果Workshop,星期六日鍾意享受Family Day嘅你就啱晒啦!去到佢地有士多啤梨紅玫瑰、水果波板糖、蘋果薯條、同水果心靈繪畫工作坊等等大玩生果創意藝術。大家可以盡情發揮小宇宙,製作各式古靈精怪嘅特色生果料理! 呢個市集仲引入咗超過 20 個有水果元素嘅精選攤位,除咗有得買新鮮生果,生果主題飲食,生果宅配、有機健康產品、護膚品、手作精品同埋調味品樣樣都齊。 好似有「呃 Like 之選」色彩繽紛嘅Minijobs飲品,又解渴又靚。 充滿懷舊風格嘅美樂士多,今次市集佢仲會推出限定咸檸七,嚴選新鮮檸檬製作,延續昔日情懷。 仲有Buttery Factory精緻嘅自家製冬甩,特色水果乾小食同果醬,勁多種口味大家任揀!仲有I SEE I SEE同Heiniken都喺埋市集入面。平時忙到甩轆嘅你可以感受一下小清新,享受春日清爽氣息! PMQ 果藝市集 2017 日期:2017年3月23日至3月26日 時間:3月23日(四)16:00-20:00 3月24日至26日(五至日)12:00-20:00 地點:中環鴨巴甸街35號PMQ元創方地面廣場

0

【甜到漏!聖誕糖果嘉年華】荃新天地2期×麥田捕手

聖誕假期流流長,流到一個點,而家都未有節目?12月荃灣荃新天地2期會舉行糖果主題聖誕嘉年華,分別會喺12月17日(星期六)、18日(星期日)同埋12月24-27日嘅12:00-20:00舉行,到時除咗有巨型糖果聖誕樹、超夢幻糖果波波池、單車發電嘅未來信箱同埋過百個手作攤檔添!想有個sweet到爆嘅聖誕一定要去睇下!提提你,只要你喺App store下載咗BOGO HK,喺17/12現場仲可以即時獲得包含42間餐廳,126個地點,價值接近17,000嘅買一送一BOGO HK餐飲禮券添呀! 我地就喺市集門口度等緊你嚟拎優惠㗎咋,記得同我地Say Hello啦! 巨型糖果聖誕節由520粒彩色糖果製成,外層加上糖漿同雪粉裝飾,睇到都sweet爆!啱晒一家大細、情侶去影相留念!另外,仲有過百尺夢幻糖果波波池!池入面有過千粒糖,仲不設年齡限制添,小編都即刻想去浸個浴! 市集仲設置咗全港首個以單車發電嘅未來信箱裝置。大家可以將自己嘅願望寫喺DIY嘅聖誕卡度再放喺聖誕老人手上,透過單車發電,聖誕老人就會識得行過去郵箱度寄信啦!講到明係未來信箱,大會會按照大家要求嘅收信日期寄出你嘅信,等你盡訴心中情!成個未來信箱嘅收入仲會捐到Orbis奧比斯為失明人士重新開啟光明新一頁添! 聖誕市集仲有過百中港台檔主,創意手作品牌同埋網絡紅人陪你過聖誕!唔少得梗係有印度彩繪紋身、手作押花飾物同手作皮革飾物等等必check攤檔。另外仲會有兩個工作坊,包括「聖誕樹小木牌製作」同埋「人力單車聖誕郵差」,等你可以親手製作聖誕禮物添! 荃新天地2期×麥田捕手 聖誕市集 精果之旅 地點:荃新天地2期中庭 日期:12月17至18日,12月24至27日 時間:12:00-20:00 快啲下載BOGO HK 盡享600+ 美食優惠啦 iOS手機用戶:https://appsto.re/hk/-PaZfb.i

0

太飽喇!Too Full For Food x Fix It For You「給自己的聖誕禮物」手作市集

今個週末仲未諗到去邊玩?小編就有好介紹!「給自己的禮物」創意市集將於12月11日(星期日)於觀塘The Wave舉行,除左有唔同既創意手作攤位之外,仲會設有禮物換領(禮物由各檔主及大會送出)及音樂表演。此外,市集將設六個不同的工作坊,包括聖誕花環、手染皮革手機殼/卡片套、DIY 聖誕水晶球音樂盒、3D Pop Up Card/機關賀卡、小刺猬羊毛氈袋及手繪布袋工作坊,大人小朋友都適合!心動不如行動! 仲有仲有,當中法國及台灣插書家為我地設計其中一款聖誕卡, 仲會免費幫你寄俾親朋戚友! 所以呢,大家星期日又多個選擇去行下啦! Too Full For Food 每星期會於Facebook進行「大激賞」,短短數月間已經送出超過港幣200,000元飲食獎品給香港人!其中包括各色各樣精美飲品和美食,甚至餐飲禮券,為大家爭取免費餐飲體驗。大家追隨我地飲飲食食的步伐,可以獲得我地誠意為大家搜羅美食資訊和各類餐飲「大激賞」!我地係嚟緊呢個星期日仲會同大家係觀塘The Wave見面,更會係會場內進行「真‧Pop Up Giveaway」,同現場嘅朋友進行即場「大激賞」,送出極大量餐飲禮券及優惠!除此之外,我地仲會為大家帶嚟全新真.香港搵食手機 APP – BOGO HK,等大家可以親身體驗遍佈全港九新界,超過600個買一送一嘅餐飲禮遇!記得到時嚟市集記得搵我地啦! 「給自己的聖誕禮物」手作市集 日期: 2016年12月11日(星期日) 時間: 12nn-7pm 地點: 觀塘興業街4號The Wave 1/F全層 費用: 免費