Tagged: 意大利

0

【秋季限定意式野味】DiVino

秋天係意大利人慶祝狩獵嘅季節。意大利餐廳DiVino、DiVino Patio同Spasso引入多款意大利時令野味,包括野豬、鹿肉、鷓鴣及野鴨,以創新烹調方式炮製!為咗令大家更放心品嚐野味,食材都經過嚴選,野味都係嚟自托斯卡尼 (Tuscany)同埋馬爾凱(Marche)。 餐廳總廚炮製野味經驗豐富,今次花盡心思根據每星期進口嘅不同野味設計菜單,每週供應唔同嘅精緻野味菜式,包括:燉鹿肉手製黑椒寬扁麵、錫耶納Pici手製意粉伴綠頭鴨醬、野生斑鳩意大利飯伴煎鵝肝及牛肝菌同埋托斯卡尼野豬栗子班戟卷配羊奶芝士汁,想食高質野味就要快啲去啦! 托斯卡尼野豬栗子班戟卷配羊奶芝士汁,野豬加上秋冬必check嘅栗子,味道鮮甜口感柔滑,加埋羊奶芝士令味道又添一分溫和潤滑,令整個班戟卷入口有融和感! 秘制黑椒意大利闊麵燉鹿肉,黑椒減去鹿肉羶味,同時令肉香更濃郁,肉汁更惹味。配上意大利闊麵,入口彈牙帶煙韌。 秘制錫耶納Pici意大利麵伴綠頭鴨醬,綠頭鴨醬配上意大利麵,入口一啲都唔羶,散發陣陣濃香,鍾意食鴨嘅朋友可以一試。 野生斑鳩意大利飯伴煎鵝肝及香草榛子牛肝菌,鵝肝同牛肝菌係好多人至愛,今次加上野生斑鳩意大利飯,入口感覺柔軟同時味道香濃獨特。想品嚐野味風味嘅朋友一定要試下! DiVino 地址:中環雲咸街 73 號地下 電話:2167 8883 營業時間:星期一至四:12:00-02:30 星期五至六:12:00-04:00 星期日:12:00-01:30 DiVino Patio 地址:灣仔港灣道 28 號灣景中心(Brim 28)1 樓 11 號舖 電話:2877 3552 營業時間:星期一至日:12:00-23:30 Spasso 地址:尖沙咀麼地道 68 號帝國中心 G5-8...

0

【意式雪糕新浪潮】GROM

雪糕友召喚!係咪一直心思思想試晒多國雪糕呢?意大利品牌GROM終於喺香港開首間分店啦!店舖位於中環國際金融中心商場,都幾方便㗎! GROM全部gelato都係源用意大利傳統食譜製作,空氣和脂肪比例比一般雪糕低。為咗確保使用嘅食材夠晒優質,仲自家設置有機農場,提供原材料!仲要無添加人造色素、香料、任何防腐劑或乳化劑,再加埋只選用自家農場嘅新鮮時令水果製作,邊個仲敢話食雪糕唔健康先!   GROM嘅招牌口味係Crema di Grom (Medium HKD69),以經典奶油口味gelato混合厄瓜多爾朱古力同自家烘焙嘅粟米曲奇,口感好豐富呀! 另外最為人熟悉仲有開心果味gelato (Medium HKD69),開心果選用產自中東嘅Mawardi,有「Perfect Green」嘅美譽,果仁味突出,啖啖都食得好開心。 如果雪糕滿足唔到你,唔緊要,仲有鮮果雪葩 (Medium HKD69)!以意大利Siracusa檸檬製作嘅清新口味Limone同香桃味Pesca,使用自家有機農場栽種的蜜桃,果香十足。 仲唔夠?放心,GROM香港店仲會出售意式沙冰Sicilian granita、奶昔、雪條,甚至可以喺gelato加忌廉(HKD6)!成分同其他系列一樣,全部都係全天然,仲不含麩質㗎。唔講咁多住喇,小編要去約朋友食下先! GROM 地址:香港中環金融街8號國際金融中心商場1023號店 電話:2454 2777 營業時間:10:00a.m.-10:00p.m.