Tagged: 意大利菜

0

【美意菜餐廳旺角新店新Menu 藝術裝潢歎重量級菜式】Amaroni’s

美意餐廳Amaroni’s嘅又一城店踏入20周年喇,一向以性價比高、分量多嘅美式意菜做主打,儲埋唔少捧場客㗎。最近終於喺旺角MOKO開咗新分店,仲有新Menu俾啲新鮮感大家添。 一走入餐廳,見到店內掛有古典吊燈、油畫等等,就好似時光倒流咁,夠晒經典復古喎。 前菜先食呢道野莓雞肉沙律(HKD135/Regular)開吓胃!以士多啤梨、啤梨片、焦糖核桃同菲達芝士做配料,再加入紅莓油醋撈啲雞肉同沙律菜,入口好清新。 主菜就要試旺角新店首推嘅Chef’s Designer Pizza特色拿坡里薄餅(HKD148-162),餐廳將餅皮發酵過程改良,食落特別煙韌鬆脆㗎。面頭鋪上巴馬火腿,充滿意式風情。 嚟呢度仲要食埋佢哋嘅經典千層麵(HKD152/Regular),每一層闊麵都加咗巴馬臣芝士同水牛芝士喺裡面,食落有濃郁嘅芝士香味之餘,仲有拉絲添,簡直係雙重滋味呀! 仲有大大碟嘅蕃茄醬蜆肉意大利粉(HKD132/Regular),貫徹意菜嘅風格以羅勒茄醬同大量蜆肉炒意粉,酸甜惹味。 最有代表性嘅意大利甜品就非意大利芝士蛋糕(HKD78)莫屬喇,佢亦都係呢度嘅招牌甜品嚟嘅。特製忌廉、浸滿咖啡酒同Espresso嘅手指餅層層堆疊, 面頭灑滿可可粉同黑朱古力碎,入口就有超濃嘅咖啡同酒香。 而呢款獨家自製嘅意式甜卷(HKD68)都係經典嘅意大利甜品,喺脆皮內填滿creamy嘅雲呢嗱醬,又有淡淡櫻桃利口酒嘅酒香,加上脆口嘅朱古力碎真係好邪惡,但喺香港唔易食到㗎!   Amaroni’s New York Italian Restaurant & Café (MOKO店) 地址:旺角太子道西193號新世紀廣場5樓526號舖 電話:2368 8256 營業時間:星期一至日:11:00-22:30

0

【連續兩年米芝蓮推介 冬日意菜限定海洋宴】Involtini Italian Cuisine

開業未夠兩年,已經連續兩年攞到米芝蓮推介嘅意大利餐廳Involtini Italian Cuisine,佢哋行政主廚兼創辦人之一嘅Jack亦曾經喺米芝蓮3星嘅意大利餐廳任職,信心保證。佢哋每隔兩至三個月就會推出新嘅Tasting Menu,依家一定係試最新嘅冬日Tasting Menu啦,其中一道菜式嘅意念仲來自提倡保護海洋嘅概念。 最新冬日Tasting Menu(HKD568)頭盤「海床」真係模仿海床嘅外貌製成,以日本八爪魚、漬魚、帶子、貝殼類食材同冬季必吃嘅西班牙煙燻鰻等,配海苔薄片。喺欣賞美食之餘,同時睇到美麗嘅海洋。 第二道菜係牛清湯配肉丸,飲一啖以新鮮牛肉熬成嘅濃郁熱湯,配上用和牛做成嘅意式肉丸,冬天仲點會怕冷呢。 第三道係用一種極寬闊嘅意大利麵Cannelloni捲成嘅日本佐賀豬意麵卷配牛肝菌汁。用上5種唔同香料醃製嘅豬肉餡料,配合味道濃郁嘅牛肝菌汁,真係香噴噴! 意大利餐廳當然唔少得意大利麵。用當造嘅松葉蟹配新鮮手造意大利麵同自家造橙油,再以海鮮湯同蜆汁煮成,每啖都係海產嘅清甜鮮味,一食難忘。 主菜有兩款俾你揀,一款係慢煮法國乳鴿胸。乳鴿係來自法國嘅野生乳鴿,比起香港一般食到嘅乳鴿味道更濃郁,肉質鬆軟啲。  另一款係香煎M8牛上冧肉,肉質比其他位置更有彈性。   Involtini Italian Cuisine 地址:銅鑼灣駱克道459-461號 The L. Square 11樓 電話:2658 2128 營業時間:星期一至日:11:30-15:00,18:00-22:00

