Tagged: 打卡必點

0

【日本千奇百怪拉麵合集 5大破格湯底色彩滿分】日本拉麵

日本拉麵店開到成行成市,正宗嘅日式拉麵固然多捧場客啦,但係日本人嘅創意又點會局限於傳統拉麵款式呢?!今次就帶大家睇吓一系列千奇百怪嘅日本拉麵啦!   1. 夢幻藍色拉麵 係夢幻嘅天藍色呀!呢款由吉法師KIPPOSHI創出嘅藍色拉麵喺網上討論度極高,好有新鮮感。湯底顏色其實係來自藍色嘅螺旋藻,全天然並冇加入任何人造色素,食都食得更安心啦!而佢個湯又點做到咁透明清澈呢?原來係用咗中華料理嘅掃湯法去除當中嘅雜質,亦令雞嘅精華濃縮晒留喺裡面,飲落仲特別濃郁添。呢度單係雞清湯系列就有7款,除咗天藍色呢款之外,仲有其他顏色㗎,不過佢哋嘅特色拉麵好多都係期間限定,食唔食到就睇緣份喇。   吉法師KIPPOSHI 地址:日本東京都涉谷區神南 1-11-5 ダイネス壱番館涉谷102 電話:+81 03-6658-8802 營業時間:星期一至日:11:30-15:00、18:00-22:00 (星期三休息)   2. 「泥漿」拉麵 唔好誤會,大岩亭賣呢碗並唔係泥漿,而係一碗拉麵嚟㗎!泥啡色嘅湯底稠身到好似泥漿咁嘅質地,連匙羹都可以豎喺度,同陷入泥沼冇乜分別……呢碗拉麵嘅賣相雖然唔多討好,但味道就出奇咁好味,濃郁嘅湯頭仲被譽為「全日本最濃」,可想而知佢幾咁誇張啦!   大岩亭 地址:日本愛知縣安城市綠町1-16-9 電話:從缺 營業時間:星期二至日:11:00-14:00、17:00-21:00   3. 檸檬拉麵 檸檬茶就飲得多喇,咁fresh嘅檸檬拉麵你又食過未呢?拉麵上鋪滿一片片檸檬,睇見都覺得酸呀……雖然自創呢款檸檬拉麵嘅日式拉麵店鶏そば 壽喺今年7月已經停業,但依家都陸續有其他地方食到呢款口味咁特別嘅拉麵,有興趣嘅朋友仔就留意吓喇。   4. 珍奶拉麵 前排「珍奶潮」席捲全日本,唔理咩食物都要加珍珠,當然唔少得拉麵啦!日本人氣連鎖拉麵店麺屋武蔵當時就有一款以珍珠奶茶做主題嘅拉麵新品。喺用紅茶茶葉同豆乳製成嘅濃湯,加入煙韌嘅珍珠,再配上杏仁奶茶。食過嘅客人竟然覺得比預期中好味,搞到作為珍奶控嘅小編都想試埋一份呀。   麺屋武蔵五輪洞店...