Tagged: 復活節

0

【HAPPY b.復活節兔仔禮品 必入cute爆棒棒曲奇】HAPPY b.

復活節仲有幾日就到喇,準備咗朱古力未呢?agnès b. 旗下法式生活品牌HAPPY b.推出復活節期間限定嘅朱古力禮盒,可以喺指定嘅agnès b. CAFÉ同DÉLICES分店買到。全部都勁可愛㗎,大人小朋友見到都會鍾意囉。如果未諗好送咩復活節禮物俾朋友仔,甚至係兔仔迷,咁你繼續睇落去啦! 復活節棒棒曲奇(HKD38/枝)有復活蛋、粉紅小兔同白色小兔嘅造型俾你揀,三款都咁趣緻,啱晒買俾小朋友。 b. lapin 收納盒配迷你朱古力豆(HKD390),除咗有朱古力食之外,最開心梗係有呢個咁cute嘅兔仔盒啦! 唔鍾意太花巧嘅朋友,可以揀呢款“Vive le printemps” 朱古力復活蛋(HKD268),設計簡約之餘,又不失復活節氣氛。入面就有焦糖牛奶朱古力、紅桑子黑朱古力同杏仁碎榛子黑朱古力三款特別口味嘅復活蛋添。 買完復活節禮物坐低抖抖,試埋兩款RADIO特別版蛋糕就完美喇。Lucie(HKD44)面係忌廉芝士,中間有香草海綿蛋糕,配埋鬆脆餅底口感唔錯。朱古力牌上面嘅圖案正正就係「agnès b. RADIO」網絡音樂電台個Logo。 而呢款用咗松露朱古力整成嘅特別版蛋糕Mélanie(HKD44)加入紅桑子蓉,冇咁膩,賣相仲夠晒型格添!   agnès b. CAFÉ 專門店 地址:中環歌賦街 8 & 10 號中山樓地下 電話:2563 9393 營業時間:星期一至五:11:00-20:00,星期六、日:09:00-20:00 地址:中環國際金融中心二期 3 樓...

0

【復活節家庭樂沙灘彩蛋尋寶 預訂門票食埋半自助餐】Bathers

復活節梗係要帶小朋友出街放電啦,想健康啲可以去大嶼山下長沙泳灘嘅海餐廳Bathers,因為有經典嘅彩蛋尋寶遊戲,又可以俾小朋友親親大自然。想入到去先食嘢的話,餐廳仲有半自助午或晚餐。 呢度喺4月19日會舉行兩場復活節彩蛋尋寶活動,有11:00同17:00可以揀。除咗尋彩蛋遊戲,仲有多個親子互動遊戲,例如親子合作傳蛋、化身侍應傳菜等等。 而半自助午或晚餐除咗有自助冷盤同沙律,大人(*HKD395/位)可以喺特色主菜四選一、分享三道精緻甜品拼盤同一杯餐酒。小朋友(*HKD290/位)有小童專用主菜、一杯新鮮果汁或汽水同一張彩蛋尋寶活動入場券。 彩蛋尋寶遊戲細節: – 歡迎4至12歲小朋友參加(3歲以下幼童需由成人陪同方可參加),每位收費為HKD100 (不包含半自助餐)。 – 每個時段分成三節,每節參加人數約18至20人,同時再以年齡分兩組進行。 – 每位參加者均可獲贈特別獎品。 網上訂座/購票: 11:00:  https://bit.ly/2TEwlRN 17:00: https://bit.ly/2JegxjG   Bathers 地址:大嶼山下長沙泳灘32號 電話:2504 4788 營業時間:星期二至五:11:00-21:30,星期六、日及公眾假期:09:00-21:30 *餐飲有加一服務費。

0

【EGGCITING PMQ繽紛復活蛋市集】PMQ貨櫃市集

好快就到復活節啦,放假留喺香港都一樣好多野玩!想感受下復活節氣氛,復活節主題市集你點可以錯過?PMQ EGGCITING @ MART BOX迷你貨櫃市集同你大玩顏色加創意,場內一共有6個色彩繽紛嘅迷你貨櫃同埋超過20個精選攤位,包晒好多好玩體驗、美食餐飲、本地手作產品、服飾同埋親子工作坊。今個復活節假仲唔有排玩! 市集最吸引就係電子畫蛋機,玩嘅人可以隨機扭出唔同顏色嘅復活蛋(HKD10),仲可以自訂一句英文字印喺扭出嚟嘅復活蛋上面(HKD60),或者填上唔同顏色,創造出自己獨一無二嘅復活蛋,送比人地或者留為紀念! 去到除咗可以整復活蛋之外,話到明係玩顏色,當然仲有好多色彩繽紛嘅攤檔同特色食物啦!好似有人氣本土手工雪條品牌「ISEE iSEE」為市集推出嘅粉色系列果肉雪條。 「Lof10辦館」亦會帶嚟以色彩為主題嘅餐飲小食,大飽口福之餘,仲可以相機食先! 雜貨類仲有本地手作花卉店「Amen Florist八拾花火」近期非常囑目嘅「花火瓶」同色彩斑斕嘅花卉產品。 想去就要留意時間啦! PMQ貨櫃市集 日期及時間: 4月13日(四)16:00-21:00 4月14日(五)至4月17日(一)12:00-21:00 地點:中環鴨巴甸街35號PMQ 元創方地面廣場