0

【為愛妻扎根香港 外籍廚師炮製浪漫每一餐】Al Pesto

今時今日想成功?不單單要愛上你嘅工作,最好直頭將最愛嘅事化為事業咁投入去做。所以嚟到堅尼地城一定要去呢間意大利餐廳Al Pesto,因為店主將佢喜愛嘅意大利美食都帶俾大家,佢仲因為老婆而紮根香港添。一個有愛又熱誠嘅人,整嘅食物一定特別好味。 淨係睇個店名都已經感受到意大利嘅氛圍,Pesto(香蒜醬)係一種起源於北意大利嘅調味醬,店主會用嚟煮意粉㗎。入去已經好鍾意水吧嘅設計,好似迷你酒吧咁,紅色枱布仲俾人熱情嘅感覺添。 平時食西餐都係等到主菜先會有所期待,但係呢度絕對會推翻呢個諗法!首先Soup of the Day是日餐湯(HKD48)係特!濃!超!鮮!甜!嘅蕃茄湯,用料十足好開胃,小編完全感受到咩叫誠意之作,加咗少少忌廉仲好似咖啡拉花咁靚。 飲完湯一陣就上Pizza Parma巴馬火腿薄餅(HKD119),瑪加列薄餅餅底少少煙韌,巴馬火腿都算厚肉,芝士就選用最有名嘅巴馬臣芝士,配埋火箭菜清新啲,唔洗怕一下塞飽你。 Chicken Mushroom Risotto蘑菇雞肉意大利燴飯(HKD133)用忌廉煮成,意大利飯保持到彈彈哋嘅口感,唔會過腍,仲有少少焦香味,好考廚師功夫㗎。 咪以為呢個係肉醬意粉,Spaghetti Promodoro意粉(HKD109)係用新鲜梅子蕃茄配羅勒煮成嘅素菜意粉,要用好多個鲜蕃茄先煮到咁多汁,唔係同你講玩! 呢度仲有牛扒同羊肉都好鮮味,啲肉係澳洲或紐西蘭飛過嚟㗎,想配酒的話亦可以搵店主向你推介。 Al Pesto 電話:2818 4660 地址:西環堅尼地城厚和街6-18號滿發大廈地下E舖 營業時間:星期一至日:11:00-15:00;18:00-23:00

0

【意大利廚師誠意製作 灣仔零味精正宗意菜!】Jigger Pitcher

如果你鍾情意大利菜,點可以錯過位於灣仔Jigger Pitcher?佢地提供精品咖啡,仲有意大利廚師為你炮製正宗意大利菜,每日用心製作手工意粉,堅持人手製作而不惜每日限量發售,食物不含味精,種種堅持都係為咗大家可以食到正宗意菜同時又可以食得健康! 餐廳設計雅致,白色外牆好容易識別,有個窗對住大街,更加添閒適嘅感覺。 蒜蓉牛油炸雞塊(HKD88)使用雞脾肉,肉質飽滿嫩滑。炸雞塊入口充滿蒜香同牛油香氣,粉漿唔厚,食落卜卜脆,感覺唔油膩。 蘑菇汁慢煮菲力牛排配黑松露薯條(HKD188)選用美國牛脊肉,肉質嫩滑又多汁,食落牛肉味仲好濃郁。配上雜菌感覺唔會滯,更增加口感層次。黑松露薯條散發獨特香氣,食落好滿足! 鍾意精品咖啡嘅朋友一定要試下呢度嘅咖啡,價錢唔算貴但係可以飲到非一般水準。好似呢杯Espresso (HKD30),一上檯已經散發濃濃咖啡香氣,咖啡味道香濃令小編非常回味!有時間嚟到一定要飲返杯咖啡調劑一下忙碌生活。 嚟到不可不試嘅仲有Tiramisu手工提拉米蘇(HKD40)用Savoiardi biscuit、mascarpone cheese同specialty coffee製成,唔單止苦味同甜味融和平衡,更帶點咖啡味道!食過好想返尋味,真真正正體現到Tiramisu中文「帶我走」嘅意思。噢,小編個心呀! Jigger Pitcher 電話:2795 0668 地址:灣仔謝斐道155號地下D1號舖 營業時間:星期一至六:12:00-22:00 星期日:休息

