Tagged: 手卷

0

【15蚊兩件抵食手卷 平靚正足料又好味】平霸

平霸搵食,今次輪到呢間隨您鍾意,主打超平價手卷,係一班食客嘅至愛呀!小編都唔執輸,幫大家試吓係咪又平又好食先! 特價手卷(HKD15/2個),有鰻魚手卷、三文魚手卷同什錦魚生手卷。小編就叫咗鰻魚手卷同三文魚手卷(講明先,小編係唔鍾意食刺身嘅,基本上餐牌上有得揀三文魚,都係唔會叫嗰隻)。不過,奇蹟發生了!我竟然食晒手卷嘅三文魚!!連我自己都唔敢相信呀。事關佢啲三文魚肥美得嚟又唔油膩,唔加豉油同wasabi就咁食都接受到,係正㗎喎;而鰻魚手卷就有少少遜色喇,鰻魚質地係幾彈牙嘅,不過就有啲啲腥味,但見佢咁足料,ok嘅! 軟殼蟹手卷(HKD18/2),未見過軟殼蟹手卷可以平到咁,仲要係有2件喎,抵到爛啦!食落去味道都唔錯㗎,軟殼蟹炸到酥酥脆脆,好香口,好食!唯一要彈嘅就係食完會好口乾囉! 新鮮海膽手卷(HKD12),嗱嗱嗱,凡事唔好睇表面呀!呢個海膽就咁睇好似得少少咁,但打開其實入面都仲有㗎!海膽好鮮甜,12蚊就有咁嘅質素,算係咁喇! 平霸小評:老老實實,其實呢間啲食物水準一啲都唔差㗎,又抵又好食!不過,服務態度就認真麻麻喇,如果可以改善埋呢點,咁就一流啦! 隨您鍾意 地址:灣仔堅拿道西15號地舖11號 電話:2833 2876 營業時間:星期一至日:11:00 – 01:00 《平霸》平食四方,歡迎各界報料。

0

【海膽進軍零食店 勁食北海道馬糞海膽手卷】松坂庫 magstore

提起松坂庫,你會唔會即刻諗起佢係專賣日韓零食嘅精品超級市場呢?其實松坂庫不斷有新搞作,除咗出過超 hit 嘅雪糕甜品,仲有做即叫即製手卷,樣樣水準都好高!你仲點可以唔睇下?記得記得,有手卷賣嘅舖頭為數唔多,要留意返佢地邊間分店先有呀! 原來最近推出四款手卷優惠,凡買任何野飲就可以用HKD35 (原價HKD45)優惠價享用,嘩,好似好抵咁,但又要試下係咪咁真材實料先得啦!    首先一試,就係日本拖羅配墨魚籽手卷,拖羅脂肪比例高,食落去同一般赤身吞拿魚口感完全唔同,入口充滿油香,加上墨魚籽味道嘅襯托,感覺矜貴。 馬糞海膽手卷絕對係佢地王牌之一,足半版海膽完全蓋住手卷,食落去並沒有腥臭味,反而充滿甘香,海膽迷唔可以錯過! 松坂庫 magstore(手卷限定) 將軍澳分店:將軍澳新都城2期1124-1126舖 銅鑼灣分店:銅鑼灣軒尼詩道396號德興大廈地下2號舖 旺角分店:旺角西洋菜街(好景商場對面) 尖沙咀分店:尖沙咀金馬倫道35號地下