0

【感受異國風情 銅鑼灣意式滋味】Lo Spazio

銅鑼灣商店林立,商場亦唔少,想食飯總有一間在左近!但係好多時地點就近,私密度就會相對比較低。鍾意環境舒適,地點就腳,又要求足夠私隱度嘅小編,最近就發現一間樓上專業意菜餐廳Lo Spazio。食材夠新鮮,烹調講究,地理位置同環境都一流!即刻介紹返比大家! 室內燈光偏暗,感覺非常舒適,室內佈置型格雅致。玻璃窗可以望到銅鑼灣街景,喺繁華之中享受寧靜片刻。 海鮮扁意粉(HKD158)以大蝦、泰國青口、香烤橄欖為主,伴以自家製醬汁松子羅勒醬。大蝦爽甜彈牙,香烤過更添一分香味,泰國青口亦相當鮮嫩。自家製松子羅勒醬散發陣陣濃郁香草味,每一條扁意粉都吸收咗醬汁同海鮮嘅香氣,入口彈牙而較為乾身,整個意粉都充滿鮮味! 香烤健美雞(HKD188),選材係自由放養嘅走地雞,確保雞肉夠實肉同嫩滑。烹調嘅時候,廚師先以80°C烤6-8個鐘,再塗上橄欖油焗,提升雞肉鮮味同細膩質感。然後再灑上已沾滿原汁嘅香草調製,令香草味道唔會太搶,香得嚟仲保持到雞肉原本嘅鮮味!整個菜式都幾考心思㗎! 香烤排排坐八爪魚腳(HKD98)已香烤並醃製過嘅八爪魚邊緣位置彈牙,而肉質非常鮮嫩,完全無韌嘅感覺,仲有輕輕辣味,食落好惹味。下層配以橄欖同洋蔥沙律,特別配以橙汁,食落酸酸地好開胃。好多人都怕嘅洋蔥經香烤同橙汁醃過,食落唔會覺得鹹,口感爽脆,夾埋微辣嘅八爪腳就更滋味! 霹靂香烤豬肋骨(HKD238)豬肋骨份量十足,一切即開,肉感柔嫩!配以自家特製BBQ醬,裡面混有香橙,醬汁微辣,非常開胃。豬肋骨入口感覺肥美,配返意式青瓜可以中和油膩感覺,喺惹味肥美之間加一分清爽!必試! Lo Spazio 地址:銅鑼灣恩平道42號亨利中心7樓 電話:2778 9877 營業時間:星期一至日:12:00-22:30

0

【無敵大海景!細味豐盛法國佳餚】EL Dining

小編覺得真正嘅奢侈,係你擁有嘅時候無由衷珍惜同感受,任由你所擁有嘅一切慢慢咁消逝。當你唔去珍惜嘅時候,即使只係簡單一碗公仔麵,又或者幾高級嘅佳餚,都只會係浪費,浪費就係真正嘅奢侈……位於銅鑼灣嘅EL Dining,提供非常舒適環境同美饌,令你可以無拘無束盡情享受用餐時光,實實在在感受當下。 餐廳位於商業大廈9樓,裝潢舒適,仲可以眺望維港景色。比你喺優雅嘅環境盡情享受豐盛餐點,最適合喺度慶祝紀念日或者同朋友談心。 套餐可選2個前菜1個主菜,仲會包埋甜品(HKD398)前菜Pan-Fried Crab Cake w/ Mango Salsa,蟹餅由蟹肉,雜菜同香草組成。入口感受到蟹肉一絲一絲,口感極之豐富。再仲配埋新鮮芒果沙律,酸酸甜甜,加添一分清爽感覺。 Prawn Spaghetti w/Garlic and Chili,賣相非常討好。蝦肉雪白彈牙,食落微辣。意粉帶有少少煙韌質感,唔會過腍,配上京蔥絲同燈籠椒嘅絲更顯得香口開胃!作為前菜最適合不過。 主菜有5款選擇,其中Signature Pan-fried Black Iberico Pork chop選用西班牙黑毛豬,豬肉香氣濃郁,肉質嫩滑配上Gravy Sauce,更顯風味。加上焗薯同香草散發郁香,感覺更香口。  Slow Cooked Rack of Lamb採用澳洲羊配以蜜糖芥末醬,大廚會先將羊肉慢煮45分鐘再煎香羊肉表層,大概7成熟,以保持羊肉嫩滑同時又可以確保肉汁豐富,唔會流失。食落羊肉唔羶亦唔韌,甜甜辣辣非常惹味!可能係慢煮嘅關係,羊肉呈粉紅色,感覺鮮嫩,唔會全塊啡色。 Braised Beef Cheek坊間食到嘅牛面頰大多數都係燴,但係呢道牛面頰經過慢煮48小時,質感有少少似牛展。超綿密柔滑嘅薯蓉牛油忌廉味道香濃,配上Gravy汁,味道偏甜。餐廳所有菜式伴碟顏色豐富,其實都係用新鮮蔬果打成蓉再加食用花作伴碟,十分有心思又健康。 提提你,3月上旬開始,餐廳會推出set lunch,大家去之前記得book檯呀!甜品仲可以要求寫message㗎,想比驚喜人就要留意啦! EL Dining 地址:銅鑼灣告士打道230號宇宙商業大廈9樓...