0

【原隻龍蝦手卷 極品刺身宴激活味蕾】大多喜

香港人鍾意食日本料理嘅程度超乎想像,無論係壽司、刺身定拉麵都好受歡迎。小編喺旺角街市附近尋覓到一間主打手卷嘅小店,名為「大多喜」。大多喜原來係日本千葉縣南部一個城市,因小店老闆非常鍾意日本本多忠勝武將,而本多忠勝係大多喜嘅城主,呢個就是店名原意。雖然小店面積唔大,但好在食物選擇夠多。連原隻龍蝦手卷都有,就等小編為大家介紹下啦。 店內以紅色為主色,顏色鮮艷光猛,非常矚目,一望小店門面已經感受到果種居酒屋式嘅熱鬧氣氛。小店老闆咁鍾意本多忠勝武將,點少得用佢嚟坐鎮。一比一本多忠勝盔甲相當吸睛,原來本多忠勝被譽為日本最強武將,係德川家康四大天王之一。咁有來頭,難怪小店特別有氣派。 手卷就食得多啦,原隻燒龍蝦手卷真係第一次試。自家制龍蝦醬燒龍蝦火焰山手卷(HKD88),先將起咗殼嘅龍蝦散上調味料,再係燒烤爐上燒至龍蝦呈黃金色,一邊燒一邊搽上牛油,可以鎖住龍蝦嘅原汁原味,另外燒嘅過程要非常專心,一唔留心龍蝦肉質就會無咁嫩滑。燒完嘅龍蝦要再攤凍一陣先可以食,好野始終要等下嘅。小店手卷飯糰一律用江戶赤醋米,赤醋米係用釀造日本清酒後嘅酒粕當成發酵主原料,佢要經過低溫密閉環境下熟成至少一年,等酒粕由米白色變成咖啡色。製法咁講究,食落味道亦更豐醇獨特。 原隻燒龍蝦仲唔夠吸引?加埋自家製龍蝦醬實無輸。為咗大家唔會食到龍蝦尾段,味覺享受降低,小店非常貼心地喺包手卷嘅過程之中加入自家製龍蝦醬。再用埋特製手卷紙托,貼心指數無限LIKE! 堅持嚴選世界各地新鮮時令食材,海膽雙魚刺身飯(HKD60)加拿大海膽、日本愛媛縣油甘魚、挪威三文魚,全部都真材實料。海膽非常新鮮,無壓傷痕跡表面泛著光澤,肉質飽滿平均,味道鮮甜濃郁。三文魚亦相當唔錯,肉質緊密鮮美,肉色呈粉红色並具有彈性。咁足料,實在抵食! 愛媛縣油甘魚刺身(HKD96)有成10件咁多。油甘魚肉質柔細鮮美,魚肉入口帶有清甜味道,每啖咬落都爽口鮮甜,小編覺得好好食呀! 大多喜 地址:旺角亞皆老街2號新風大樓地下1號舖 電話:2386 0300 營業時間:星期日至四: 11:00-23:00 星期五至六: 11:00-01:00

0

【齊齊做地球戰士 撐至潮環保壽司店 】Wasabi Warriors

來自澳洲嘅Wasabi Warriors於當地開逾50間分店,香港都有分店啦。以健康環保速食理念經營,主要提供外賣壽司同卷物。 其宗旨係”Eat Good, Do Good, Feel Good”,讓客人可以盡情享受Wasabi Warriors新鮮健康美食之餘,亦能為改善地球生態出一分力。 大家可以直接喺雪櫃櫃檯點餐,由左至右擺設手卷、壽司、魚生同沙律。卷物味道新頴且餡料都好多樣化,有成20幾款揀,實有一樣你喜歡。所有卷物都係每天以機器新鮮包製,快捷又衞生。 Crumbed Prawn with Lettuce & Mayo(HKD30)餡料係炸蝦配搭有機蔬菜,飯同餡料卷得結實,好足料。由於即製紫菜口感都更腍身!呢個價錢絕對物超所值啦。 Fresh Tuna with Lettuce & Cucumber(HKD30) 吞拿魚甘甜鮮美再加上有機蔬菜,食得滋味又健康。小編都想買個外賣慢慢嘆個健康午餐。 Wasabi Warriors 地址:中環士丹利街50號信誠廣場地下F舖 電話:2323 1512 營業時間:星期一至五:11:00-19:00;星期六:11:00-17:00 星期日及公眾假期休息 灣仔店: 地址:灣仔皇后大道東1號太古廣場三座B3樓6號舖 電話:2880 9881 營業時間:星期一至五:08:00-19:00 星期六及日:08:00-16:30...